تونقال

هر ایل اولدوقو کیمین بو ایل محرم لیکدده الله قبول ائله سین مچیدی زادی راهلاییب بیر قالین باش باهالی شیخ آقادا گتیرمیشیک .ائله ایرضه میروضه نی برک دئییر هله هیچ دانیشیقلاریدااا ماخلوقو آللاتماسا تپ تئزه دیر .محرمین اوول گئجه سی مکه مکرمه ده باش وئرن اولایلارا توخوناراق دوره بردن مکه یه یازیلانلارا های باسدی کی جانیم پولوزو بو دین سیز ایمانسیز وهابی لرین اولکه سینده آپاریب خشله مه یین باخخ .ایمکانیز وارسا ائله ایسلام اولکه سینده مدرسه ویاخود خسته خانا دوزلدیب هیچ اولماسا کیمسه سیزلره ال توتون جانیم ال توتون  .قالدی دامین باشینا فیرلانماقیز اونودا  الله دئیین اولسا دیفاع موققدس سوریه دن باشیمیز آیینیسا اورت باسدیر ماحالیندا تاخدادان زاددان بیر کومه قاییریب باشینا دولاناریقداااااا.

او گونلریمه خبر گلدی کی توربا سوی کندینده خوناخام هَب اله کیشی نین عمیسی ده خانه خوداده ایاق آلتدا قالیب اولوسوندا ال سعود بی کیفایت ایتیر باتیر ائله ییب .دده بابا تانیشیدی  عاییب اولماسین جوم آخشامی ائو آدامین گوتوروب قاپیلارینا چاتاندا گوردوم طییی قوناغین ال ایاقی چکیلیب دالا قالانی بیز اولموشوق هر حالدا ایچری گئچیب بو نوصیب وارده نی باش سالیقی وئریب بیر ایستکان ایچنن سونرا  یانیمیزدا بیر ینی یتمه نایتیک عاقیلی شیرین اوغلان اوشاغی اوتورموشدو. ائله بیل دئیردیلر او ایرحمتدیگین بوشانمیش قیزینین اوغلودور. چئری گوزلری آلچی توءخان ویرا ویرا  هَب اله کیشی نین ساغ طرفینده دومسوکلییرک هردن قوزانیب صیفتینه اوجا سسینن دئیرکی هَبی عمو اوغلو بس دئیردین حاجی گلنده دانین داششاقین سنه وئره جه ییم؛ اودا یازیق اوتانا اوتانا الیندن یاپیشیب اوتورداندا بیز ائشیتمه یک یاواججالی اَءیلیب قولاغینا دئییردیکی آی جانیم حاجی گلمه دی کی. اودا سوز آغزیندا قالماسین حاضیرجاوابلیق ائله ییب سئره میجه باخا باخا علاوه ائلیردی کی حاجی گلمه دی دانا یئرینده دی ...........

ائله بیل کی دانین حاجی قاباغیندا قوربان کسمه لیدیلر

_{یالان دانیشمامیشام؛}

_{اوغورلوق ائله مه میشم}

_{؛آدام اولدورمه میشم}

_{؛ایختلاس ائله مه میشم}

_{؛انتخاباتدا تقلب ائله میشم}

_{؛خالقین آروادین بوشادیریب آلمامیشم؛}

_{بیرینین آغزین ای له ییب شالللاق ویرمامیشام}

_{؛بیرینین باشینا بورک قویمامیشام}

_{؛ایشیمین آشارینا ساققال قویمامیشام؛}

_{کاسیب آداملار کیمین فرعونلاییب ایکی آرواد آلمامیشام؛}

_{بیرینین باجاسیننان دوشمه میشم}

_{؛ایمام زادا تورپاغین باشیما سوئور ما میشام؛}

_{آروادیمنان گیزلین سیغه ائله میشم؛}

_{بیرینه یالان وئریب دوغرو آلمامیشام}

_{؛یئرسیز چک وئرمه میشم؛}

_{بوشلونون قورخوسونان تلفونومی سوندورمه میشم؛}

_{بیله بیله اینانمادیغیما یخینتی دوشمه میشم؛}

_{بیرینین جاوانین یولدان چیخادمامیشام؛}

_{زمین خوارلیق ائله میشم؛}

 _{دولتین پولینان مکیه گئدمه میشم؛}

_{قاچاق چیلیق ائله مه میشم؛}

_{چاخیر ایشمه میشم}

_{؛سیگار قلیان تیرکک هیروون چکمه میشم؛}

_{مدرسه قیزلارینا گوز ویرمامیشم؛}

_{دوز ییب دوز قابین سیندیرمامیشم؛}

_{بیرینین ائوینه دوسلوقا گئدیب دوشمانلیقینان چیخمامیشم؛}

_{دیلنچی لیک ائله ییب اوشاق بویودمه میشم}

_{؛بیرین متله قویمامیشام؛}

_{قمه ویرمامیشام}

_{؛یول کسمه میشم}

_{؛قونشونون تویوغونا داش آتمامیشم؛}

_{توکانداردان نیسیه ائله ییب یولومو چوئورمه میشم}

_{؛مجلیسین یوخاری باشین ساتین آلمامیشام}

_{؛حوری یه گوره ناماز قیلمامیشام}

_{؛دلالیق ائلمه میشم؛}

_{حالالیما حارام قاتمامیشام}

_{؛بیرینه پاپیش تیکمه میشم؛}

_{آدام ساتمامیشام}

_{؛شیخ آقا کیمین اوز بیلدیگیمی ماخلوقا یریتمه میشم؛}

_{باشیما رنک قویمامیشام}

_{؛گئجه یاتاندا تلفونومی گیزلتمه میشم}

_{؛هیئت آچیب دسته باشیلچیق ائلمه میشم}

_{؛زیبیلیمی قونوشونون قاپیسینا قویمامیشام}

_{؛خالقین سوزون ائویمده دانیشمامیشام}

_{خانه خودادا آدام ایاقلامامیشام}

_{؛بئله ایشلری گوره بیلسیدیم منده آدام اولاردیم} آدام ......

اوجور کی بیلیرسیز من داغ آدامی یامداااااااا ؛  هر ایل اولدوقو کیمین بو ایلده شرع موققدسین امرینن مالیمی تمیزلدیریب شوردا شور یونن یون تکه چپیش اوزیئرینده آیریب شهرده موحترم شیخ آقانین سارایینا آپاراندا سالیق سوراق وئردیلرکی جومعه گونو اولدوقونا گوره بو عیبادی معنوی نامازدا ایشتراک ائله مه لییک؛  ماخلوق صف به صف دوزولوب منده جاماهاتین دال ردیفینده؛    آذان الله هکبر ده پرده یان اولان کیمین هاممی ایاقا دوروب جانینا قوربان اولدوقوم اعلی حضرت یوخ باغیشلایین شیخ آقاحضرتلری تریبونا یویورنده نامازدورانلارین ورینن شوعارلار سسلنه سسلنه آقام افندی بیرینجی خوطبه ده دین ایسلام یولوندا باشدان جاندان  گئچن لرین هره سینه جننت معللاده بَر اوول خیاوان قیراغی بئش آلتی یوز مئتیر یئر آیریب قورقوشوملو قباله سین موبارک بارماقین آغزینین سویینان یاشلاییب موهور باساندا؛   منده شرعین بویوروقونا قول قویان بیر موسلمان کیمین  اوز اوزومه دئیردیم نه اولار او یئردن منه ده بیر قاوارا وئره سن؛     ایکینجی خوطبه نین سونوندا اوز توتوب جاماهاتا دوره برده اولان حادیثه لره توخوناراق علاوه ائله دی آی میللت الله تعالی بو اورت باسدیر ماحالین شر داعیش دن ایختیلاص دان تحجوردان زاددان آماندا ساخلاسین ؛   سوزونون داوامیندا علاوه ائله دی کی گئچن گونلرده بو ماحالدا نئچه دهشتلی حادیثه باش وئریب ؛  بیری بو کی تاپدالاق کندیده بیر یرتیجی آیی  موحترم دهیارین آریلیقینا گیرنده دهیار خانیمی بو  حیواننان ال به یاخا اولدوقونا گوره ائله پال پالتارین جیریب عوریتین زادی ......ایکینجی اولای بو کی توربا سوی کندینین کوهنه مچیدی جاماهاتین باشینا  اوچوب  ؛اوچونجو حادیثه ده بیلدیگیز کیمین قوربان بایرامینا بیر گون قالاندا قارا مالیللارینان قویون اتکلیلرین مال میدانینا گتیردیگی دیلسیز آقیسیزلار بیر بیرینه قارشی گلنده ائیری بوینوزلو خیردا باشدان ایاق آلتدا قویانداقویون قوزودان بیر خیلک قیریلیب نئچه باشدا ایتیب باتان وار؛  هاممسی نان دهشتلی بو کی طایفا آراسیندا قان توکمه داوا دوشمه سی  ائحتماتل وئریلیر ؛   سوز قوتاریب گتیردیگیم تانخواهی  شیخ آقا جانابلاری نین گوزوقاباغینان گئچیردنده اوزون تسبیح الیمده دیل دوداقیمین آراسیندا الله هیم مسللی چئویره چئویره شیخ آقایا یالوار یاخار ائله دیم کی آی آقا قادان آلیم نه اولار منه ده او خوطبه ده بویوردوقوز بهشتین یئریندن هیچ اولماسا  اللی آتمیش مئتیر وئره سن؛   سوزلریمه دیقتینن قولاق آسان شیخ آقا  بیردن بیره اوجا سسینن دیله گلدی کی یوخ جانیم بهشت یئر آلان کیمسه اوول باشدان اولمه گینه حاضیر اولمالیدیر اولمه گینه....................

بورج عالی کیشی دئیرگئجه یاتدیم یوخودا گوردوم اولموشم؛ ائله قیل کورپوسونون قیراغیندا نننکیر مونکور یاخالاییب کی هارا باشووی سالیب آشاغی گئدیرسن ممیلکندین صاحابی وار باخخخخخ ؛ چوخلو سوروقو سووالدان سونرا گوردوگوم خییریه ایشلریمین اوجوباتینان پرونده می مایاللاق ساخلاییب اوتوردولر ایچری کی هله گئد سونرا پرونده وه باخاریق؛ دوه سی ایتن عرب کیمین سرگردان دولاننان بورجالی بیر آز ویرنیخاننان سونرا دئیراوزاقدان گوزوم بیر یغینیجاقی  چالان کیمین اوزومو جاماهاتا ساری وئرنده گوردوم باه آتوونان ؛سول طرفده شوشه دن چکیلمیش بولور دیوارین ایچینده چال چاغیردی هئله هیچ  گوللرده آشیب یازییا گلیب گئدنه خوش گلدین دئییر؛امما بو جننته اوخشار سارایین قاپیسینداا بیر گوی امامه لی آقا دایانیب هیچ کسی ایچه ری یه  یول وئرمیینده؛ بیر کوءشن آدامدا اویانداااااا دایانیب ائله بیل آرالیقدا چاشقینلیق وار  ؛دئیر اوزومو جاماهادا ساری وئرنده ؛بیرین یانالاییب سوروشدوم آی جانیم منی باشا سال گوروم بیردا نه هاییدی؛ حیرصینن الیمی قایتیریب دیلینن دوداقینین آراسیندااا میریلییاندا بیر آیریسین یانالاییب عین سووالی وئرنده ؛اوسدو باشیمی وراندازلییب سوروشدو تئزه اولوبسن ؛باشیمنان هن دئیینده ؛علاوه ائله دی بیر آراسات  محشردی؛ او شوشه دوواریدا کی گورورسن اورااااا بهشت بریندی ؛ قاپیدا دایانناندا جانینا قوربان اولدوقوم  حضرت ...... اوزودو ؛بو جاماهاتیدا کی گورورسن بیلار هاممسی یوز یئرمی دورد مین پیغبردیلر؛ داوا بونون اوسدونده دیرکی حضرت بو پیغبریلرین هیچ بیرین بهشتده یول وئرمیر؛اودور کی بیلاردا آه زار ائلیللر کی بابام بیزده تانری نین ائلچی سییک باخ ؛حضرت گلنی قایتاریر کی یوخ اولماز آخرین پیغمبرم اولدوقومدا منه تاپشیریق وئریبلیب کی فقط موسلمانلاری  بهشتده  یول وئرم ؛اودورکی بیزده حضرت موسایا یخینتی دوشموشوک یا موسی سنین الله تعالیلاینان آران سازدی؛ گئد بیزیم عرضه میزی اوخو؛ اودور کی حضرت موسی مینا داغینا چیخیب حاق درگاهینان سالام سافا ائلینن سونرا یالوار یاخار ائله ییب کی الهی وربیم سنه فدا اولوم اوزون هر آشدا باشسان ؛بو ائوی یخیلان بیزی بهشته یول وئرمیرآخخخخی ؛حاق درگاهینان جاواب گلیر کی یا موسی سوزو نمنه دیر و سیزی  نییا یول وئرمیر ؛موسی حضرتلری یئرییب قاباغا عرض ائلییر کی سنه فدا اولوم سوزو بودور کی؛ سیز موسلمان دئیرسیز الله ذوالجلال بو سوزو ائشینده  الین داییب چنه سینه  بیر خیلک فیکیره گئدنن سونرا نیدا  گلیر کی یا موسی اوجور اولسا وای منیم گونومه  باخخخخخخخخ منده موسلمان دئیرم کی .....................

اوجور کی بیلیرسیز بیزیم حاجی نین اون اوچ فاییز شیمایی جانبازلیقی وار هفته ده بیر یول ناماز جمعه دن سونرا هیچ یئره گئدیب ائله مز؛ لیموند آغاجی نین کومورینن تیرگه گیده هر آی؛ باشی پوچاتدی کیلو کیلو  پستونان گلر ؛الله سیزه ایروزه ائله سین ایلین اولینده اون یئدینجه دونه مکه یه آدی چیخمیشدی ؛دئیللر اورالاردا یوخو حببی  زاد تاپیلیب ائلمزآخی؛ اوزموزو بیرا اورا چالیردیق کی عربستاندا تیریقلاییب مکه مکرمه نی  خارابلاماسین قوروم قونشودان نئچه دن اسهال درمانی  تاپیب بیر تیکه پارچا آراسیندا دولاما بی ادبلیکدی پاچاسی آراسیندان بئله  باغلادیق کی فرودگاهدا آخداریب ائله سه تاپا بیلمه سینلر داااااا؛قاچاقچی قارداشلاری یوخ یوخ باغیشلایین چاشدیم ؛اشی بو کئفلی ایسگندر قویمور کی آخی طی  گیریر سوزومون آراسینا چاش باش ویریرام داااااا؛بیزیم کوره گن لری بیری (باجیم اری)اردو ضابطی اولماقینا گوره اولکه سرحدشهرلرین بیرینده قاچاق ارز کالا ایداره سی نین باش مودوردی اولارکن لاپدان بئش آلتی ایلینن اوزون گورمه ریک او گونلریمه  زنگ آشدیلار کی جناب کوره کن آرواد اوشاقینان  تشریف فرمان اولوبلار قایین آتاسی گیله ؛بیزده گئجه ینن دوروب شامنان دالا قالمایاق قاپی باغلاما گوروشونه گئدنده بوتون ائل طایفا یئزنه جانین شرفینه بیر یئره یغیشماقینا گوره  هاممی سئوینه جک بیر بیرین گوروب هر کَسسَن اوز یانینداکین سوزه توتموشدو کی دونیادان اولان اولایلاردان باش چیخارتسینلار ؛منده کی یوولمامیش قاشیق هر سوزه یوخ بابام هر آشا سوخوللام بیردن بیره کوره که نه اوز توتوب دئدیم جانیم سیز بویورون گورک ایداره زین ایشی میشی نجور گئدیر باخ ؛عایب اولماسین الین  یانینداکی اونو دانیشدیرانین دیزه اوسدونه قویوب؛ دوندی منه ساری کی آی قاغا ایشلرده واردا ؛دئدیم یوخ آخی تئزه لیک ده کالادان ارزیدن زاددان توتوب ائله ییب سیز یا یوخ؛ بیر آز دیل دوداقین یاشلایاننان سونرا آلتی یئدی ایللیک ماموریتینده نه ایشلر باش وئرمیشدی هاممیسین بیر به بیر ایضاحات وئرنده بیردن آغزینان قاشدی کی  هن نییا توتمامیشیق او گونلریمه بیر ماشین دا چین مارکالی کیشی....... سرحددن ایچری گیرنده توتموشوق ؛ماخلوق گولوشوب خیرمین چکه نن سونرا؛گوردوم آروادلارین بیری یاواجاللی یانینداکینا دئییرآی قیزا یانا مییاسان....... زاپاسی اولار ؛خیلاصه اوشاق موشاق ائشید مه سین سوزو دونگه لییب دئدی کی الله شوکو ایشلر یاخجی گئدیر سوزونون داوامیندا علاوه ائله دی کی سرحددی بئله باغلامیشیق کی توسباغادا گئچه بیلمز  ؛گئجه یاریدان گئچیب هاممی اوز ائوینه گئتمه گه حاضیر لاشاندا کوره کنده مورخصتیم قوتاریب دئییه  اوز ایش یئرینه یوللاناندا جاماهات قاپیدا بیربه  بیر حالالاشیب هله لیک دئیینده گوردوم قاری نه نه بور بوقچاسین ویریب قولتوقونا قاپیدان چیخا چیخا باجیمی آد ائله ییب چاغریر آی سرتاج  بالا نه نون قوربان بیردا داریخمیشام دایانین  منده سیزینله گلیرم باخخخخخخخ.............

دیش قویان ذیکرعلی بو ایل دونه سی بیزیم بو ترس آواکندینده  گلنده اوزینن بیر سگیز قووه رادیولدا گتیرمیشدی ؛شیخ آقا دئمیشکن بو شیطان کرخاناسینی گورمه ین جاماهات دوره بر کددلردن بئله آخین ائله ییب گلنده. بو دمیر پاراسی نین ایچینده دانیشانلارین نه ییب ایچمکلرینه کندین کاتداسینیان مصلحت ایستیردیلر .ذیکرعلی معلیم کاتدا ایمرانین ائوینده کوچ آچان گوندن کندین چول باییرا گئدن آدامی آخشام ائرته دن گلیب رادیولون دانیشماقینا قولاق آسماق اوچون بیر یئره توپلاشیردیلار .بو نامحرملرین سسین زننلر ائشیدمه سین قادین خایلاقین بو ایشدن حذر ائلمکلرینه باخمایاراق اوز عایله باشیجیلارینان گیزلین اولاراق گوزه گوز ائله ییب گاهدان  دام باجادان قولاق آسان قادینلاری سایی کیشلردنده چوخ اولوردی .ایشین ترسه گلمه ینن بیرگون آخشام اوسدی کاتدا ایمران ایاق یولونا چیخاندا اوز حیات یولداشین گورورکی قولاقین سویکه ییب قاپینین چاتداقینان رادیولون سسینه قولاق آسیر .کیشی لیک یاراسی قور ائله ییب حیصیرینن ایچری گیرنده  بو شیطان کرخانسی دئییه رادیولی دووارا چیرپاندا ماخلوق الیندن آلیب یئدی قات یوکون آراسیندا گیزله دنده سونرا بیر نفری قونشو کندینین شیخ آقاسی نین محضرینه یولوللار کی بو گوناه کبیره نی نجور آرادان قالدیرماق اولار . شیخ آقا جانابلاریدا اوتوز باتمان یوولو بوغدا وعده سی آلاندان سونرا سوز گتیره نه بویوروق وئریر کی گئت گندین آدامینا دئنن بیر کوینک تیکیب او رادیولا گئیدیرسه لر زنن لرده شرعا اونا قولاق آسا بیللر

بیزیم ساق قونشونون بیر اوغلو وار آدینا جیفته نرمان دئییللر

؛گئچن گونلرده اوغلومون تویونا حاضیرلیق آپارارکن تویا

اینکداک(دعوت)اولانلارین آدین بیر کاغاذا یازیب ماتورونان دوره بر

کددلره پایلاماقین ایسده ینده اوچ گیرم تیرگک یئدی پاکئت

باهالی سیگارتینن ماتورونون بنزین ویاغ پولوسون منن آلاندان

سونرا ؛بیر ایکی کندین توی تفلیگین ائله ییب؛ او بیری کنده

گئدنده نجور نه طهر ماتور یولدان چیخیب یخیلاندا بیر آز قول

قیچی  سیریلمیشدی ؛بیزه خبر چاتانا آتاسی ایرحمت قونشو

کندین آدامی مین نوصیبتینن گئده نی خسته خانایا یتیریب

بیزده ائشیدن کیمین طایفالیقان نیسانین دالینا یغیشیب نه نه

سی گیژگینلرین یولا یولا خسته خانایا چاتاندا گوردوم ؛حکیم لر

طیب باجیلارلا بیرلیگده توکولوب جیفته نرمانی ماییناتدان

گئچیردیب اوزادیب تاختین اوسدونه ؛بیر آز مازدا قول قیچین

سارییبلار؛ توی پارا قالماسین یاری کدده یاری خسته خانادا

؛بئش اون گون گل گئد ائله یینده ؛ الیمیزه گلن آلبالی

سویوندان توتموش بنگیلداش موزونه کیمین یغیب نرمان

معلیمین یاتدیقی تاختین دوره سینه قالایاندا هردن اوزون

توتوردی بیزیم ائو آدامینا آی  خالا هانسینان ییم  اییییییی؛

بیردان اوردان بورج ائله ییب1700000بیر میلیون یئدی یوز مین

تومن بیمارستان پولون

توکنن سونرا  گوجو پیسلیگینن  جَیفته نرمانین برگ مورخصی

سین آلاندا؛ایاقین وئریب یئره حکیمه های باسیردی کی؛ آی

دوکتور منه نه اولوب اییییییی ؛ دوکتورده الینده قول قیچیندان

سالدیقی سرسَبَته شکیلی گورسه ده گور سه ده ایشاره

ائلیردی کی؛ جانیم سیزه بیر زاد اولماییب ؛علاوه دن ایاقین یئره

وئرنده اوچ دورد مامور قولارینان یاپیشیب چوله چیخارداندا

ایاقلارین تراختور کوتانی کیمین یئره دیرییه دیرییه ؛دونوب

خسته خانایا باخا باخا اوجا سه سینن دئییردی یوخ آقای

دوکتور سن بیلمیرسن منه بیر زاد اولوب ایییی منه بیر زاد

اولوب ..........
آی جانیم دئیین گورک بونا بیر زاد اولوب؟

دونیادا باش وئرن دهشت لر آراسیندا قوزانان توزاناقین ال ایاقی چکیلیب گئدندن  سونرا؛ اوندادیر کی فاجعه نین نه سوویه اولدوقونون اوسدو آچیلیر؛گاهدان اینسان قودورقوننونان  یارانان اولایلار تاریخ بویی بشرریت یادداشیندا آجی خاطیره لرکیمین قالیر؛ بو آمانسیزجاسینا جینایتین بیریسیده روس و فارس حمایه سی آلتیندا توره نن ائرمنی قددارلیقدیر کی 1992 ویاخود 1993ایللرده آذاربایجانیمیزین آیریلماز بیر پارچاسی اولان قارا باغ بولگه سینده باش وئرمیشدی؛ گوروب بیلنلرین دئدیگینه گوره قیزمیش قودورقون ائرمنی داشناکلاری قاراباغ  ایشغالیندا بیر کنده یوروش ائلیینده کیشی قادین جاماهاتی قیریب قوتاراندان سونرا بیرگورپه بالالی گلین اوز شرفین  قوروماق اوچون اوشاغین گوتوروب داغاساری اوز توتاندا الی توفنگلی حیاسیز ائرمنی عسکرلری گلین له داربا دارام داغا دیرماناندا؛ الی اللردن اوزولن کیمسه سیز گنج آنا ؛بالا شیرین اولاردئییه جان بالاداندا شیرین قان تر ایچینده اوزون بیر داشلی قایااوزرینه چاتدیران کیمین آرخادان گلن دوئوز باخیشلی و میندار نفسلی ائرمنی شیعه تورک بالاسی نین شرفینه توخونماسین دئییه شرفلی گلین آلتی آیلیق بالاسین باغرینا باسیب اوزون قایادان آتاندا غزه فلسطین داشین سینه سینه ویرانلارا بیر مئساژ یوللویارکن  بئله دئمیشدی منده بیر شیعه دین باشچیلارینین نامیسی   اولاراق اوزومو بالامی شرفیمه توخونماسینلار دئییه قربان وئردیم....................

 چوخداندی جانیم قاشینیردی؛ قوروم قونشو قوتور سویونا گئدمه گیمی مصلحت گورنده بیر گون ائششه گی مینیب ساوالان اَتَه یینن درمانا گئدنده گوردوم طییییی جاماهات دارام وئریب اوزو باش یوخاری یول آغزیندا دره دولایی نین گر گوه نین یولوب دیبینه نویود توکوللر؛ اوزوزدن ایراق اولاغین نوخداسین بوشلاییب ایشله ینلرین بیرین یانالادیم کی خییر اولا قارداش کور گوءشه نی نییا لوتدورسوز؛ قوم قوما چاییندان پاراسین توکوب منه تاریفات ائلیینده؛ علاوه ائله دی کی الله دولته عومور وئرسین بودجه قویوب اورموگولونه سو چکیرداااا؛ سوروشانداکی گوه نین اورمو گولونه نه ضرلی وار ؛ایضاحات وئردی کی کارشناس لارین دئدیگینه گوره  هاوا یاغاندا گوه نلر سووی چکیر باشینا ؛گولده یانیرداااااااااا

گوردوم دوز دئییر آآآآ بیزیمده بو ترس آواد کندیده سو قیتلیقی وار ؛او گونلریمه ایزحمت کش شورالار مچید قاباقیندا بو موشگولاتی موذاکیرات ائلیینده ؛سو ایداره سینه  مکتوب یازیب منن کندین موحترم دهیارین بو ایشی یئرینه یتیرمه گین ایسده ینده؛ سحر نامازین قیلیب ناهارا یوخون هاوانین قیزقین واقتیندا شهره چاتان کیمین آدام ساتانلارین راسداسیندا قارشی طرفدن گلن تانیش لارین بیرینن سالام سافا ائلیینده سوروشدوم ؛جانیم اهل عیال نجه دیر؛ تانیشیم قیچی بورخولان کیمین بوینون اءییب دئدی؛ نه اولاجاق عیال ایشیر یئرینه ؛الیمی الیمه وئریب دئدیم بهههههه الله سنه اینصاف وئرسین بو سوون قیتلیقیندا یئره نییاباخ؛ گلیب ایشی یییدی منیم بو یولداشیم آغزینادا................................

گئجه یاریسی بال اوغلان کیشی نن دیل آره خانیم ار آرواد اولاراق اوشاقلاری یوخویا وئریب میرتلاشاندا لاپدان دیل آره ایکی الین بالی نین ساققالینا چکنده سوز وئردی کی منن اوزونو نه گوزده گوررسن ؛بالی معلیم دالا چکیلیب قان قالاقی قارشیندا دئدی کس سسون ضعیفه نین بیری ذلیله من دیزی تیترمز دمیر یوموروقلو کیشی یم امما سن ؟؟؟؟نچه گون بو سوزون اوسدونن گئچندن سونرا هر گون اولدوقوکیمین بال اوغلان اوکوزلری چیخاردیب خئش آلاتی بویونلارینا قویاندا اکینه جه گیچین یئر شوملاماقا یولا دوشور ؛ایشین راست گلمه سینن اوگون کنده یاش بالیق ساتان گلنده دیل آره ایکی یاش بالیقی آلیب کیشی نین ناهاری یوبانماسین میزیلییا میزیلییا زمی یولاندی ؛هممشه اولدوقو کیمین ار آرواد بیربیرلرین قوجاقلاییب اوپوش گوروشدن سونرا ؛ گوزلچه دسترخانی آچا آچا دمیر یومورقلو کیشینی نازلاندیرا نازلاندیرا الینن گورسه درک یِمه گین سوئوماسین دئییه  ؛کیشی قایدیب ال اوزون یووب یمه گه باشلایاندا ؛ آرواد یاواججاللی اوزون اوکوزلرین یانیناوئریب تومارلاماق بهاسینه تومان باغیسیندان ایکی یاش بالیقی چیخاریب گافانین قاباقیندایئره قویلایاندا هایی باسیرکی آی بال اوغلان ایشین آواند اولسون؛ باخ یاخی شوملامیسان هااااا؛کیشی ده ییب ایچیب دوراندا آغزی بورنون سیلیب اوکوزلره یا الله دئییه خئشی دربردنده ایکی یاش بالیقی گوتوروب سئوینه جک آروادا ساری کی اشی یتیرن یتیریردا؛ آلا بو ایکی یاش بالیقی آخشام پیشیررسن یییریک ؛گون بوینوزون یئره وئرنده آرقین یورقون ائوه گلن بال اوغلان شام یینده بیردن یادینا دوشن کیمین بیر ایکی یول سوروشور بالیق آی جانیم بالیق یاش بالیق ؛آرواد فیرلانیب آییرانی چاناغا توکنده گوله گوله دئدی کیشی بیلیرم ایشله ییب یورقونسان شامین ییه باشینی قوی یاتداااا ؛کیشی بو سوزه خورلاناراق سسین باشینا آلان کیمین ار آروادین هایی قوپاندا دیل آره ال آتیب گیژگینلری یولا یولاکیشی نین ائل طایفاسینا های باساراق دیزینه دویوردی کی ایوای گلین کی آدامیز دلی اولوب ؛قیشقیر باغیر گلنلر داها دوغروسو یاش بالیق قورو زمی سوزون بالی بئ دن ایشیدنده؛چوخ ایشلمه گینه گوره باشینا هاوا گلمه یین ذن ائدیب گئجه اوشاقلارین باشین کسمه سین یازیقی توتوب قاراچاتی نان ماچا قودوغون آخورونا باغلاییب گئدنده گئجه یاریدان گئچیردی ؛بیر ایکی گون ایش بئله گئدنده آرواد هردن هردن قاپی نین جیریقیندان سوروشانداکی کیشی منن اوزو نجه گورورسن ینه کیشی نین قان قالاقی قاریشیب سسین باشینا آلاندا؛ آرواد تنگه آشاغی علاوه دن های باسیب کی گلین آدامیز قیریب ؛بال اوغلانین ایشی دوگونن دوگونه دوشن کیمین؛ دودونجو گونو دیل آره گلیب قاپی نین چاتداقیندان کیشی نین کئفین سوروشاندا قارا باخت بال اوغلاندا نرمیش قهرمامانه ائله ییب آروادا بویون ائیرکن توافوقات حاصیل اولور ؛او چاغدان بَری هر زامان ار آرواد آراسیندا سوز اولاندا دمیر یوموروقلو بال اوغلان دایانمادان طویله ساری گئده گئده آروادا هایی باسیردی کی تئز اول قارا چاتی نی گتیر کی ائله بیل ینی دن باشیما هاوا گلیر ...............................

هاماش بئی یاشایان تاپدالاق کندینده مِئشه میروت آتاسینان آییریلیب بیرآز اوجقار 

اولاراق اوزونه دام دئش تیکمیشدی .امما ائوین هنده وری آچیق اولدوقونا نه 

بیلیم کوهنه چللکدن زاددان بیر قاپی اوروشده قورموشکن  جاماهاتا خبردالیق 

ائلییب های باسمیشدی کی هرکس بوندان بَری میروتین ائوینه گلمگ ایسده سه 

موطلق قاپیدان گئچمه لیدیر یوخسا بیر نفر سعف اولاراق یاندان ایچری تپیلسه 

اونو هَده لییب قویدو قایدا قونونو پوزسا اوزونه بُُمب زاد باغلاییب اینتاحارائده جک 

یاداکی...........؛ پول صیراط   قاپیسی کیمین هاممی بوردا دایانیب فاراسلار 

دئمیشکن  حئساب کیتاب پس  وئرمه لیدیر بو شَر یاخما  اولاراق لاپدان قویون

قوزو 

یاخود مال قارادا هوش ائله مه ییب قاپیدان گیرمه ینده تندیر کیسسوون گوتوروب 

دیلیسیز آغیزسیز حیوانی دوینده ائله بیل کافر موسلمان ائله ییرلر .منده ترس آواد

کندینده یاشاماقیما گوره بیرانین دین مصصیبین  بیلمییرک بورجوم طلب ائلمه گه

گوره تاپدالاق کندینده یولوم دوشنده مَئشه میروت گیلین قاپیسین سوروشوب 

اوزومنن آسیلی اولمایاراق بوئوردن آی ائو ییه سی باغیراندا قاپییا چیخیب منی 

گورن کیمین فیشقالییب بارماقینین اوجوینان قاپی نی گورسه دنده ؛منده جانیمین

شریندن حه یه ته  گئچیب ؛بیزدن گتیدیگی او ماچا سوپانین پولون طلب ائلیینده

بهانه اولاراق قیشقیر باغیرسالدی کی نه بیلیم سن  سن قابیرقادان گلمیسن 

سن بیزیم شرعییتی پوزوبسان دئیینده  دوره بر قونشولار های کویوموزه گلنده  

هاماش معلیم آراجیلیق ائلییرکن اوزون توتوب منه باشلادی کی اشی مئشه 

میروت دوز دئیردا او کِئچل باشینان طالبان ساققالیندان اوتان  دئینده الیمنن 

یاپیشیب ائولری آپارارکن بیر ایستکان چای گتیرنن سونرا  علاوه ائله دی کی آی 

قالایچی مورتوض  بئله سی خییر اولا بو مئشه میروتینن دالاشیسیز بو نچه ایل 

شبئی خانلیق ائله مه گینه گوره اوزون الله هین باجی سی اوغلو بیلرک اونون 

قاپیسینا شر قاپیسی دئییللر  باخخخخخ *نعلبکیه توکولن چایی ایستیکانا 

قایتاریب ایچندن سونراپاپوروزمو چیخاردیب بیر کول قابی ایسده ینده دئدیم 

هاماش معلیم سیز بورودوقلاریز دوز امما من بو دونیانین ایشینه معطل قالمیشام 

باخ طیییییییی شرع شئبی ائله بو .جوهود .ائرمنی .حنفی. مالکی .حنبلی. 

زیدی.ایسمایلی. حوسی. بوکو حرام .داعیش .طالیبان .خیزب الله .سُنی .شییه. 

مِئشه میروتدن باش وئریر باخ سن آییرد ائله گورک بیلارین هانسی شر قاپیسی 

دئییر جانیم ...........

الله اولنیزی ایرحمت ائله سین بیزیم آتا دم دسگاهدان هانپا اولدوقونا گوره  یئدی آرواد آلمیشدی هر آرواددان یئدی اوشاق هر اوشاقداندا یتمیش توره مه سی واریدی؛ اوزوز بیلیرسیزدا منی دَکَل اوغرولارین یئرینه نچه آییدیر باسیبلار زیندانا دای ائو ایشگدن کددن خبرسیزقالمیشدیم  بیر ایکی آی قاباق ائو آداما سار ساغیرینان مولاقاتیما گلنده  آغلایا آغلایا سویله دی کی آتان الله ایرحمتینه گئدیب منده نایراحاند اولوب؛ خش خییراتینا گلمک ایسده نده جورومو مون آغیر اولدوقونا گوره ایرئیس زیندان ایجازه وئرمه ینده  اوزومده ائله آسیلی قالمیشدیم ؛بیر نچه آی  اوسدونن گئچندن سونرا گوجو پیسلیگینن  یئری گویی یغیب ایریئسی میزی راضی سالیب ایرحمت آتامین ایلینه اوزومو یتیرن کیمین ائل طایفاینان اوپوش گوروش ائله ییب قبیر اوسده گئدنده طیییییییی دوره بر کندین جاماهاتی منی گوروب باش سالیقی وئرمه گیچون گلمیشدیلر؛اوزاقدان گلن قوناقین ایاقی چکیلیب اوز عایله میز ایله بیر یئره یغیشاندا گوروردوم آتایا اولان خش خییراتی چورتگه یه سالیب منه حئساب گورسه دنلر اوللم اولدوررم دئیللر ؛ منده اوزومو اوندا قویمایاندا دده مالی ایسده یین باجی قارداشلار یمین هره سینین آغزیندان بیر آواز گلیردی؛ گئد گئده سر صادامیز قوزانان کیمین بیر گون آق ساققاللارین مصلحتینن بوتون ورثه لری یغیب کاتدا ایسلامین ائوینه شیخ آقا جانابلاریدا قلم دفتر الینده دده دن قالان وار یوخو پای پوشک ائله ینده هاممی اوز حاققین آلیب دئییه گوله داغیلاندا بیزده ایکی باغ دوشوب بیرین من باغلامیشام تومانیما بیرینده آرواد گوتوروب اوزون آسا؛ اوش دورد تومن پولداکی بیزه قالیب اونودا شیخ آقا دیزینین آلتینا قویان کیمین  بیر چای چاغیراندا من یانیندا اوتوردوب دیله توتارکن باشلادی کی قالایچی مورتوض اشی سن ایرحمتدیک آتاووین بویوک اوغلوسان اوزونده کی ائشیدیرم مومن موسلمان آدامسان؛ منده او جننت مکان آتاوین بیر ایل قالمیش نامازین قیلمیشام شرعاقانونا بویوک اوغول اولدوقووا گوره  اونون پولون سن اوده مه لیسین اوتانا اوتانا اللریمی اوکه له ییب دئدیم؛ آخی شیخ آقا جانابلاری هله زیندانیم هیچ اوزون بیلیرسن من اون باش کیلفتم اونداندا گئچدی .یئری. مولکو. باغی .مال قارانی. او بیری ورثه لره وئردین ناماز پولون من نییا وئریم ؛سوزوموز آلچاق اوجا گلن کیمین قیشقیر باغیر سالیب مجلیسدن چیخاندا .ایرحمتدیک قار نه نه منن بیر حکایه یادیما دوشدی ؛دئیردی گئچمیشده بیر ایل محرم لیگده توربا سوی کندیندن کابلا زیلبمی عرشه خوان گتیرمیشدیلر بیر نفرده ال آلتی به حئساب اونا  یاردیمچی کی یورولاندا تویوشون آلیسندا ؛تانری اجیر وئرن کیمین بونلار ایکیسی اون گونو مچیدی اوخویوب قتیل گونو دسته گئده گئده کابلا زیلبمین جیبینه پول باسیب بوینونا  خلت سالانلار قایدیب مچیده قتیل سینیب آرا قاریشاندا بئشیگی ایکینجی  عرشه خوانین قوجاقینا وئرن کیمین دئییردی گوردوم بئشیگین قولاقیندان یاپیشیب سوروینده آلتدان آلتدان ناله نیفرین ائلیر کی خلتی کابلا زیبلمین بوینونا سالیب بئشیگی منیم قوجاقیما نییا وئریرسیز..............................

1---کوپه قویروق.
2---کوروک باسیریق
3---یولونان گئدن بر بزکلی خانیملاری پولسوز ائوینه یتیریریک
34---قش بازلیق ائلیریک
5---ایسدی سووا مشرف اولانلارین دالین اوکه لییریک
6---سیفارتخانا تسخیر ائلیریک
7---اوسدوروب یئره قانشار دوروروق
8---اوز وئرنلردن آسدار ایستیریک
9---قوچو نیظاما خور باخانلاری هویلوروق
10---دوز یول گئده نه بادالاق آتیریق
11---گوبک یازیریق
12---دیش قوردلوروق
13---کمیته ایمداد طرفیندن ارسیز آروادلاری ثاوابینا مصی مئی قوما آپاریریق
14---دادگاه قاباغیندا بوشانان خانیم لارا شاهید گئچیریک
15 اوشاغی اولمایانلارا اوشاق ال ایاق ائلیریک
16---یئری گلنده پایگاه ورینن آدام ساتیریق
17---سبد کالا صفینده یاریلیقینا دوروروق
18---کاندیدلرین آرا قیزیشدیرماق اوچون قاباغیندا شوعار وئریریک
19---قوجالمیش وارلی کارلی آداملاری چین اوروج توتوروق
20--- دده سی اولنلرین قالمیش نامازین قیلیریق
21---بالای شهرده اولوسو اولن چین آغلیریق
22---ایکی آرواددیلارین تک قالان ضعیفه سی خافلانماسین گئجه یانیندا یاتیریق
23---کرکی ساپلیریق
24---دانا بوروروق
25--- قارا قوجایا واجبی قویوروق
26---ایلان گوزونه چوپ اوزادیریق
27---خوروز دویوشدوروک
28---آت باسدیریریق
29---میلچک قوئالیریق
30 دکل اوغورلارین نین یئرین دئیریک
31---مکیه گئدنلرین دال دسگاهین بیمه ائلیریک
32---یان یووروق
33---قویودان داش چیخاردیریق
34---اوشاق ساخلیریق
35---قورد آغزی باغیلیریق
36---قبیر اوسده عرشه خوانلیق ائلیریک
37---زنن یللیریک
38---ارمنیستانا توپ توفنگ نئفت بوغدا  -  آذاربایجان موهور .تَسبئی .جنه ماز. تیرگک  صادیرات ائلییریک
39---سوپا قویروقو قوپاردیریق
40---دوره بر قونشولارا قارا یاخیریق
41---رنکلی دیرناق توتوروق

الله آخیرین خیر ائله سین باخ؛ خالقین اوشاغی زمین خوارلیق دکل خورارلیق  ائلییر دیله نن یوخدور  ؛ایشین ترسه گلمه گینن؛ اوروجلوقدان اوش دورد گئدنن بی ادبلیگدی قولقوزدااااااااااااابیزیم بو باشی داشلی اوغول لوقوموزو اوروج یمه گینه گوره توتوبلار ؛آروادین یئره گویه زنجیر آتماسیندان هیچ بیلمدیم بو فضلیت آیی  هاردان گلیب هارداندا گئتدیر ؛الن نچه گوندور قرآن قولتوقوموزدا  آغزی اوروج طییییییییییییی دادیگاه پاسگاهی دولانیریق کی اوغلاننان بیر خبر توتاقدا؛ اوگونلری های دوشدو کی اوروج یینلری شهرین میدانیندا شاللاق ویریب باشی قیرخیلی نیسان دالیندا تنگه یوخاری دولاندیریب هویلییاجاقلار؛منده آرواد بیلمه سین دوروب میدانا ساری گئدنده گوردوم بلیییییییییی بئش آلتی نفرینن  اوغلانی گئتدیلر بیر به بیر شاللاقلاییب بیزیم اوغوللوقا نوبات چاتاندا یئریدیم شاللاق ویران مامورا ساری کی بیر شئی وئریم شاللاقی یاواش ویرداااااااا؛ او مامور باشچیلارین بیری منه یوخونلاشیب دئدی عمی اوغلوندو منده آجیقیم توتان کیمین اوجا سسین دئدیم یوخ  آقای ایریئس بی ادبلیکدی ائو آدامی نین  اوغلودور ؛منه ایرحمی گلن کیمین دئدی صاباح ناهاردان سونرا گلرسن مونکرات ایداره سی نین امر به معروف و نهی منکر شوعبه سینن اوغلانی گوتوروب آپارارسان ؛صابا صوب آروادینان اوباشدانی ییینن سونرا دوروب قان تر ایچینده مونکرات ایداره سینه یتیشن کیمین جاماهاتین باساباسینا گوره یدی سگیز ساهات گوزله مه ییمزه باخمایاراق؛قاپی چی یا ایضاحات وئرنده کی بیزیم اوغلان جیقازیدااااا بیرا گتیریبلر؛چوخلو یالوار یاخاردان سونرا نم نیشانین زادین آلیب ایچریدن خبرگتیرن کیمین؛ دئدی بلییییییییی بیرا گتیریبلر ؛آناسی  هویول سک ایچیری تپیلنده قاپیچی حیرصینن چادیراسین دالدان توتوب های باسدی کی ایندی گوروش اولماز گئتدین صاباح گلرسز ؛ائو ادامینین سوسوزلوقدان دیلینین چیخماقینا ایرحمیم گلن کیمین یئریدیم قاباغا کی آی قارداش بیز آغزی اوروج آروادین قولتوغونداکی قرآنی ساغ الیمنن نیشان وئره وئره دئدیم آخییییی یایین بو ایسدی گونونده بیز قوجا آدام صاباح  گله بیلمه ریک دئینده ؛جاماهات باساباس اولوب سوز آرادا ایتمه سین ؛چوخلو شر بئی دن سونرا آخشام ایفطارا یوخون نوباتیمیز چاتیب ایچری گیرنده گوردوم طیییییییییی اوروج یینلرین هاممسین شالاقلاییب هامارا اوزاداندان سونرا ؛بیر موحترم شیخ آقا دئییه گوله بودین سیز ایمانسیزلاری ایرشادات ائله مه اوچون ماه موبارکین فضیلتینن و فیوضاتینان دانیشیرکی هر علی شییه سی نین بیر گون اوروجونا گوره اونون پرونده سینه قاریشقالارین سانی ثاواب یازیلیر نه بیلیم نامازینا اوتایدا خیردا ممه لی قیزلار حوریلر نظرده آلینیر؛عزت ائحترامینان اوغلانی شیخ آقادان تحویل آلیب قاپیدان چیخاندا آناسی گئده نین آف توف ائله مه ینه گوره کوینه یین قوزاییب شاللاق ایزلرین گورنده منده؛ دولوقسونا دولوقسونا بیرآجی گولوشونن اوزومو شیخ آقا جانابلارینا توتاندا دئدیم حاجی آقا بو شاللاقدا بیر یئرده یازیلیر؛..............