تونقال

گئچن یول دئمیشدیم آخیییییی؛اوزوزدن ایراق کوپی اوشاغلاری منی گتیریبلر دلی خانایاکی نابامابا سن دلی سن؛

اشی دلی منم یا منیم بیراداکی هم تاخدیم دانا ترامپ؛

سیزه قیسمت اولسون امما قشک یئردی؛ گونده یولداشلارینان تپیک دویوشو اوینوروق قاپی پنچره شوشه سی سیندیریریق یئدیگیمیز قاجاغی تپیکله ییب ازیریک؛حامامدا بیربیریمیزی سورتوب قورآن خوانلیق ائلیریک ؛ هردنده دلی خانانین آقای دفتری یه کیتاب باشی آچدیریب گئچه جکدن گله چکدن باش چیخاردیق؛اوگونلری من یولداشیم  ماحمودباشیما بئش کیلولوق یاغ چلله یین سالیب دوممک ویراندا؛ قولاغین آغزیما سالیب چئینه دیگیمه  گوره ؛سوری یه سوری یه آپاردیلاراوسدا دفتری نین اوتاغینا کی  بو بیر تای قولاق چئی نه ییب

ایریئس منی بیر آز چوخ ازدیرندن سونرا ؛دئدیم  منه کیتاب  باشی آچارسان

بیرآز نوخود لب لبی جیبیبه توکندن سونرا تاخچادان کیتابین اندیریب واراقلایاندا؛ دئدی کیتابدا نه گورمک ایسته ییرسن

دئدیم نه گوره جه ییم ؛منی قایتار دالا اون بیرینجی بابامی گوروم

گوزلریوی یوم دئییه؛اوسدا شاییرد ال اله یاپیشاراق باشلادیق تاریخی اوزو آشاغی؛ چوخلو رکلی بزکلی آینالی سارایلاردان گئچیب آتا بابالارین غیرتین ارده مین گورمه ینن یام یاشیل باغ باغاتیدا سیر ائدیب بیر آخارلی گور چایین اوستونده اون بیر گوزلوکورپوقارشیمیزا چیخاندا؛گوردوک په آتانونان بو قیزیل کرپیچدن قورولموش کورپونون اون بیرین طاقین نان یئدی سگگیزینه بمب قویوب اوچوردوبلار؛کیتاب باشی آچان ایئریئسیمیزدن خبر آلاندا؛ ایضاحات وئردیکی بو کورپونون توکولن طاقلارینین بیرینجی سی  قاجارایکینجی سی ایکینجی نادیراووشار(افشار)؛اوچونجوسوصفوی؛دوردونجوسو کوره کن لر؛بئشینجی سی ائلخانلار؛آلتینجیسی سلجوقلار؛یئدینجیسی غزنویللردیر؛ائله آرادا بیر ایکی اوچ دنه ایسلام جمهوریتی و ایرضاشاه دان زندیدن زاددان ساه قالیب؛بیر بیریمیزین اوزونه باخاندا دئدیم ؛یولوموزا دوغرو گئده بیلمه ییجک هاااااااا

اوسدادفتری الین  چئینیمه قویوب دئدی؛ اوغلوم هر بیر خالق گئچمیشین اوچوردوبسا گله جه یینه دوغرو گئده بیلمه ییجک............................................

ایمامین قیرخی قاباقدا اولماقینا گوره طییییییی وارلی کارلی کربلایا نجفه گئدیب؛بیزده قوروم قونشودان دالا قالمایاق کندین یاریسی؛ طایفالیقان اوتوروب هاماش باج اوغلونون مینی بوسونا مئصمی قوما ساری بیر اوچ دورد گون هر گوندده اون یول قاداسین آلدیقیم مئصیمه خانیمین دردووارینا اوزوموزسورتوب باشینا فیرلانان سونرا دده مه حاجات آلیب سحر تئزدن ییغیشیب ماشینا تورسوزو باشین چئویردیک چمکارانا ساری؛اوردادا اولدوقو اولدوقو کیمین ماشینان اَنن اوزون گیردنه باش گونبذلره اوز توتوب سالام وئره وئره چاتدیق آقانین قویوسونا؛هاممی زیارات اوخویوب آغلاشما مراسیمین قورتاراندا گوردوم طیییییییی زووارلاراوزون قویون باشینا یئتیریب خیلک پول پاکات توکنن سونرا باش ائییب نسه قویویا دئییرلر؛منه نوبات چاتاندا باشیمی گوبه ییمه قدر قویویا ساللاییب آغلایا آغلایا دئدیم آقا آی آقا منم ایییییییی کابلا احداوغلو قالایچی مورتوض هه ابن مولجمین نوه سی  ترس آوا کندینن گلمیشم ائشیدیرسن؛به ناواقت گله جکسن ؛نم کیم باشی باغلی کاغاذ پاکاتین باشیمین اوستونن قویی یا آتاندا؛ دالدان گوتومه بیر تپیک ویریب دئدی سن سوزو دءآقا ائشیدر؛ساغ الیمنن گوزلریمین یاشین سیلیب دئدیم آقا تاپیشیر اوتایدا مرحوم باباما حوری وئرسینلر؛بیر ده کی محصولارکنده یول چکسینلر؛کئفلی ایسکندرده تاپشیریق وئرکی خالا خانیما اذییت ائلمه سین؛گلنده خبر ائله ایشرمنده اولمایاق ؛دوروب ایاغا شالواریمی زادیمی یوخاری چکندن سونراشیخ آقانین  ایراننده نین موسافیلرین سالاماتدیقینا صالاوات چئویرین دئییه؛بیر آز  اورادا  پایلانان ساندیس ساندیویج آلیب یئییندن سونرا؛لاپدان مامورلا توکولوب جاماهاتی اوزاقلاشدیرلار کی نه بیلیم گلن دوره پرزدنلیگه آدای(کاندید) اولان قویی یا یوخونلاشیر ؛گونون ائییلمه ینه باخمایاراق کروان باشی ماخلوقا های باسیب ماشینا ییغارکن سوروردوک تئهرانا آروادین دده لیگی ائوینه ؛خیلک یول گئدندن سونرا منه واجیب ایش ال وئرنده ماشین ساخلادیریب یول قیراغی توکانلارین دالی بیر آچیقیلیق یئره چاتاندا بیر الیمنن شالوارین باغین آچا آچا گوردوم بیرکیشی اته یین آچیب گویه نسه گوییدن بیر زاد گوزله ییر؛اوزومو قیسا قیسا دئدیم قارداش خییر اولا نه آغیزوی آچیبسان گویه؛دئده نه اولاجاق اته ییمی آچمیشام گویدن گئدن قوش یومورتداسین اته ییمه؛گولوب دئدیم اشی نه آخماق آدامسان؛دئدی هئله نه گوروبسن منن آخماق ائوده کی قارداشیمدیرکی اوتیانا یاغ توکوب پیشیره باخخخخخخخ.................................      

قالایچی مورتوض بیر ایکی ایل قاباق باشیزا گلمه سین آرواد طرفیندن یئتیم قالمیشدی کند یاشامیندا چتینلیگه دوشنده قونشو کدده بیر زامانلار قاب قاجاغین قالایلامیش سیید خلیلین دول آناسینا موشتری چیخیر؛چوخلوآدام نفر یوللایاندان سونرا سییدخلیل کوکو قایناقلی طایفا اولدوقلارینا گوره بو ایشدن باش قاچیردیب؛ تاپاقی قولتوغوندا بوینوم چئی نینده اولان قالایچی نین گلن ائلچی لرینین آغزین بوزا وئریردی؛امما قالایچی دا بو ایشین آخیری نه اولاجاقین گوزونه آلیب دایام دیره مینن اوزایسته یینه دوغرو چالیشیریدی؛هرایکی هفته دن بیر یئنی یئنی گلن ائلچی لرین طرفینن بئزیکن سیید خلیل اوزیانینداچوخلو اولچو بیچی ائله یندن سونرا؛بئله قارارا گلیر کی بو دونه قالایچی وریندن گلن کیمسه لره هه دئییب اون دوققوز بند جئییزقانونو یازارکن بو آغیرتوی صورتی نن خالام ارینین قاباغینا داش دییرتمک ایسته ییردی؛امما سگیزینجی دونه قالایچی وریندن گلن ائلچی لر الی بوش قاییتماییب؛آغیر ائللی طایفالی سییدخلیل قیسیر آناسی نین قالایچی نان ائولنمه یینه اوزو گولش لیگینن یاناشیب فیلان واقت گلرسیزدئییه بو ایشی بیر دفه لیک باشیندان ائله مک ایسته ییردی؛قویلان واقت وعده باشا گلیب ائلین قایدا قانونیان پیقومبرین شرینن جوم آخشامیلارین بیرینده قالایچی مورتوض گئئینیب گئچینیب باشی نین دسته سینن آخشام ناخیر داوار گلنده ائلچی کاروانینی تئزه گلینین قاپیسیندان اندیریر؛کنده چوء دوشن کیمین قیزائویده یوخون ائل طایفا آق ساققالارین چاغیریب شامنان سونرا دء دانیشیق باشلاناندا؛کوکولو قایناقلی سیید خلیل اون دوققوز بندیدن عیبارت اولان ایلکن یازیلمیش جئییز صورتینی میرزه دایی سی نین قاباغینا اوتورور؛تئزه گلین طرفینن گلن قوناقلار بیربیرینین اوزونه باخیب قیزاریب بوزارتیدان سونرا میرزه دایی ساپینان باغلانمیش گوزلوگونوتاخیب باشلادی سیید خلیل توتان جئییزصورتینی نین بندلرین بیر بیر اوخوماغا

1-ننه مین آدینا بیر باغ سالاسان

2-اونو هر ایل خوراسان مئسمی قوما آپاراسان

5- اونون دده سی نین قالمیش نامازین قیلاسان

6-بیزه فهرنگیستان وئره سن

8-ائوده چوره یی اوزون یاپاسان

11-سوریه یمن  دویوشلرینه سون قویاسان

13-ایخیلاس ائله یینلرین قولاغین ویراسان

15- تورکه؛ کورده؛ لورا؛ بلوچا؛ اوز دیلینده مدرسه وئره سن

17-اورمو گولون قوروداسان

19-آیدادا بیر یول ننه می آلیب دالیوا کندی دولاندیرسان

شیری شکلنمیش قالایچی طییییی یازی شرطلرینه هه دئییب آلتینا قول چکمه ینن  ننه نین کبین کسیب آپاریب ایشین آشیراندان بئله یازیلان بندلرین دال چئویرن ترامپ باغیشلایین چاشدیم قالایچی مورتوض سیید خلیل وریندن محکمه یه وئریلیب بیر ایکی ایل گد گَلدن سونرا محکمه نین سون قرارینا گلن قالایچی اوزینن بیر نردوواندا گتیریر؛واقتلاری چاتیب حاکیمین اوتاغینا نردوواننان گیرن قالایچی دایانیب محکمه چی سون قراری اوخویوب چککوشی تاخدایا ویراندااااااا پیلله کانی دووارا یئرلشدیریب بیرینجی پیلله سینه ایاق قویانداااااا محکمه کاتبه سی سوراندا کی جانیم نه دئمک ایسته ییرسن

قالایچی دایانمادان دئییرحوکوموتیمیزقویان پیلله کانا چیخماق ایسته ییرم  

اونا گوره کی

 ایاق قابیلاریمی تای دئشیک گئییرم

خالا جانیمین کوینه یین چپردن گوتوروب ائینیمه چکیرم

قویونلارا شرعییات شکییات درسی اورگه دیرم

ائششه یه یاسین اوخورام

دیشی گئچی لرین قویروقو اوستونه حیجاب قویورام

مایدان دیرناغی رکلیرم

قاریشقایا یومورتا یوکلورم

قاطیرین قولاقلارینا سیرقا تاخیرام

ایتینن قورد آراسیندا دانیشقلار آپاریرام

کانقیرو قولتوغونا قارپوز وئریرم

توسباغا دریسی ندن داغارچیق تیکیرم

ترس آوادان کربلا کوءشه نینه سو چکیرم

نئفت موقاوله لرین بوزا یازیرام

قارشیدا باش وئرن دویوشه دَئیَنک یونورام

گلن دوره جومهور باشقانی یازیلیرام

تولکونون باشینا جیققا(تاج)تیکیرم

خوروزلاری آخدا ائلیرم

گاهدان شالواریمی سیریب ایسلام اولکه سینه باغیشلایین چاشدیم سو قیراغینا......................

بئش اون گون اولار منی توتوب گتیربلر دلی خانایا هر یانیمی مایناتدان گئچیریب عاقلی هوشومویوخلاماق ایسته ییرلر؛هر گون اولدوقوکیمین بو گونده یئنی دن چاغیریبلارصینیفه بیرآق پالتارلی دوکتورقولاغیندا قیرادوز نئچه سووال سورقو مندن ائدرکن الین قویدی باشیما کی بیرا ندیر؛

دئدیم شیخ آقانین آشکال قابی سی

الین اوره ییمه قویوب سوروشدی بیرا ندیر

دئدیم خالا قیزیمین....................

گوبکدن آشاغی الین قویاندا

دئدیم آی آی اورا دئیمه کی دال قاباغیم مونکیراتا مربوطدور

الین اوزادیب قیچلاریمی گوسترنده         ا

دئدیم اونلارینان مچیده منبره ناماز جومعه یه هردنده پیاداااااااا.........................  

کدده مچیدیمیزه اوغرودوشوب تالایاندان سونرا ترس آوا جاماهاتی ییغشیب نئچه آدای یین(کاندید) ایچیندن منی مچید آوان سئچدیلر کی تانری ائوین اوغرودان اوباشدان گوزله ییم؛واقت وعده گلیب چاتان گونو آنیم مراسیمینده(تحلیف) جاماهات توپلانیب سورقو سالاواتینان مچیدیمیزین آچار قیفیلین او بیری ایزحمت کش مومون و موسلمان اوغرو قارداش............ باغیشلایین چاشدیم گئچمیش مچید آواندان آلیب منه وئرنده اوغرولاری پیسله ینلر منی اویوردولر(تعریف ائدیردیلر) کی سیز ائله دده بابادان آماناتدار آدام سینیزنه بیلیم قورآن اوخوب ناماز قیلانسیز ............؛سوزو قوتاریب ماخلوق مچیدن چیخاندا قاپی کرگانیندا(آستانادا) ایماش دایی قارشیدان الین چیینمه قویوب تاپشیریق وئرنده کی آی قالایچی مورتوض مچیدی گوزله اول هااااااااااااااا

منده ائله دایانمادان جاماهاتین ایچینده  اوجا سه سینن دئدیم آی دایی من یازیق

قویونو قوردان گوزله ییم

قوردو ایتدن گوزله ییم

تویوقو تولکودن گوزله ییم

دنه نین تویوقدان گوزله ییم

جوجه نی پیشیکدن گوزله ییم

پئندیری سیجاندان گوزله

داغی دره دن گوزله ییم

باغچانی شاختادان گوزله ییم

بوستانی چاققالدان گوزله ییم

اوروپانی داعیش دن گوزله ییم

زنننی  حیجابدان گوزله ییم

اولکه نی تهاجوم فهرنگیدن گوزله ییم

 سوری یه یمنی بومباردیماندان گوزله ییم

تاخیل آممارین قاریشقادان گوزله ییم

مودورلری ایختیلاس دان گوزله ییم

سولو ساغدان گوزله ییم  

ایمام زادا پولون ماللادان گوزله ییم

بانگ لاری ایریئس لردن گوزله ییم

دنیزده دکلی گوزله ییم

نجومی فیش حقوق لاری گوزله ییم

ماخلوقو شیخ آقادان گوزله ییم

دونیانی یئنگه دونیادان گوزله ییم

جیبیمی آرواددان گوزله ییم  

اوجور بیلیرسیز اورت ماحالیندا اولان ایختیلاس لارا گوره ترس آوا گندینده منه قیز وئرمه دیلر؛قالیب تورشاماییم قارننه م گیل اوزاق کددلرین بیریندن  منه بیر نیمداشت قیز ال ایاق ائله ییب آداقلادیلار؛منده کی ایلین یای یازین پاییزدان قیرخ بئش گئده نه داغ داشدا خان آقایا چوبانچیلیق ائله ییب آز چوخ امک حاققی آلارام ؛امما بوایل آداقلیمی گوروب تویی ائله مه ییم اوچون هئ پیلانلاردوزوم اولچو بیچی ائله میشم ؛نه باشیزی آغریدیم بئش گون قاباق سورونوآرانا قایتاریب صاحابینا تحویل وئرندن سونرا بیرآزدا توتدوقوم شوردان پئندیردن گوتوروب ائویمیزه یوللاندیم؛نئچه گون اوستونده گئچندن قار ننه م بیرآزسر سوقات ییغیب آداقلیمی گوروشونه تداریک گورنده منده آخشام چاغی اوزوم دللک فیضی نین سلمانی توکانینا وئردیم کی آداقلیمین یانینا  باش قولاغی توکلوگئتمه ییم داااااا؛ فیضی عمی فیته بوینوما سالیب باشیمی قیرخاندا گوزوم دوواردا نئچه شکیله دوشنده اوز خییالیمدا دئدیم ؛بو ساق طرفده کی شکیل باش قیرخانین دده سی؛ قارشی داکی شکیلده آقام ایمام حوسین؛ سول طرفده اولان شکیلی تانیمایاندا فیته آلتیندا الیمی قالدیریب سورانداااااا کی ؛مئشه فیضی عمی بو شکیل کیم دیر؛ایستی سویونان بوینومون قالین توکلرین اوکه له ییب قیرخا قیرخا علاوه ائله دی؛ بیلمیرسن بودا حضرت کوروش ذول قارین بیزیم یئنی پیغبریمیزدیر؛ایشیم قوتاریب یول آغزی توکاننان بیرآزقار ننه مه  بادمجان یئرکوکوآلیب ائوه یوللاناندا ؛گئجه آرایا گلیب آز چوخ ییئیب ایچیندن سونرا قار ننه م باشیمی هاردا قیردیرماقین سورانداااااااا فیضی عمی نین دانیشدیقی یئنی پیغبریمیزین کراماتینان قار ننه مه دانشیب شکیلی نینده نه طَهَر بوینوزلواولماسین بیربه بیر آچیقلادیم؛من دانیشدیقجا گوردوم هردن قار ننه م دیکسینیب دیل دوداغین گمیریر؛صابا یول گئده جه ییم ایاق یولوحاجتین بیتریب ننه بالا هره میز اوز یئریمیزده یورقان دوشه یه گیریب چیراغی خودون آلاندان سونرا یاتیشدیق؛امما گئجه نین بیر یاریسی گوردوم قار ننه م یوخودا سویله یین کیمین هردن یئریندن بویان اویانا آشیب اوز اوزونه دئییر کی یوخ اورا ال ویرما؛ یوخ دده مین روفی چین اولماز ؛یوخ دئدیم تومانیما دئیمه؛صوب یوخودان دوروب چای چورک یئنده قار ننه مین تئز تئز یاشماقی اوزونه چکمه یی منه شک سالاندا گوز آلتی باخاندااااا گوردوم کی قورخان آداملار کیمین ائله بیل قارننه مین دیل دوداغی زادی اوچوقلاییب ؛چانتامی گوتوروب حه ییت قاپیسیندان چیخانداقار ننه م دالیما سوآتیب بالاجان باشیووا دولانیم  قایین ننه گیله و گلینه سالام دوعا آپار دئییه من بیر خیللک آرالاناندا گوردوم قار ننه م دالدان چاغیردی؛قاییدیب بیله سینه یوخونلاشانداااا گوردوم دوئوخا دوئوخا سوروشورآی قالایچی مورتوض بالا یئنی پیغبریمیز ذول قارین کوروش اولسا ایمام لاریمیز اولاجاق.............................

هرایل اولدوغوکیمین بو ایلده ایمامین اوچو گونی اوزوزدن ایراق بوینوقیسیق احمدین ائششه یین آپارمیشدیلارکی شبئی دن سونرا نَهله ته گلمیش ایمامین قاتیلی شوموری دالی دالی اونا میندیریب باشینا قاتیق یاخسینلار؛سنده دئمه بو بئلا واریث دسته نین ایچینده بی ادبچیلیکدی شئی یین سالاییب؛دوره بره ییغیشان  جاماهات آغلایا آغلایا بئله بیر صحنه نی گورنده گولوشلرین ساخلایا بیلسینلراوزلرین چئویریرک زنن لر یاییلیق آلتی گولمه سین  دسته باشی اوولاغی جاماهدان اوزاقلاشدیراندااااااااا ؛شر شبئی یه ییغیشانلار احمد کیشی نی قیینییا قیینییا بو قباحتلی ایشه گوره بیله سینه یامان یووز دئییردیلر؛محرم لیکدن ییرمی گون گئتمیش بیر گون باغدا ائوه گئدنده یولدا گوردوم بوینوقیسیق احمد ائششه یی قاتیب قاباغینا هردن ویریب دیلسیز آغیزسیز حیوانی دانلایا دانلایا ائوه دوغری سورنده دئییر کی؛آی سنی ییه سیز قالاسان؛آی سنی گلن ایل محرملیگه چیخمایاسان؛منی خالخین یانیندا نییا ایشرمنده ائله دین؛ سنده منی کیمین تحریماتدا قالیبسان؛ سنینده یورقانیوی قیزدیران یوخدور؛هردنده ائششک ویردیقینا گوره ؛اوداااااااا تپیک آتاندا علاوه دن آرتیریرکی سنی ده منیم گونومه قالاسان ؛احمد کیشی نین بوتون سوزلری ائشیدن کیمین دالدان سالام علیکیم دئییه نییا دئییرسن سوراندااااااا؛دونوب بیلمه نن ال وئریب گوروشنده بیلدی کی سوزلرین ائشیدمیشم چوخلو دیل دوداغین گمیرمه یینه  باخمایاراق علاوه ائله دی کی نه اولاجاق محرم لیگه بیرآی قالاندان آرواد منی تحریمات ائله ییب ؛هرزامان غافیللاییب بیله سینه یوخونلاشاندا بهانه گتیریرکی آی آی منه یوخون گلمه کی گلن هفته محرم لیک اولاجاق ؛بیر هفته سونرا یوخوشلاشاندا دئییر آی آی اولماز سحر یوخ بیر گون*تاراش آخشامی دیر؛ییرمی گون سونرا یوخونلاشاندااااااا های باسیر کی نه بیلیم بوگون آقانین آتینا یونجا وئرمه ییبلر؛بیر آی محرملیکدن سونرا یوخونلاشانداااااااا دئییر بو گئجه نه بیلیم شاما اسیر گئدن اسیرلرین کروان دوه سین اوغورلاییبلار؛بئله معلوم اولور کی صفر آیی چیخینجا............................................

نه اولدی چاش باش ویریرام هااااااااا  قالایچی مورتوض دئییر دده م قوجا کیشی اولدوقونا گوره نئچه واقتدیر کی هردن یئرینه ایشیر؛او گون خسته خانایا آپاریب بیلیط آلاندان سونرا نوباتیمیز چاتیب ایچری گئچنده دوکتور بیلمه باخیب سووال وئردی خییر اولابویور ؛دده می اوستول اوسته اوتورداندان سونرا اللریمی گوبه ییمه قویوب بوینومو ائییه ائییه دئدیم آقای دوکتور دامیمیز سو وئریر؛دوکتور قولاغیندا اولان قیرادوزو ساغ الینن بوینونا سالیب باشین قوزادی کی جانیم سن دده وینن دامیزدا تفووت گورمورسن؛دایانمادان دئدیم؛ نییه آقای دوکتوردامیمیز باشدان سو وئریر دده م آشاغیدان ..............................

*تاراش آخشامی-تاسوعا گئجه سی  

نئچه گون قاباق آرواد اوشاغینان زَمی یول قیراغینداااااااااا مَرجی یولیدیق؛بیر قارا شوشه لی ماشین ساخلاییب بیله میزه یوخونلاشاندااااااااا بیری گلیب قاباغا سالام سافادان سونرا آمار ماموریق دئییه بیلگی الده ائله مه اوچون بیزی سورقو سووالا توتدی کی ترس آوا کندی نئچه ائودی بو کدده نئچه ارکک و نئچه دیشی یاشئی؛

بیرادا ماخلوقون ایش پئشه سی ندیر ؛

نه باشیزی آغریدیم آت قاطیر ایت قوردون آماری الده ائله یندن سونرا؛او بیری دولت آدامی یئییریب قاباغا بو کدده تیرکک زاد چکیب ائله ین وارمی سوراندااااااا؛

نوکرچه ز(اوغلوم) اویاندان قالخدی کی آی آقا ترس آوا کندینده

چوبان داوارا تیرکک گوجونه گئدییییی

دورته لن باجی تولوغو تیرگک گوجونه چالخئی

سیمایه خالا اینه نی تیرگک گوجونه سابلئی

چیلینگر صابعلی دمیری تیرگکی گوجونه دویی

مامورلار  شاللاقی  قاچاقچی یاتیرگک گوجونه ویریی

میر عابدولا دایی آتی تیرگک گوجونه باسدیری

عاشیق اورستم سازی تیرگک گوجونه چالئی

اکبر عمیم آرخی تیرگک گوجونه آچئی

توی آخشامی داماد تیرگک گوجونه چیخئی

داداشیم ایسماییل اولاغی تیرگک گوجونه ناللئی

عرشه خان مرثیه نی تیرگک گوجونه اوخئی

قوربان؛صابعلی ؛میروت ؛جوموشود؛ باقیر؛مچیده سینه نی تیرگک گوجونه ویرئی

دسته باشی یاحوسینی تیرگک گوجونه چکئی

شیخ آقا منبره تیرگک گوجونه قالخئی

دللک زیلفعلی باشی تیرگک گوجونه قیرخئی

سورقو سوالین اوزادان کیمسه آخیردا قاییدیب ماشینا میننده گولوم سه ییب دئدی سن کی بیر بئله نعشه  سن نئجه؟

گَئدَه گوله گوله باشینی ائییب دئدی

بیزیده آتام تیرگک گوجونه اَکئی ...........................................

بیر ایکی قاباق ایشدن چیخیب ائوه گلنده بیر باهالی ماشین ساخلاییب بیلمی میندیرنده گوردوم اوشاقلیق یولداشیم قارینپا وکیلدی خوسانلاشیب(کئف احوال ائله ییب) ایش پئشه سیندن سورانداااا؛ایضاحات وئردیکی شیل آقانین اوزاق فامیلی اولدوقونا گوره تحصیلاتین ایدامه وئریب ایمتاحانسیز دانیشگاهداااااااااااااا نئچه دنه لیسانس فوق لیسانس الده ائدنن سونرا عزیز اولکه میزایران تاریخ آدینا اوستادلیق ائله ییب هخامنشیدن توتموش ساسانی آریا دای جانیم سنی چین دئسین داش یازیلار ویاخود فردوسی شیناسلیق درسی وئریب آیدا بئش اون میلیون آلیرامممممممم؛

کوهنه یولداشیم منیم ایشیمنن زادیمنان سوراندااااااااا اوستو باشیمی گوستریب دئدیم گورمورسن کچ کارلیق ائلیرم دااااااااااا؛ایکی بستنی قوناقلیقی گئچن گوروش چوخلو دءدانیشیقدان سونرا منی گتیریب قاپیمیزدا اندیرنده

نئچه هفته قاباق باشیما گلن بیر نوصیبت اوضما یادیمادوشوب اوز اوزوم نن دانیشا دانیشا سوخولدوم حه یه ته؛

آخی بییلیرسیز او گونلری اوشاقلار گلدیلر کی آی قالایچی مورتوض اوزاق یولدان قوناقیمیز گلیب دئییرم گئدک باغدااااااا اَئیلنجه قوروب بیر سیخ سانجاقلی گئچه گئچیردک؛منده باشیمنان یاخجی گلرم دئییه حامام زاد ائله یندن سونرا پال پالتاریمی دئیشیب اوتوردوم ماشینا

یولون آغیزیندا یولداشلاری گوتوروب سوردوک باغا ؛خیلاصه یئریزبوش یئییب ایچیب چکیب هلنن سونراااا اوشاقلار ماززاقلیق (شوخلوق)ائله ییب اوکله شنده منی یئره یئخاندا  بی ادبچیلیکدی هر یانیمنان شکیل چکیب سالدیلارجیب تلفونلارینااااااااا؛

بو ایشین اوستوندن بئش اون گئچندن سونرا بیر گون مونکورات نهی از مونکرایداره سیندن مامور توکولوب قاب باجامیزی آختاراندان سونرا منی یاخالاییب آپارانداااااااااا ائو آدامی اوزون ماشین سوخوب مامورلارینان بیرلیگده محللین نظمیه ایداره سینه موشاییت اولوندوق؛ماسا (میز)دالیندا دورد اولدوزلو ایئریس منه هده قورخو گلیب اورادا قورولان تلویزیا تلگیرامینداااااااا بیر گورونتی باخاندااااااا گوردوم  بی ادبچیلیکدی قوللوقوزدااااااا بیرگوت شکیلی گتیردیلر ایئریس حیرصینن دوردی ایاغا کی بو دال تشکیلات سنین یا یوخخخ؛ال ایاقیمی داغدیب آلتینان  چیخماق ایسته ینده او یاندان آرواد ساغ الینن یایلیقین اوجون چنه سینده توتوب قوزاندی کی آقای ایئریس سنده قیاماتین گونو منیم قارداشیم بو گوت قه ییرمه دیر قه ییرمه ..........................

صبر علی کند عایله سینده دوغولموش اوشاقلار کیمین کد کوءشن آرا طبیعت قوینوندا بویا باشاچاتمیشدی؛ دیزی گیر توتاندان قویون قوزو اوتاریب هردن آناسینین لایلای لارین دینلمه اوچون شیلتاقلیقی توتوب اونا یالوار ائلیردی کی آی آنا قادان آلیم داها بایاتیلارین اوخویوب بویومو اوخشامیرسان هااااا ؛آناسی چورک یاپا یاپا توتون آجیسیلا قیزارمیش یاناقلاری نین یاشی سیلیب کونده وردنه سین گوزونون آقی قاراسی بالاجا صبیره تونللوردوکی؛ دورگوروم سنی یامان گونه حسرت قالاسان ؛داها یئکه کیشی سن باخ سنین باران تایلارین یئدی قیراغیندان گئچیر ؛قارا قوش کیمین قی ویران صبیریده ایسدی چورکین بیرین قاپیب ییه ییه آناسینا سووال وئرردی کی آی آنا من یئدی قیراقینان گئچسم؛ قوزولاریمیزی کیم اوتاراجاق دئییه یولداشلاری نین سسینی تنگه ده ائشیدیب؛ آهایییییی موللا هارای اویونونا گلن اوزون اونلارا یتیریردی ؛ ائله اودورکی واقت وعده آخساق قوزو کیمین سورونه سورونه گلیب چاتاندا؛ ینی یتمه صبیرین یئدی یاشی باشا چاتیردی؛ پاییزین بیرینجی آیی دی کندین سیپاهی دانیشی وَریندن سوئاریشد؛ گلمیشدی کی بوتون کندین یئدی  یاشار اوشاقلاری مکتبه گلمه لیدیلر؛صبیرین آناسیدا نئچه گون قاباقدان اوشاقین پال پالتارین یویوب قوروقوداننان سونرا ؛ مدرسه آچیلان گونده اوشاغین گئیندیرنن بویون اوخشایا اوخشایا بیر یاغلی دورمنج الینه وئریب مکبته آپاریردی؛ کندین اوشاقلاری اوت آلوو صبیری گورنده گولوشوب اونا خوش گلدینن سونرا سیپاهی دانیش بوتون اوشاقلاری سیناقدان گئچیرتمه اوچون هالای(صف) دوزوب هاممی نین آدینان فامیلیاسین چاغیریندا صبیرده الین قوزاییب بلی آقا مودور؛ صینیف لر باشلانان گوندن عومرونده بیر کلمه تای دئشیک سوز ائشیدمه یین صبیر سیپاهی دانیشین دئدی گی سوزلری باشا دوشمیینده ؛معللیم اونون ایکی الین یوخاریدا بیر قیچلی ساخلایاندان سونرا بالاجا اللرین جوموقولا ویریب قابار ائلیینده؛ قدارلیقلا دئییردی کی گرک درسی اوخویاسان؛ تانری نین وئرن گونو یازیق اوشاق اللرینین قابار سویی سوزوله سوزوله ائوه گلیردی؛ آناسیدا بیرآز داوا درمان ائلینن سونرا بویون اوخشاییب صاباحدان ینه بو ایش باش وئرردی بیر گون مدرسه نین سیپاه دانیشی اوشاقین آتا آناسین چاغیریب کی سیزین اوشاقیز درس اوخوماق ایسده میر ؛آتاسی دیشلرین قینجیدا قینجیدا صبیرین اوسدونه غضبلننده اوشاق آناسینین دیزلرینه قوجاقلاییب؛ قورخا قورخا دئییردی آقای مودور سیز دئیینلری آخییییییی من باشا دوشمورم ؛ منه اوز دیلیمده درس وئرین باخ؛سیپاه دانیش بو سوزو ائشینده حیصرله نیب دئییردی یوخ جانیم مملکندین قانونو وار؛ اولماز؛ بو سوزو دئیینده صبیرین آناسی الینن اوزونون یاشماقین توتوب اوتانا اوتانا سیپاهی دانیشه کی آقای مودور بو قانونو کیم قویوب؛ سیپاه دانیش الینن شاهین شکیلین دوواردا گوستره گوستره دئییردی اعلا حضرت خانیم والاحضرت حضرت ؛ بالاجا صبیر آرخالیقینین قولوینان گوزلرینن یاشین سیله سیله اوزون دووارا توتوب دئییردی کی آقای مودور اعلا حضرته بویورون کی من فارس اولماق ایسده میرم....................