تونقال

بئله قورمامیشدیق عهدی ایلقاری

یازار : قالایچی مورتوض | بؤلوم :

+0 به یه ن

گنج عشقعلی نین آتاسی خالخال ایزاناب دئدیگیمیزکند یاشامیندا *قارا(اکینه جک یئری اولمایان)اولماغیناباخمایاراق؛اوغلو ائل آرا بویوک باشلارینان اوتور دور ائله ییب مجلیسین هر طرفینده اوتورسایدی؛طرزی باشی کیمین او یئر آغیر گلردی؛الینن گلن حاقسیزلیق ائله یینلره قارشی چیخیب ایاقلانان فاقیر بئچارایا حمایه سی گئچیب آرخا دوراردی ؛عایله ده ایکی قارداش بیر باجی اولدوق لاری اوچون آتاسی آغیر ایش اوجو باتینان بئلیندن شیکست اولاندان سونرا گنج اوغلو اکینه جک واقتی بونا اونا بیچین بیچیب اوز ایللیک زومارلارینی الده ائله ییردی؛دورد کیلفتی باشی کسیک قویوب حربی خیدمته چاغیریلاندا جیب خشلیگی اولمادان ایکی ایل خوزستانین ایسدیلرینه دوزرکن بیر یولدا اولموش اولسادا عایله گوروشونه گله بیلمه میشدی؛اولوم دیریمینن حربی وظیفه سینی باشا ویریب ائولرینه قاییدان عشقعلی آتاسی نین فلاکتلی یاشامینی گورنده بئش اون گوندن سونرا چانتاسی نی گوتوروب باش کدده ایشله مه یوللانمیشدی؛بیر غیرتلی تورک بالاسی کیمین عایله نین قیدینه قالیب ایشله دیگی پولو حیصصه حیصصه کنده یوللایاندا عایله سینه تاپشیریق وئریب مال قارا آلین دئییه موراجعیت ائله ییردی؛بیر آز زاماندا اوز عایله سی نین ماییشی نی یولونا قویان عشقعلی دوره برده گوزلیگینن آدی دیللره دوشن نازی گول آدلی بیر سو سونا سی کیمین قیزین عشقینه دوشور؛ناز گول خانیمین گوزلیگی حاقدا دئمه لی سوز بو کی اونون اوجا بویی قیرمیزی آلما یاناقلاری قولاچ ساچلاری و جیران باخیشلی گوزلری و یاخود قوچاق یئریشی بوتون خالخال میانا بولگه سینه های هارای سالمیشدی؛قیز قاپیسی شاه قاپیسی دئییه اوزاقدان یاخیندان یار یاراقلی گلن خانلار و بئ ائلچی سی ناز گولون گوزلیگین ائشیدیب اونو اوزلرینه گلین ائتمک فخر ایله قندهار کاروانی کیمین قاپیلارینا دیز چوکوردولر؛امما بو ائلچی لرین ایچینده وار ثیروتدن کاسیب اولان عشقعلی اوز ایسده یی ناز گول خانیما اورک باغلاییب گئت گئده لالا گول یاپراغی قیزاران کیمین سئوگیسی آرتیردی؛چونکه عشقعلی دوزومون دوز سئچمیشدی؛ اونا گوره کی او بیلیردی ؛هر کیشی نین دالیندا بیر ار قادین اولماسا او کیشی نین اوت اوجاق اولماغی چتین اولاجاق؛اوزون بیر چکیش برکیشدن سونرا ایسده یینه چاتان گنج عشقعلی ناز گول خانیمنان عایله قورا بیلمیشدی؛بیر کددی بالاسی کیمین اوزو یاشماقلی نازی گول گلدیگی ائوده عایله نین بیر عضوی اولاراق گونده لیک ایشله رینده حییات یولداشینا دایاق دیرک اولوب اونان چئیین چیینه گله جک یاشایشلارینین تمل داشلارینی مین آرزی لا قوروردورلار؛آتا آناسیلا بیر ائوده یاشایان عشقعلی اکینه جک واقتدی سوئوشوب آغاجلارین یاشیل یاپراقلاری قیزیل رنگه دونوب بالا بالا توکولن واقتلاریندا حیات یولداشی لا حالال لاشیب سون تاپیشریقیندا اونا آتام آنام الله آمانتی دئییه چانتاسی چئیننده *یولچولارا قوشولوب گیلان دنیز قیراغیندا پره چیلیک ایشینه یوللانیردی؛پره چیلیک ایشلرینده ده نیظام اینظیباطی اولان گنج عایله سینه چورک قازانماق اوچون هر گون اوزون دنیزه ویریب چوخلو *آواری چکنلره باشچیلیق ائدردی؛قیشین اوغلان چاغیندا کددن خبر گتیرن قاصید هاممی نین سوز سوفارشین دئییب عشقعلی دئمه لی سوزو بو کی آی بالا تانری ایرحمت ائله سین آتان دونیاسینی دئییشیب ؛اوزلوگونه سیغمایان بوسوز عشقعلی نی سارسیدان کیمین سحر تئزدن ایش یولداشلارینان آییریلیب گیلان خالخال قارلی داغلارین آشاراق ایزحمت کش آتاسی نین مزاری اوسته دیز چوکمه گه تئله سن شرفلی غیرتلی بیر اوغول کیمین بویوک چیلله نین گورها گورونده آخشام اراده لرینده کیوی شهرینده ماشیندان انیب قیش قاری نین قورشاغا چیخماغینا باخمایاراق گئجه ینن اوزون قاطیر گئتمز *اوچ آغاجلیق *کسه یوللارا ویریب قارا باتیب چیخاراق گئجه نین بیر یاریسی یورقونلوق عرفه سینده یولون ایتیریب صوب خوروز بانینا کیمین ناغیللار قهرمانی کرم کیمین قارلی کولک له دویوشنده ال ایاغین سویوق ویریب دوشدوگو یئرده اولوم دیریم آنلارینی یاشاییر؛تانریدان عومری قوتارمایان اولمه ییجک دئییه ؛بیر الله بنده سی یولدان گئچن هاراینا چاتیب بیله سینی تهلوکه دن قوتاراندا کددلرینه آپاریب عایله سینه چاتدیرمیشدی؛آنا اوغلونون بو آنلارینی گورنده سوئوق ویرمیش اللرینی الینن ایچینه آلیب آنان اولسون بالا دئییه گوزیاشلاریلا اونو یانار تندیرین باشینا دولاندیریردی بلکه ده بالاسینی بو تهلوکه دن قورتارسین؛امما عشقعلی نین نه قدر داوامی چوخ اولساییدا قارلی قادالی قیشین سویوقی اوز ایشین گورموشدی؛دونموش بدنین بوزو آچیلدیقجا ال ایاق بارماقلاری توکولوب چوخلو تورکه داوادان سونرا یاراسیز حالا قالمیشدی؛امما حاییف کی ناز گول بو حادیثه دن سونرا یوز ائلچی لرین ایچینده سئچدیگی اوغلانی بو حالدا گورنده تای توشلاری نین شمادتی عرفه سینده اوز سئوگیله قوردوغو ایلقارینا دال چئویریب حیات یولداشینی کدر آخشاملاری ایله دیز قوجاق قویوب بوشانیرام دئییه بور بوقچاسین گوتوروب آتاسی ائوینه یوللانمیشدی.................

ایشی نین سونونوبئله گورن عشقعلی عوض قیزی آدیلا گئدن عومور یولداشی نین دالینجا بئله آغی لار سویله میش جان تاپشیرمیشدی

گئدی سن گئت یوخدی سوزوم نا اینصاف

بئله قورمامیشدیق عهدی ایلقاری

قاییت دئدیم آل جانیمی سونرا گئت

قیشا دوندی شان عومرومون بهاری

سنی دئییب وارلیقینا خوش اولدوم

یالا باخدیم یاماجینا توش اولدوم

قوزقون جایناغینا گلن قوش اولدوم

یالقیز قویما قالا گوزو آغلاری

عوض قیزی دال چئویرمه عشقینه

نه دوشموسن آییریلیقین مشقینه

رحمین گلسین درد الیندن دوشگونه

یار آتارمی کونول سئودیگی یاری

*آواری-بیر ایکی مئتره یوخون کندیر ایپ دئمکدیر دنیز کانارینداتور چکنلر اونون بیر طرفین دنیزدن چیخان بالیق تورونون اوجونا باغلاییب بیر طرفینده چئیینلریندن سالیب چکردیلر

*اوچ آغاج-18کیلومتریول دئمکدیر

*کسه یول-بیراهه یول

بس من نئی نن اویناییم.......................

یازار : قالایچی مورتوض | بؤلوم :

+0 به یه ن

اوجور کی بیلیرسیز بیزیم بو حورمتلی دده حیات (یولداشیمین آتاسی)عیالی دونیاسین دئیشندن سونرا کدده تک قالماسین ائوآدامی نین مصلحتی نن گتیرمیشیک شهرده بیزیم له یاشاییر؛ اسگی چاغلاردا کدده زاددا رادیو تلویزیا یوخودی بتر حکایه لر دئییردی؛ایندی بیرآز گوز موزو گورمور هئله هیچ صرفه سینه گلمه یین سوزلری ده ائشیتمیر؛بیزده آلتی یئدی باش کیبلفتیک اوشاقلار مکتب زادا گئدیب مننده یولداشیم خویلو خانیم آدام رگلمه ایداره سینده ایشله ییریک؛عایله میزده ائله گئجه ائوه ییغیشاندا هر کسه ن بیر آز ال قاپ چورک دن زاددان ییئین سونرا چکیب بیر بیچاقدا اوز جیب تلفونوموزونان مشغول اولوروق؛بیز هاممی لیقان ائوده اوتوروب اوز جیب تلفوموزونان وات ساب قاباغیندا چت ائله ینده؛ دده ده هردن عصبله شیبب بیر الینن شئی نن اوینایا اوینایا تلویزیا کانالارینی دئییشیب واقتین گئچیریر؛بیزیم بو تلفونان اویناماقیمیز یوخ باغیشلایین چاشدیم قایین آتانین شئی نن اویناماغی اونا بیر عادت اولاراق ائله تنگه باجادادا زنن اوشاغین یانیندا طییییییییی یول گئده گئده اوزون اوکه لیر؛داها دور برده بو کیشی نین ............اوکه له مه ناغیلی مچیده منبره چکیلیب؛بیر یوللاری آروادی بیله سینی توپارلایاندااااا بونه ایشدی گوررسن؛قیشقیردی باشیمیزا کی بس من نئی نن اویناییم ؛عایله دن کوسن یازیق قوجا کیشی شئی یین اوینایا اوینایا گئجه گوندوز تلوزیا قارشسیندا اوتوروب ایشییییییی طییییییی کانالاری دئییشیب فیلم سریال لارینان باشین قاتماقدی؛گئچن جوم آخشامی من هامیدان قاباق ایشدن چیخیب بیر آز ور وسایل آلاندان سونرا گلیب ماشینی پارکینده قیفیلاییب ائوه گیرنده گوردوم آهوووووووووو نسه لاس تیوی کانالارین بیرین آختاریب تاپان دده اورادا بیر یاریم لوت قادینی گورن کیمین نمنه سین چیخاردیب توتوب تلویزیایا ساری قادینی دیله توتاراق الینن چاغیر چاغیرا دئییر گل بری گل آغرین آلیم سنی خوراسانا آپاراجاغام .....................

اوستونن بیبر خیلک گئچنن سونرا بیر گون آروادین یانیندا چئینینن ویریب دئدیم آی دده الله سنین زیاراتینی قابول ائله سین

تونقال

یازار : قالایچی مورتوض | بؤلوم :

+0 به یه ن

گئجه تونقالی

ایتمیش کاروانی یولا چاغریر آهای....

دئیرلی یولداشلار هر هفته شنبه گونلرینده تونقال یازیلاری ینی لنیرتشریف بویوروب ایزلییه بیلرسیز

قلئی چی مورتوض

شیرین گولوش لریمه باخمایین

ایچه ریم آجی گوینرتی له رینن

دولودور دولو

www.tungal. arzublog.comتونقال آرزی بلاکدا

حورمتلی یولداشلار تونقال یازیلاری بوندان بئله آرزی بلاکدا ایزله یه بیلیرسیز

بو اثر تاریخی......................

یازار : قالایچی مورتوض | بؤلوم :

+0 به یه ن

^{او گون ائششه گینن بازار ایچی گئدیردیم؛}

^{ایکی تات}^{ننه سی نین اوغلو اولاغین بوینون قوجاقلاییب قاباغیبمی کسنده؛}

^{بیری ساغ طرفدن ایکی بارماغین قالدیریب جوت توتاراق ایشاره ائله دی سیگاراتین وار}

^{جانیمین شریندن بیر پاپوروز وئریب ایرد اولانداااااااااا}

^{او بیریسی سول طرفدن یاپیشدی ائششه یه که آی عمی ساتیرسان؛}

^{دئدیم پالانی یا ائششه یی؛}

^{گولوشوب دئدیلر ؛دئدیلر ائششه یی؛جانیم ائششه یی}

^{اوزون قولاغا چوش دئییب تور سوزو باشین چئویردیم قارداش اولکه اورسیته ساری؛}

^{دئدیم اولاغی یوخ امما پالانی ساتیرام}

^{سوزلریم خوشلارینا گلن کیمین بیری علاوه دن سوروشدی عمی ایش پئشه ن ندیر}

^{آرتیردیم کی بیز ائله یئییرمی دورد آرخا دده بابادان دئییرمانچی اولموشوق}

^{بیر آز منی دانیشیقا توتوب باشیمی قاتاندان سونرا گوردوم}

^{بیری او بیری یولداشین دومسوکله ییب علاوه}^{دن گولوشه گولوشه ؛}

^{گوزینن اوجوینان پالانی گوستره گوستره اونا ایشاره ائلییرکی ریضا پالانی ریضا پالانی؛}

^{لاپدان های باسدیم اوستلرینه کی اَئیه نه ریضا پالانی؟}

^{اوزومو ائششه یین اوستونده ییغیشیدیریب برک اوتوردوم کی؛}

^{بو آثار تاریخینی الیمنن آلماسینلار؛}

^{اوزبه اوز توکانچی سوزلریمیزی ائشیدن کیمین؛}

^{گلیب قاباغا بیرآز وچوخ وراندازلایاندان پالانین قاشیندا تاج شکلی اولماغینا}

^{گوره کارشیناسلیق ائله دی کی بو اثر تاریخی اوچونجو یزد گرد شاهین دوره سیندن قالیب ..................}

سئچگیلر قاباقدادی آخیییییییی

یازار : قالایچی مورتوض | بؤلوم :

+0 به یه ن

بیزیم کدده ماحمودونان حسن ایکی قارداش اولماقلارینا باخمایاراق آتالارینین هانپا اولدوقونا گوره خیلک وار ثیروت بیله لرینه قالمیشدی ؛تانری اوله نیزی ایرحمت ائله سین حسن تئز دونیاسین دئیشمه یینه گوره ماحمود اونون یتیم بالالارینین وار یوخون یوخاری چکیب شهرده اوزونه نئچه مرتبه ائو وسگیز گوز دوکان ال ایاق ائله میشدی؛حسن نینده اوشاقلاری اولن اولوب کوچنده کوچدی؛ تک بیرجه اورتانجیل اوغلو قشت آقا کدده قالیب؛اودا تانری باعیثینان دیوان ائله سین سیخ سانجاق ایشینه باخیر؛کدده قارا قیزیل ساتانلار بیردان اوردان قشت آقانی قورمالیلار کی ائده سنین آتاووین مالینی عمون حاج ماحمود یئییب باخخخ؛ائله اونا گوره قشت آقا هردن اوزون شهره وئریب عمی سی حاج ماحمودون توکانین قاباغیندا خومارلیقدان ییخیلاندا بئش اون تومن آلیب اوزون دوزلدیب کنده قاییدیردی؛اوگون کندیمیز حوزون یئری واریدی یئدی کند آدامی گلنده حاجی ماحمود دا بیر وارلی کارلی آق ساققال کیمین گلمیشدی؛یئنی دن قشت آقانین قیلیقینا گیرنلر بیله سینه یئل وئریردیلرکی عموووین ان اوزونو اوچ سنی ایجن دی باخ؛مجلس قوتاریب عمی قارداش اوغلو دئییه ائولرینه باش ویراندا گلین بیر چای گتیرنده قشت آقا آروادی چکیب قیراغا یانالیرکی تئز اول بونا بیر قارا یاخ بلکه بئش اون تومن قوپاردا بیلدیک؛گلین اوزونون حایاسیندان یوخ اولماز عاییب ایشدی دئیینده قشت آقا ویریب دیزلرینه اوجا سسینن های باسیردی کی قهبه قارا یاخخخخخخخ ؛دئدیم قارا یاخخخخخخخخخخخخخخخ
قمیش صادیقا تیرگک پولو بورجلویام ؛قاراااااااااااا یاخخخخخخ

من آتامین آناسی اولموش؛ تک بیر اوغلویام.......

یازار : قالایچی مورتوض | بؤلوم :

+0 به یه ن

اوگون آتامینان دردله شنده الین الینه ویریب دئییردی کی آی اوغول سنی تئز ائولندیردیم کی ائویمیزده سیفرا سه ریلیب بیر ایسدی یئمک حاضیرلانسین؛ اما گلین گلندن اونون یئمه یینده من پیشیریریرم هئله هیچ ائودده باشیما چادیرا قویورام باخخخخخ ؛آتا بالا قونوشوب صالاحلاشاندان سونرا بئله قارارا گلدیک کی من کددن کوچوم؛اودور ائله آروادین جئر جییزین گوتوروب باش کد دورماگلدیم؛ایشین اولمادیقینان میرده شورخانادا اولو یووان شاییردی ایشله مه ییمه باخمیاراق شهرده کیراچی (موسته جیر)یاشاییرام ؛اوزوده ایت پیشیگ و قوش باز اولدوغوما گوره هر آلتی آیدا بیر ائو دئییشیب اولوب قالان جین جیندیریمیزدا اللرده داغیلیر؛ قاباقجادان پول اوده مه ییمیزین آز اولدوقونا گوره شهرین آشاغی باشیندادا بیزه ائو وئرمیرلر؛اوتدوقوموز ائوین صاحابی بیزه جاواب ائله ینده طییییی ائو اجاره یه وئرین بونگاهلاری گزیب گوجو پیسلیگینن شهر جیک لرین بیرینده نیمداشت ائو تاپاندان سونرا کوچه لرینین داراشلیق اولماغینا باخمایاراق بئی لشندن سونرا کوچ کوله واریمیزی یئنی دن بیرایا داشیدیق؛اوزده کی تانری وئرن کیمین هر عایله ده دوققوز اوشاق آخشاملار کوچه باشیندا منیمده ایت پیشیگیم بیر بیرینه قاریشیندا مککه مینا حادیثه سی باش وئریر؛اما ایمان عزیزدی قونشولار بیری بیریندن یاخجیدی خانیم لاری ننه م باجیم اولسون چوخ حیجابلیدیلار؛ایل یاریم دی دئییه گوله بیرادا یاشاییریق؛اما نئچه گون قاباقدا دوردونجو قونشوموزا یئنی یئتمه بیر شیخ آقا عایله سی کوچ گلمیشدی؛بو ایشین اوسدوندن نئچه گون گئچندن سونرا یامان بیر ائیی قوخومحلله میزی گوتوروب طییییی قونشولار بیربیرلرینن دالاشیردیلار کی سیزین ایاق یولو قویوسو پارتداییب اودور کی محلله نی ائی قوخو گوتوروب اوچ دورد یول قونشولوغان ویریشیب ایشیمیز شورای حل ایختیلاف دان قورتاراندا سونرا بلدیه ایداره سینه موراجیعات اولوندی کی مملکندی ائی قوخو گوتوروب جانیم؛ ائله ایزحمت کش شورالاریمیزلا بیرگه بلدیه ایاق یولو آنماری بوشالدان ماشینی گلیب بیر به بیر............قویولارین آریدیب قوتاراندان سونرا من یئریدیم قاباغا کی دوردونجو قونشونون قویوسون بوشالدیندا؛ بلدیه ایشچیلرینین بیری آلنی نین ترین سیلیب گولوم سه ییرک آرتیردی کی دوردونجو قونشو مملکنده آفدافا گوتوروب بیرا تمیزلنسه ده بیر اللی ایل ائیی قوخوسوگئتمزباخخخخخخ

یوخ آخیییییییی.....

یازار : قالایچی مورتوض | بؤلوم :

+0 به یه ن

اوگون ناهار چاغی گئتدیم کابلا ولایت کیشی نین چورک خانا سیندان بیر ایکی اوش دنه چوره ی آلیم ؛گوردوم طییی بوکوم بوکوم یاپیب ییغیب اورا ؛ادب ارکاننان پولومو چیخاردیب سالام کابی بیر ایکی اوچ دنه چورک وئرسه ن دئیینده قاشین آتیب چورک یوخدو دئییه گوزومنن ایشاره ائله دیکیم کی اشی بس بیلار ندیر ییعیبسان بیراااا الین بیر به بیر چورکلری اوسدونه قویوب سایا آرتیردی کی بو لوبنانین بو فیلیسطی نین بو عیراقین بو سوریه نین و بودا ائرمنستانینان یمنی نین قان قالاغیم قاریشیب های باساندا کی یوخ آخی.........................

قونشوموزون مئشه رزاق اویاندان یئتیشیب الیمنن توتاراق دئدی کی عاییب ایشدی قالایچی مورتوض بیر سیکارئت بیلمه وئریب خوتوم آلاندان سونرا یاواش یاواش گئدیب اوزبه اوزده کی آغاجلارین کولگه سی اوستولون اوستونده ائیله شدیک

منده اوزومه گلندن سونرا دئدیم مئشه رزاق نئچه واقتی یوخسان باری

اوزوده بیر سیکارئت آلیشدیریب علاوه ائله دی کی مورتوض معللیم دای سوروشما باخخخخ

علاوه دن سوروشدوم آی آقا اولماسین آزار

آرتیردی کی آی قارداش الله گیزلین دئییر سندن نه گیزلین بیر بئش آلتی آی اولار کی بی ادبچیلیکدی قولقوزدا ائله ائوآدامی نان باجی قارداش کیمین اولموشام

گوزلریمده توءدان دوشه لی یئر گویی یاخجی گوره بیلمیرم ؛یازیق بئچارا آرواد الیمینن یاپیشیب طیییییی دوختورلاری دولانیریق

هیچ یئمه سینلر باخخخخخ بیر اتک پول خشلمیشیک نقدر داوا درمان آلاندان سونرا هیچ حالیما تفوئوت ائله مه ییب

نئچه گون قاباق قونشولاریمیزین مصلحتی نن آرواد پال پالتاریمی گئییندیریب یوخون کدده بیر یئنی یئتمه ایمامزادا زیاراتینا منی آپاردی کی بلکه آقا منه شاف ائله سین

جانیم سنی چین دئسین گئدیب اوزاقدان صالاوات زاد چئویره چئویره نئچه یول قیز ممه سینه اوخشار دامین باشینا فیرلاناندان سونرا ائو آدامی بوینوما بیر ایپ آتیب آقانین شئی نه کمسیک له دی

منده کی باشلادیم نریله مه یه کی آی آقا ...........هاچاندان هاچانا بیر آغیز بورونلو آدامین اوره یی منه یانان کیمین یانیمدا اوتوروب دردیمی سوروشاندا ائیلدیم قولاغینا دئییم کی شئ.............ته به ایاق آرواد اویاندان یئتیشیب حیرصینن الیمنن یاپیشاندا کیشی یه های باسدی کی آی قارداش نه اولاجاق عاقلی ایشله میر باخخخخخخخ

کیشی کور پئشمان چکیلیب دالی دالییا اللرین اوکه لییه اوکه لییه آرتیردی کی یازیق سنین دردین چوخ آغیردی گرک مئصمی قوما زادا گئده سن ؛

بو جانینا قوربان اولدوقوم آقا تئزه کاردی باباسیله زادا باخیر...........................

اولان بیزیم آروادین آغزیناااااااااااا

یازار : قالایچی مورتوض | بؤلوم :

+0 به یه ن

اوگون گوزگویه باخیب دوشومه ویریب دئدیم آی آرواد قوجالدیم هااااااااا؛آخی بیلیر سیز مکتب ایللری و یاخود اُنیورست خاطه لری یاددان چیخمیر باخخخخخخخخ ؛بیز دانیشکاهین اوچونجو کورسوندا اوخویاندا بیله میز چوخ خوش گئچیردی؛بئله ساوادلی ذکالی یومور حیسیلی اوستادلاریمیز واردی کی گل گوره سن؛اوزده بیلیرسیزدااااااا پهلوی دورونده اوغلان قیز بیر اولوردولار؛اونیورست ایللرینین خاطره لرینن یادیمدا قالان چوخ سوز وار اما نئچه سی ماراقلیدیر؛یادیمدادیر اوستادلاری نئچه سی ائله بیر ال اوجی درس دن زاددان دئییب سوندان گولمه اوچون لُر لاری گیلک لری و یاخود تورکلری لاغا قویاردی بیزده گولردیک بیر یول اونلارین بیری بیر سوزونه توخوندوکی گویا کی تورکلرین تاریخا ایاق یولولاری(سرویش بهداشتی)اولماییب؛ نه بیلیم اوشاق لارین بیری اویاندان قوزاندی کی اوستاد ایجازه آخی تورکلر فارسلار آغزینا آفدافا گوتورردیلر؛بیر ایکی نفرده اویاندان اوسدومه قوزانیب دیله گلردیلر جانیم ایناراحانت اولمااااااا باخ گولمه چون دئییرااااااااااا

او گونلری بئش آلتی قوجا کیشی آخشام نامازین مچیده قیلیب اوتورموشدوق فلانکس پیسدی من یاخی یام دانیشیردیق کی واقتیمیز گئچسین؛ منده قارا یوللو کیمین بو ناغیلی دانیشدیم مچیدده چیخیب ایاق قابیلاریمیزی گئیینده لاپدان کابلا ترابعلی اوسدومه جوموب یامان یووز دئییه دئییه باشیمی سالدیقی قولوتوغونا اولان بیزیم آروادین آغزینا آفدافا گوتورورسن جاماهات ییغیشیب گوجونن منی الیندن آلاندان سوروشدولارکی آی جانیم سیزین کی ائو آدامی................ ترابعلی آمان وئرمه دن دئدی نه ائو آدامی الن بیزیم آرواد نوه لرینن فارسی اورگه نیر بیر ایکی آیا فارس اولاجاقداااااااااا

آرواددان جد مالی اولماز

یازار : قالایچی مورتوض | بؤلوم :

+0 به یه ن

بیزیم ترس آوا کندینده آتا بابادان بیر عایله سیید یاشاییر؛اونلار ائله بیزیم دوره بر کدد لرین پیری اولاراق هر کسین اوشاق موشاغی خسته له نیب ائله سه گتیرر آغانین مطبینه اودا بیر شاپبا اوشاغین آغزینا توپوروم دوزلر اینشاله دوزلر دئییه اوز نذیر نیاز پولوسون آلار؛بو آغانین آتاسی ایرحمتدیک خرمن اوسدو تورباسین گوتوروب کددلری دولاناراق اوز جد مالیسین اوندان بوغددان آلاردی؛

اوجور کی بیلیرسیز داها بیز نئچه ایلدیر کی کددن کوچموشوک شهرده یاشاییریق؛امما یولوموز کنده دوشنده یئنه جانینا قوربان اولدوقوم آغانین جدی مالی سین اوده ییب منن آرواد آتا بابامیزا صالاوات حواله ائله ریک؛ایندی نئچه واقتدیرکی یات مرضی توتماغیما گوره کنده زادا گئده بیلمیرم؛

بو ایل ماه موبارکدن سونرا صوب چاغی توکاندا اوتورموشدوم کی لاپدان ایزنگ آچدیلارکی تئز گل ائوه قوناق گلیب

ته به ایاق ماشینی خودداییب ائوه یئتیشنده گوردوم آهوووووووووووقاداسین آلدیقیم کندیمیزین آغاسیدیدیر؛کئف احوال ائله ییب خوش بئش اون بئشدن سونرا صویبتیمیز قیزیشدی؛ناهاری زادی یئییب نامازا دوشنندن سونرا آغام اوزون منه توتوب گلئی نرک آرتیردی کی اشی کنده گلیب ائلیرمیرسن؛

دئدیم آخی ائله بئله دااااا

لاپدان عصبله شیب دئدی جانیم ائله بئله اولماز آخیییییییییی

جیبیندن اوزون تسبیین چیخاردیب گوردوم نَسَه حسابلاییر؛بیر خیلک گئچندن سونرا اوزون توتدی منه آی قالایچی مورتوض الن دورد بئش ایلدی کنده گلمه ییبسن 200000تومن ایجد مالی وئرمه لیسن

بو اوزون واقتدا اوله نیزه ناماز قیلیب مچیدده دوعا ائله میشم 100000یوز وئرمه لیسن

جانیم سنی چین دئسین تئزه ائو دوزلدیبسن 50000مین وئرمه لیسن

ماشین آلیب سان 20000مین وئرمه لیسن

قیزکوچوردوبسن کُت شالوارلیقیم قالیب

اوغلو ائولندیریبسن باشماقلاریم قالیب

؛آرواد هردن چایدان یئمیشدن زاددان گتیرنده گوز ائله ییر بیلمه کی سیید نفسی آغیردی هر نه ایسده سه وئردااااااااا

جانیمین شریندن آغا توتان صورتی بیر به بیر اوده ییب علاوه منن آروادین آتا بابامیزا دوعاسانا حواله ائلیه ائلیه گوردوم دئییر کی اشی شامدان سونرا هاردا یاتاجاییق ؛

عصبله شیب قیشقیردیم باشیناکی ایرحمتدیگین اوغلوآرواددان جد مالی اولماز ایییییی دور چیخ گئت باخخخخخخخ

شیخ آغانین

یازار : قالایچی مورتوض | بؤلوم :

+0 به یه ن

تئله دیب
آی تله دی

توولامادی
توولامادی

پارت اولماسا...............

یازار : قالایچی مورتوض | بؤلوم :

+0 به یه ن

اوجور بیلیر سیز من اوولده ایستیردیم درس اوخویوب آدام اولام سونرا باشیما آق دولاییب ایسلام اولکه سینه خیدمت ائلمک بویونما دوشدو؛ائله ایلک گوندن بویوک محسولیت بوینوما گوتوردوم؛اودورطیییییی اورت باسدیر ماحالی نین ترس آوا کندی باشکند اولماق شرط ایله ایاق یولولارین ایریئسی تایینات اولموشام؛میز ریاستیمه جلوس ائدیب دولت آدامی اولاندان سونرا بویوک باشلارا قوشولوب طیییی جلسات زاددا اولورام؛ اولوب قالان ایشلریمیده ال آلتیلاریما تاپیشیریب میزه گیردی سیاسی دان توتموش تلویزیالارینان موصاحیبت آپاریرام نامازی جمعه دده قاباغدا اوتوررام کی بویوک باشلارین گوزونه گلیم؛هردنده دانیشگاهدا زاددا طهرات آلماق درسی وئریب شرعییات شککیات کیتابی یازیرام؛گاهداندا وظیفه شرعی اولاراق سوریه غزه یمن قارداشلارینا سوروسات داشییب چئیین چئیینه دویوشورم؛ گاهداندا واقت تاپیب ترس آوادا گلنده ؛دوردیوز ائولی اورت باسدیر ماحالی نین موستضعف جاماهاتی منی اوزلرینه پارت ساییب بیلمه موراجییات ائله ییب؛ منده الیم گلن زنن لی کیشلی ایشلرین گورورم ؛دای یازیقلار نه ائله سینلربو اولکه ده پارت اولماسا ایش گئچمیردااااااااا؛

او گونلری بیر ی گلمیشدی کی آقای ایریئس مئشه تاغی نین اوغلو بیزیم قاطیرا تجاووز ائله ییب ایشیمیز محکمه ده دیر دادیگاها ایزنگ ویریب بیزی تاپیشیراسان

نه بیلیم بیری گلمیشدی کی آقای ایریئس بیزیم زنن دونن دوغاجاغیدی ساخلاییبلار بوگونه خسته خانادا تاپیشیراسان

بیری گلمیشدی آقای ایریئس اوروجلوغا گوره بیزیم قهبه خانانی باغلاییبلار قوری قفدانیمیز قالیب ایچینده

بیر قوجا کیشی گلمیشدی آقای ایریئس ائو آدامیم اولوب منی ساغیر خانایا یازدیراسان

بیری گلمیشدی آقای ایریئس منیم اوغلو اولاتیم اولمور

بیری گلمیشدی کی آقای ایریئس باش اوچون کندین کاتداسی پالانین آشیریب اونو دوزلده سن

بیری گلمیشدی کومیته ایمدادا یاز کی بیزه حامام ال ایاق ائله سینلرکی عزیز گونده قوسولسوز اوروج توتورام

بیری گلمیشدی کی منیم تورشامیش باجیما ار تاپاسان

بیر زنن گلمیشدی کی اریم گئجه ایشینه باخا بیلمیرمنی بوشاددیر

بیری گلمیشدی ددم اولوب قبیر آلماغا گوجوم چاتمیر اونو قسطدا کسدیرسن

بیری گلمیشدی بیزیم اوغلان سیفارت تسخیر ائله ینده دوواردان دوشوب اوموزو باتیب اونو جانبازیازدیراسان

بیر اوغلان اوشاغی گلمیشدی ددمنن ننه می آلت اوست گورموشم

بیر موعتاد گلمیشدی آقای ایریئس بیرآز پول وئره سن آپارام کندیمیزده فاقیر بئچارایا پایلایام

بیری گلمیشدی کوپه میزین بوینونا چللک گیریب 123 ایزنگ ویراسان گلیب چیخاردالار

بیلارا باشیم قال اولاندااااااااا بیر یول آییلدیم گوردوم آی ددم وای جاماهاتین ایاق یولوقویوسو داشیب اولکه نی ائی قوخوگوتوروب باخخخخخخخ

اوردان بیلیرم کی بو ارککدی

یازار : قالایچی مورتوض | بؤلوم :

+0 به یه ن

قالایچی مورتوض دئییر عسکرلیکده شر شوم اولدوقوما گوره منه

مورخصتچیلیک زاد وئرمیردیلر؛هامی یولداشلاریم دونه دونه ائولرینه

گئدیب گلنده منیم آداقلیما دئیین سوزلریم اوره ییمده قالیردی؛

بیرگون قارا مفتیللر آرخاسیندان سرحدی قویاریاراق آفدامات

چئینیمده دولاناندا شیر علی اوف آدیندابیر قرار گاه ایریسیمیز گلیب

بیلمه باش چکرک کئفیمی سوروشاندااا؛چوخ کدرله دئدیم نئجه

اولاجاغام هاممیا مورخصچیلیک وئریب ائولرینه یوللورسان من

قالیرامدااااااااااا؛گوله گوله دئدی اوز زامان سنه مورخصتچیلیک

وئره جه ییمکی بیر ارکک قاریشقا توتوب منه گتیرسن؛اوگوندن

ائله ایشیم طییییی کبریت قوطوسو الیمده داغ دره نی گزیرم

کی بیر ارکک آت قاریشقاسی تاپیم؛ اوچ دوردون تاپیب گتیرنده

بهانه چیخاردیب دئدی کی یوخ جانیماولماز بیزهاردان بیلک بو

گتیردیگین قاریشقا ارککدی باخ؛دیشیم بیربیرینه

قیسیم چوله چیخاندا دئدیم خوب سنه دئییرم ؛نئچه گوندن سونرا

یئنی بیر آت قاریشقاسینی تاپیب کبریت قوتوسوندا جناب شیرعلی نین

میزینین اوسدونه احترامات قویارکن جاواب گوزله ینده بیر آز

قاریشقایا باخیب لاپدان دوندی بیلمه کی یوخ آقا بوداااا ارکک دئییر؛

او دددده دلیگیمین گورونا آند ایچه ایچه دئدیم بابام بو ارککدی؛

ایرئیس سوروشانداکی هاردان بیلیرسن دئدیم جناب شیرعلی

معللیم من شوقریبی قووالاغا سالاندا دئدیم آی بیلا واریث قاشمااا

باخخخخ سنی آپارسام جناب شیرعلی بیزه فرهنگستان زبان

وئره جک وئره جک؛ دوندی بیلمه کی جناب شیرعلی منیم

................ییئه جک

من اوزومو هرا سورتوم..........

یازار : قالایچی مورتوض | بؤلوم :

+0 به یه ن

بیرگون ائوده نوه نتیجه نی باشیما ییغیب دئییه گوله دانیشیردیک لاپدان اوشاقلارین بیری سووال وئردی کی آی قوجا بابا بیزیم دوشمانلاریمیزکیمدیر

بیربه بیر ایاق بارماقلاریمنان باشلادیم ساییماغا

دوشمانلاریمیزباخ باخ آذاربایجاندیر تورکیه دیرآذاربایجاندیر اینگلیس دو آذاربایجاندیر فیرانسادو آذاربایجاندیر امیرکه دو آذاربایجاندی کانادادوآذاربایجاندی ایسیرافیلدو آذاربایجاندی آلماندو آذاربایجاندی ایسپانیادو آذاربایجاندی دوکتور جئری دو آذاربایجاندی کئفلی ایسکندردو آذاربایجاندی کل اوغلاندو آذاربایجاندو قدرت معللیمدیر

سوزلریمی پارادا قویان او بیری نوه م خبر آلدی کی بس دوسلاریمیز کیمدیر

یئنه ده باشلادیم ایاق بارماقلاریمدان ساییماغا بیر باشدان

دوسلاریمیز ائرمنستان دو لوبناندی ائرمنستاندی فلسطیندی ائرمنستاندی عراقدی ائرمنستاندی سوریه دو ائرمنساتاندی یمنی دی ائرمنستاندی نیجریه دی یوخ ائله نمنه تور توکوندی وار دوسلاریمیزدیر

سوزومون یاپ ائله شیرین یئرینده ائو آدامی خویلو خانین سوزومون آراسینا گیریب دئدی اوروسیه تینن چایینادا دوسلاریمیزدیرداااا

بیر آز ایسده دیم ایضاحات وئرم کی بابام دوکتور جئری خاریجه ده تحصیل آلیب کئفلی ایسکندرده بوعزیزگونلرده چاخیر ایچیر قدرت معللیمده خارجی لاس تیوه لرینن ال بیر اولوب ترس آوا کندینده باش وئرن اورت باسدیرخبرلری یازیب اونلارا ایشله ییر جانیم سیزی اوچون دئییسین اوروسییت ویاخود چایینادا بیزیم نویودوموزه زاددا گوز تیکیبلردئیینده

آرواد ایکی اللی باشیما قارییب دئدی سن ائله اوولدن اتی آجی سان اتی آجی

نوه لرگولوشنده اوسدومه توکولوب نییا بئله اتی آجیسان دئییه باش گوزمو یولاندااااااااا شالواریمین لیفه سینن برتدن توتوب گوجونن جانیمی قوتاردیم.......................

ایندی سیز بویورون گورک من اوزومو هارا سوروتوم اتیم شیرینله سین باخخخخخ

ایشله یه نه ایش اولار بابام

یازار : قالایچی مورتوض | بؤلوم :

+0 به یه ن

اوجور کی بیلیرسیز بیز ائله کددیگن ترس آوادان کوچوب گلیب

باش کندین اته یینده چلک آواوادا یاشاییریق؛ کدده اکینه جک مال

ومولکوموز اولماغینا باخمایاراق بیرادا کوهنه چیلیک ائله ییب

ائویمیزده اولماسا باشا بیردنه داشکامیزا وار ؛ یوز ائولی

ترس آوالی یئنی سالینان چلک آوادا قورو چورکدن توتموش

ها بئله شامپو قالیقلارینا قدر زیر زیبیل ایچینده تاپیب چوره ییمیزی

چیخاردیردیق؛تانری چارداقلارین اوچوران کیمین بو کاددا ایسلامین

دوشمانلاری اولکه نی تحریمات ائله ییب دولتیمیز گوته اوتوردانان

سونرا دای چوله زیر زیبیل قویان یوخدو جاماهات خیرداچوره ییده

ایسلادیب علاوه دن یئییرلر؛چوخلو بیکار قالیب ایشیچین دولاناندا

سونرا بیر گون هامیلیغان ییغیشیب بیر یئکه پرده یازدیریب

قاباقجاکی بیزده ایش ایسده ییریک دِئییه باش کند شیخ آقاسی نین

قوللوغونا یوللاندیق؛قصر موبارکین قاباغیندا بیرآز شوعار زاد

سسلندیرندن سونرا سونراشیخ آقا جانابلاری بیزی ایچری توپلاییب

چوخلو ایرشادات شرعی دن سونرا بئله امیر بویوردکی ایسلام اولکه

سینده قویماریق ایشیسیز قالیب بئله گوستریش وئردیگی یئنی گلیر

یئرلری آچمیشیق هر کیمسه کونوللودوسه آد یازدیریب یاخجی

ماییش الده ائلییه سیز؛

جانینا قوربان اولدووغوم هاممی نین خودون آلاندان سونرا آرتیردی کی

هرکیمسه آد یازدیریب آفریقا نیجریه اولکه لرینده شییه لیک ائله ییب

باش گوزونه دویه بیلسه آی باشی ایئرمی مین میلیون آلاجاق

هرکیمسه فلسطین غزه دویوشونه توپ توفنگ سوروساتی

قاچاق ائله یه بیلسه آیدا اون بئش میلیون آلاجاق

هرکیمسه لوبنانا آذوقه ارزاق داشییا بیلسه آییلیق اون میلیون آلاجاق

هر کیمسه سوریه ده آدام اولدوره بیلسه هر آیینا بئش میلیون آلاجاق

آنجاق یمن دویوشونه گئدن اولسا آییلیق اوچ میلیون آلاجاق

عاراقدا قارداش اولکه اولاراق یاپ ائله قولاغیمیزین دیبینده هر کیمسه

اونلارین آشینا سو قاتا بیلسه آییدا ایکی میلیون یاریم آلاجاق دئییب

قوتاران کیمین قاباق صفده دایانین کئفلی ایسکندر شوعارلار

سسلندیرنده بیزده جاماهات اولاراق سسه قوشولوب شیخ آقانین

بویورقلارین تسلیق ائلییرک

هاممی توکوله توکول آد یازدیرانا من اجیز آوارالیقیمنان دست آلات

ائله ییب آد یازدیرا بیلمه ینده هاممی اللری دوشونده شیخ آقانین

قاباغیندا دور دوممال ائله ییب الله سنی بیزه چوخ گورمه سین دئییه

چوله چیخانداااااااا منده یئرییب قاباغا موبارک الیندن اوپنده دئدیم

حاجی آقا بس منی هارا یازدین؛سول یانیندا اوتورانین قولاغینا بیر سوز

دئییب منی ده یولا سالدی

ایکی گون اوندان سونرا بیرگون ایش پالتاریم قولتوغومدا فهله میدانیندا

دورموشدوم؛بیر نفر گلیب منی ایشه آپاراندا سوروشدوم آی آقا نه ایش

گوره جه ییم آخیییییی

دئدی هیچ ائله بیزیم بو حاجی دوردونجو دونه مککه یه آد یازدیرمیشدی

بو ایل قویمادیلار گئده؛ اودور کی بتر قاشینماغا دوشوب سن بوگون یوز

مین آلیب اونون گوتون قاشییاجاقسان بیرده علاوه ائله دی کی اگر

یاخجی قاشییا بیلسن کوچه میزده اوچ دورد قاشینان حاجی دا وار

دئییرم موسلمانچیلیقدی سیزین کوچه دده قایشینیب ائله یین اولسا

کیلفتدارام ها...................

[ 1 ][ 2 ][ 3 ][ 4 ][ 5 ][ 6 ][ 7 ]

او گون ائششه گینن بازار ایچی گئدیردیم؛

ایکی تات ننه سی نین اوغلو اولاغین بوینون قوجاقلاییب قاباغیبمی کسنده؛

بیری ساغ طرفدن ایکی بارماغین قالدیریب جوت توتاراق ایشاره ائله دی سیگاراتین وار

جانیمین شریندن بیر پاپوروز وئریب ایرد اولانداااااااااا

او بیریسی سول طرفدن یاپیشدی ائششه یه که آی عمی ساتیرسان؛

دئدیم پالانی یا ائششه یی؛

گولوشوب دئدیلر ؛دئدیلر ائششه یی؛جانیم ائششه یی

اوزون قولاغا چوش دئییب تور سوزو باشین چئویردیم قارداش اولکه اورسیته ساری؛

دئدیم اولاغی یوخ امما پالانی ساتیرام

سوزلریم خوشلارینا گلن کیمین بیری علاوه دن سوروشدی عمی ایش پئشه ن ندیر

آرتیردیم کی بیز ائله یئییرمی دورد آرخا دده بابادان دئییرمانچی اولموشوق

بیر آز منی دانیشیقا توتوب باشیمی قاتاندان سونرا گوردوم

بیری او بیری یولداشین دومسوکله ییب علاوه دن گولوشه گولوشه ؛

گوزینن اوجوینان پالانی گوستره گوستره اونا ایشاره ائلییرکی ریضا پالانی ریضا پالانی؛

لاپدان های باسدیم اوستلرینه کی اَئیه نه ریضا پالانی؟

اوزومو ائششه یین اوستونده ییغیشیدیریب برک اوتوردوم کی؛

بو آثار تاریخینی الیمنن آلماسینلار؛

اوزبه اوز توکانچی سوزلریمیزی ائشیدن کیمین؛

گلیب قاباغا بیرآز وچوخ وراندازلایاندان پالانین قاشیندا تاج شکلی اولماغینا

گوره کارشیناسلیق ائله دی کی بو اثر تاریخی اوچونجو یزد گرد شاهین دوره سیندن قالیب ..................

بلاگا گؤره

بؤلوم لر

سون یازیلار

باغلانتی لار

یولداش لار

آرشیو

آچارسؤزلر

سایغاج

^{او گون ائششه گینن بازار ایچی گئدیردیم؛}

^{ایکی تات}^{ننه سی نین اوغلو اولاغین بوینون قوجاقلاییب قاباغیبمی کسنده؛}

^{بیری ساغ طرفدن ایکی بارماغین قالدیریب جوت توتاراق ایشاره ائله دی سیگاراتین وار}

^{جانیمین شریندن بیر پاپوروز وئریب ایرد اولانداااااااااا}

^{او بیریسی سول طرفدن یاپیشدی ائششه یه که آی عمی ساتیرسان؛}

^{دئدیم پالانی یا ائششه یی؛}

^{گولوشوب دئدیلر ؛دئدیلر ائششه یی؛جانیم ائششه یی}

^{اوزون قولاغا چوش دئییب تور سوزو باشین چئویردیم قارداش اولکه اورسیته ساری؛}

^{دئدیم اولاغی یوخ امما پالانی ساتیرام}

^{سوزلریم خوشلارینا گلن کیمین بیری علاوه دن سوروشدی عمی ایش پئشه ن ندیر}

^{آرتیردیم کی بیز ائله یئییرمی دورد آرخا دده بابادان دئییرمانچی اولموشوق}

^{بیر آز منی دانیشیقا توتوب باشیمی قاتاندان سونرا گوردوم}

^{بیری او بیری یولداشین دومسوکله ییب علاوه}^{دن گولوشه گولوشه ؛}

^{گوزینن اوجوینان پالانی گوستره گوستره اونا ایشاره ائلییرکی ریضا پالانی ریضا پالانی؛}

^{لاپدان های باسدیم اوستلرینه کی اَئیه نه ریضا پالانی؟}

^{اوزومو ائششه یین اوستونده ییغیشیدیریب برک اوتوردوم کی؛}

^{بو آثار تاریخینی الیمنن آلماسینلار؛}

^{اوزبه اوز توکانچی سوزلریمیزی ائشیدن کیمین؛}

^{گلیب قاباغا بیرآز وچوخ وراندازلایاندان پالانین قاشیندا تاج شکلی اولماغینا}

^{گوره کارشیناسلیق ائله دی کی بو اثر تاریخی اوچونجو یزد گرد شاهین دوره سیندن قالیب ..................}