تونقال

هن بابام دده دلیگیم
 بیزیم بو شیخ آقانی دئییرم ایییییی
الله ساخلامیش چوخ شیرین آدامدی
دئییر اوول ایقیلابدی
منده کمتیه نین باش ایریسی اولدوغوما گوره بیر اننی ته یر ماشینی بیلمه وئرییلر.ایش واقتدی بیزدن یی اولانلاری دوئیشدیرب لاپدان واقت تاپاندا شهره چیخیب فیرلانیرام .علاوه ائلیر دی کی گونلرین بیرینده خیاواناندا گئدنده بیر دیرناغی رگلی ال قوزادی؛ میندیریب یولوما داوام ائله یینده گوردوم جاماهات طییییی منه  باخیر .بیر آز فیکیرله شنن سونرا ماخلوق شک ائله مه سین گئدیب نه نه میده ائودن گوتوردوم .هارا گئتمه ییمی وارا وورد ائله یینده ماشینین آغزین چئویریب شهردن قیراخدا اولان دوستومون باغینا ساری قازلادیم.باغی قاپیسینا ییتیشنده بیر ایکی بوغ ویراناندا سونرا باغبان قاپینی آچیب ایچری گئچنده یانیمداکی گوده چه نی گورنده ائییلیب قولاغیما دئدی......... من هه دئیینده ؛ الینده کی بئلی قالخیزیب باغین اته ینده بیر خارابا دام اولدوغون نشان وئرن کیمین بیزی یان با یان یولا سالدی ؛بیزده ایکیمیز اوت یونجا وزله یه وزله یه باغی آشاغی یوخاری ائله ییب ساهات یاریم سونرا هیچ ایش گور مه دن قاییدیب ماشینین یانینا گلنده ؛باغ قورویان منه قاش گوزه ائله دی کی بیر ایش گوره بیلدین . دیل دوداقیمی گمیریب یانیما ساللادیقیم الیمین اوجوینان اشاره ائله دیم کی یوخ اییییییییییی
چکیلیب دالی دالی ایکی الینن بیلمه بیر دادلی قاراپبا چئویرنده گوزونون اوجوینان نه نه نی گوستریب دئدی سن گلینجه من بو قارینی ایکی یول......... قول قاناتی سینان قاراقوش کیمین نه نه نی میندیریب ائوه چاتیب اندیرنده؛ گوردوم دوعا سانا ائله ییب دئییر. شیخ آقا قادان آلیم منه خوش گئچدی بئله یئرلره گئدنده نه نه وی اونوتما بالااااااااااااااااااااااا

هر ایل اولدوقو کیمین بو ایلده کندین بیلاغی دونوب شوش بوز اولموشدی؛سو چرشنبه سینده سودان آتیلیب باختی آچیلان گنج لر بایراما قاباق داها ویرنیخیردیلار کی نئجور نه طهر بوزو اریدیب بو ایل باخت آچیلماق عنعنه سینن دالا قالماسینلار؛امما گئج لرین ایچینده یئدی سگیز آی قاباق حییات یولداشین  الدن وئرن ایمان وئردی دایی دا واریدی کی ینی آرواد آلماقا جان آتیردی؛ بئش آلتی آق ساققال مچیدین قاباغینا ییغیشیب اوزلرین گونه  وئرنده  ایمان وئردی یئره گویه یامان یووز دئییردی کی بو ایلده دئییَسن بیلاغین بوزو اری مییه یجک؛سول یانیندا اوتوران الی عصالی گوزو عینکلی کابلا میر آلی سوزدن سوز سئچرک بیر الین ایمان وئردی دایی نین دیزی اوسده قویوب او بیری الینن چلیگین اوجون قالخیزیب قارشی داکی داغی گوستررک دئییردی اشی نای اومود اولما بوزدا سینار؛بیز اوغلان اوشاقلاریدا اوز ایسده دیگیمیز قیزلاری گوز آلتی ساخلاییب ؛المه پیره ییخینتی دوشوردوک کی چرشنبه آخشامینا بیلاغین بوزو اریسین؛یئل چرشنبه سینن توتموش توپراق چرشنبه سی اوت چرشنبه سی دئییه سو چرشنبه سی نی صبیرسیزلیگینن گوزله ییردیک؛سو قه چی لمه مراسیمینه بیر گون قالمیش آخشام چاغی ایمان وئردی دایی اوشاقلاری ییغیب قازما کولوگونن بوزو سیندیراندا کندین جاماهاتی گئجه ینن بیلاغا ایسدی سو توکه توکه الله ایماما یالواریردیلارکی  بوز ارییب تاباقی قولتوغوندا قالان ایمان وئردی کیشی نین باختی آچیلسین؛منده کی بیلیرسیزداااا نئچه واقتدی ایرحمتدیک علی کیشی نین  آروادی ماچان خالایانان یاتیرام ؛گئجه نی فیکیر خیالینان گئچیرمه ییمه باخمیاراق صوب اوول واقت اوزومو بیلاغا وئرنده گوردوم دلیک داش پیرینین موجوزه سیندن  گئجه اسن گرمیج بوزو سیندیریب؛ اون دورد آیلیق دانا کیمین طططططط به بایاق گوتورلدوم ائوه کی آی ماچان خالا آی ماچان خالا تحریملر سینیب ؛سحر قار انلیقیندا یوخودان تومانچاق دوران ماچان خالا تندیرین قیراغیندا چورک یاپا یاپا اوزون چئویریب منه تومانینان اوزون یئله ینده گوردوم دئییرکی قالایچی مورتوض بالاموشتلوغون بورج اولسون................ 

بیزیم بو قایین آتا بئش آلتی ایل بلدییه ایداره سی نین یان شویبه صدیر معاونی  اولماقینا گوره الله اوزونه خییر ائله سین اولدوقجا ثیروتی وار؛من بونلارینان ال اله سورتننن ائله بیر قارا چوخا کیمین قایین آتانین قوللوقوندا اولوب حاجی خانیمین ایشین گورورم؛ اوزوده کی ائله اوولدن خان سارایی کیمین بافیر مانقال هممشه چاغدیر؛من چکیم ائلرم هاااااااا هردن آتارام ؛قارا قزیلین(تیرگه یین)زاددیندا اوزوم آلارام هئله هیچ ال ایاقی تیترمه ینه گوره بافیریندا توتارام؛اوزوده کی یازیقین مین قاداسی(دردی)دئییب بیربیرینه نه بیلیم قاباقلار دئدیلر گوزونه آق سو گلیب آپاریب باش کدده گوزونه قارا سو دامیزدیردیق؛بیر زامان دئدیلر دالاقی شیشیب؛ اونودا قارا بازاردان نه بیلیم بیر اوش مرتبه ائو پولو وئریب آلاندان سونرا دوکتورلر مین نوصیبتینن قارنین سوکوب یامادیلاریئرینه ؛بیر ایکی ایلدن سونرا خیردا ایاق یولونا گئده بیلمه دیگینه گوره چوخلو بیرا اورا سورویندن سونرا آنالیزده گورسه دیکی بوءره گی خاراب اولوب ؛بیردان اوردان دللال سالدیق کی نه بیلیم بوءرگی آغیر پولا آلیریق؛ اونودا الله یئتیرن کیمین بیر نفر قیزینا جییز آلماقا پولو یوخودو اون دوققوز میلیون آبیش دوللارینا تک بوءریگین آلیب قطه سین عوضله دیک؛ اوچ دورد ایلی دی یاخجیلاشمیشدی ؛تئزه لیکده تیرگه یین اوجو باتینان اوزوزدن ایراق بویوگ چوله گئده بیلمیر؛ایاق یولونا گئدنده یازیق اوچ دورد ساهات اوتوروب طییییییی گوج وئریر؛داخیله  خارجه دوکتورلرین دولاندیراندان سونرا بئله مصلحت گوردولرکی قایین آتانین دال دسگاهی عوض اولمالیدی؛هر یئردن الی اوزولن آدام کیمین؛ ترس آوادکندی نین در دووارینان توتموش قالاقلارینا کیمین یازیب ویرمیشیق کی الله ها گوره بیر ناماز قیلان خوش دست گوت اهدا ائله یین اولسایدی بو قاباق کی ایزحمت کش مومن  وموسلمان دولت آدامی نین بویوک ایاق یولو مسله سینده آرادان قالدیراردیق..........................


باخیشلار

قالامیرزه

سالاملار قالایچی مورتوض

منیم آدیم قالامیرزه دیر قونشو کددن  ایزنگ آچیرام سیزین اعلانیه نی وایبرده گوردوم دئییرم باخخ بیردا یاخچی باسابیقه آفدافا گوتورنلر تاپیمیشام ؛ بیر به بیرآدلارین صادالایاندا ؛ محمد مُرثی ؛ زین العابدین بن علی؛ نورعلی مالکی . بشار اسدین آدین گتیرنده تلفونی قطع ائلییه ائلییه قیشقیریب باشینا دئدیم
اولان کس سسیوی؛بیزی تهاجوم فرهنگی یه معروض قویماباخخخخ ائله اوز اولکه میزده اونلاردان خوش سابیقه لری ....... الله هَکبرهاااااااااا

گرگرلی آراز


سلاملار قالایچی مورتوض جنابلاری
اوزوزو یورمایین بو زمانه ده تاپیلماز قالیب شانسیزا !

دوکتور جئری

خوش گؤردوک
بیزیم قونشولوغوموزدا هاشم آغا آدلی بیر مؤمون- متعهد بیر کیشی یاشاییر، بو یاخینلاردا اوغلونو ائولندیره‌جک، پول لازیمیدی، بانکا بورجلودور... دئدیگینیز دؤولت آدامینا گ.. وئره بیلر. آنجاق بیر شئی بو آرادا منیم آغزیمی أییب.. اودا بودور کی بو آغا اینیش ایل مکه‌یه گئدیب.

قدرت


سلام
حؤرمتلی قالایچی مورتوض جنابلاری

چوخ گؤزه ل ایدی. بیزیم اؤلکه ده هر ذات وار، فقط دوز دانیشماق یوخدور!

ساغ اولون

کل اوغلان

سالاملار.گؤلملی وگؤزلدی . من ده دئییرم آختارماقارداش اوشی کی سیزی ایسته ییر سیز تاپیلماز
عبیدزاکانی در400ایل بوندان قاباق دئییب :
کون درستی نیافتم دردهر
که مرا  وا  رهاندازغم قرض !
یاشاسین

هاماش

سالاملار دایی
دایی باشیوا دولانیم دئمه لی یاغلی پیلوو ی ایسته میرسن الدن وئره سن هئی قاین آتاوا قطه ده ییشیرسن باخخ.آنجاق بو سفر نه دئییم والله بو دال دستگاهی او اؤره ک عملیندن چنتیندیر. گؤزوم سو ایشمیر کیشی بو ایشدن ساغ قورتولا. یئنه ده آماندی چوخ دیققت ائله کیشی یه عومرینین آخیریندا چوخ باغیشلا هااا مفعول گوت باغلاتدیرما. بو سفر او دردی دوزه لیب بو دردی باشلارخخ

درگاهی


سلام
حؤرمتلی قالایچی مورتوض جنابلاری دئییرم چوخ چتین بیر ایشه قالمیسان باخ گرک گؤزلییه سیز بیر نفر دونیاسین دئییشن دن سونرا ..
اونو دا آراشدیرا سیز بوآدام نجورآدامیدی آیا مؤمن آدامیدی ؟یوخسا تهارت فلان آلمیردی ...
منظور باشیزا بؤرک گئچمه سین عاییق اولماق لازیمدی

مهبالی گیل قونشو کددن یاشاماقلارینا باخمایاراق آتاسی اولندن سونرا بیزیم کددی حاجی ایرجبه ائو اوغلوگلمیشدی
حاجی رجب ده اورت باسدیر ماحالی نین آدلیم هانپاسی اولاراق دوره برده ساییلیب سئچیلنمه یی بیر یانا ؛امما در دونیادا تکجه گوزونون آغی قاراسی مهپارا آدلی قیزی اولان هانپا ساغلیقیندا یئدی آق ساققال الینن وصییت نصییت ائلیر کی من اولندن سونرا قیزیمینان مهبالی ائوله نیب وار دولتیمه یی یه دورسونلار اجل واقتدی گلیب باشین یئره قویان هانپانین ائله دیگی وصییت یئرین آلیب مهپاراخانیمنان مهبالی کیشی ائوله نیرلر؛ناز نئمت ایچینده عومورسورن گنجلرین یاشلاری اوتدوکجه اولادلاری اولمایاندا گئده گئده آغیزلارینین شیرینلیگی آجی که کیره یه دونوب اوتوز ایل بیرلیکده یاشایاندان سونرا نه بیلیم آرالاریندا شر شبئ قوپان کیمین ایشلری محکمه یه دوشوب مهپارا خانیم ارینن بوشانیر ؛آرواد بوشاناندان سونرا مهبالی کیشی اوتوز ایل عومرون هدره وئرمه یینه  باخمایاراق وار ثیروتی بوشلاییب ائودن چیخیر اوزون واقتلاریدی هاردا ایشله ییب گئجه لر هاردا قالماقی هیچ کیمه بللی دئییردی ؛اوگونلرین جوم آخشامی قبیر اوسده اهل قوبول فاتحه سینده گلنده مهبالی کیشی نی گوردوم دالیندا بیرصاندیق  قبرستاننان چیخیر امما ائله بیل آغلاییب گوز باشی شیشن آداما اوخشوردی؛ ماشینی ساخلاییب کئف احوال ائله ییب آییریلاندا ائو آدامینان سوروشدوم کی آی آرواد خییر اولا مهبالی نین کی بو قبیرستاندا اولوسو یوخدو ؛آرواد دیزینه ویریب دئدی خییر باشیووا نه اولاجاق دالیندا کی صاندیقی گوردون

دئدیم هه گوردوم

علاوه ائله دی کی آروادی بوشانناندان بیر دنه تاخدان قبیر اوخشار صاندیق دوزلدیب اوستونه ده یازیب مرحومه مهپارا ایرجب قیزی جوم آخشامیلاری گتیریب قبیرستانداقویوب دویونجا آغلایاندان سونرا آلیر دالینا آپاریر؛
آرواد تعجوبلنمه یی گورنده داوام ائله دی هئله هاراسین گوروبسن ائودن دیدرگین اولالی گئجه لرده او تابوتون ایچینده یاتیرباخخخخخخ




 

هر کیمسه نین چوره یی داشدان چیخیرسا بیزیم چوره ییمیز دنیزدن چیخیردی
هر ایل اولدوقو کیمین بو ایلده لوسمان حمداله اربابدان پیش پول آلاراق آتامی دنیز قیراغی پَرَه ده آشباز شه ییرد یازدیرمیشدی اکینه جه یین ال ایاقین یئغییب پاییزین گیره جه ینده؛ آتامدا یوز اون بئش نفر فهله پره چی له بیرگه شله کوله وارین برکیدیب قارشیداکی قارلی قادالی داغلاری آشماق ایسده ییردیلر؛ال اله قول قولا وئرن کروان باشی گئدیکجه یورولوب دالا قالانلاری شله سین آت قاطیرا چاتیب خسته لیکدن گئچینیب داغدا اولنلری یول اوزونو مئشه توپراقلارینا آمانات تاپیشیریب یوبانمایاق دئییه یولا داوام ائلیردیلر آلتی یئدی گون پیادایول گئدیب اَمنَن دوشن فهله یورولماقلارینا باخمایاراق اوز دوشدوکلری ایش یئرلرینده نه بیلیم آلاچیق دوزلدیب یاشاماق یئری راهلامالیدی ؛آتام ینی یئتمه گنج اولدوقونا گوره گئچن ایللر آشباز شه ییردیک ائله ییب هردنده اوغورلانیب کله جیده آواری چکنده ؛قیسسا بوی اولدوق اوچون  الی پالانایا چاتمایاندا لوسمان بیله سینی هَدَه له ییب گئری قایتاریردی ؛آناسی نین خسته اولدوقونا گوره آشباز شه ییردیگینن چیخاردیقی ماییش عایله خرجینی اوده یه بیلمه ین آتام پره باشجیلارینا یالوار یاخار ائلیردی کی من آشباز شه ییرد یوخ بلکه دنیز گئتمک ایسده ییرم؛آخی بیلیرسیزکله جی له دنیز گئدن فهله نین ماییشی نئچه قات قیراخدا ایشله ینلردن چوخ اولوردو؛پیش مالا آتامین دایام دیره مین گورنده پره باشچیلارین راضی سالماقینان آتامی کله جیده باش آواری چکن تایینات ائله ینده دنیزده  کرم سوفراسینی آچیب توکولن تور آغیز بوغوز دولو گلیردی؛ بیر نئچه ایل بئله ایشی اوغورولا قاباغان گئدن آتام یاواش یاواش دیللره دوشوب آدینا دنیز آسلانی دئیردیلر ؛بیر دونه ایلده رحمسیز فئودال پره باشچیلاری اوز ایشلرینین خیرینه قیشین اوغلان واقتدی کی دنیزین باش قالدیران طلاطمولی دالغالاری قیزمیش یالقوزک کیمین ساحیله یوروش آپاریرمیش؛بیر گون گئجه یاریسی کارگر فهله نی اویادیب علاوه دن دنیزه یولایاندا ایللر بویی قودوز دالغلارالا دویوشن دنیز آسلانی یولداشلاری لا بیر گه بو سفر کی اجل توروندان قوتارانماییب قدار فیرتینالار گمیسی نی چئویرنده قارنی بورونوندا حیات یولداشی نان خسته آناسی نین گوزون یولدا قویان آتام خزر دنیزبویدا اوزونه مزار سئچمیشدی؛داها دوغروسو من حیاتا گوز آچیب اوزمو تانییاندان چولده تای توشلاریم بیلمه ساتاشیب آتاسیز اولدوقومو باشیما چالاندا آناما سووال وئریب آتامدان سوروشاندا؛ گوزلری دولا دولا بئله بیر بایات ایلا بویومو اوخشاردی

ائگید اوغلان قیلینج گوتور آتامین
قارلی داغلار آچدیقیجا یاتا مین
کیم لیگینی سوراشانا بئله دِء
خزر بویدا مزاری وار آتامین

گونشلی نئفت گاز یاتاقیندا حییاتین ایتیرن دیلداشلاریمین عایله سینه باش سالیقی یازدیم

1-پره--دنیز قیراغیندا تورچولوق (بالیق توتماق)دم دسگاهی دئمکدیر
2-آواری --پارو دئمکدیر
3-باش آواری-- گمی نین باش سوروجوسو(ناخدا) دئمکدیر
4-پالانی--کله جیده باش آواری چکه نین دوردوقو یئری دئمکدیر
5-لوسمان--یوز نفرلیک بو ایش تشکلات گوروپون باشجیسی دئمکدیر دنیز گئتمک ایشینده تجربه صاحابی اولمالیدیر
6-پیش مالا--لوسمانین یاردیمجی سی(معاونی) دئمکدیر
5-قارنی بورنوندا--بویلو و حامیله قادین دئمکدیر

بیزیم بو کابی
کابی کیمدی اشی دده می دئییرمداااااااا
 ایرحمتدیک کابلا احد هممشه بیزی قویوب قاباغینادانلاردی کی قوروم قونشویا دالاشیب باغ باغاتین کورلامایاق؛منده ائله آداما اوخشار اولدوقوما گوره هردن اوشاقلارا تاپشیریق وئریرم کی آی بالا ایسلام اولکه سینده یاشاماقیمیزا باخمیاراق قانونان کانار ایشلر گورمه یین ؛لاپدان گوردوز یوخاریدان امیر گلدی سور دره یه سوریه دره ییدا؛بیزیمده بی ادبیچیلیکدی قولقوزدا بو اورتانجیل اوغلان اوز دایی لارینا چکه رک من یاخجییام هااااااا ایمان حاققی اینانمیرسیز شیخ آقانین اوچونجو سیغه سی آت اوسده (آتوسا)خانیمنان خبر آلین هردن هردن مامورا زادا دولاشیب دونه دونه ایشلری عدلییه ایداره سینه دوشر؛اوگون ینه ده پاسگاهدان ایزنگ آچدیلار اوغلانین الیندن نه بیلیم قلییان زاد توتوبلار ظولم شاخسی نن سند قویوب ائوه گتیرنده عایله یئغییب بیله سینی دانلایاراق اویود وئریردیم کی آی بالاسیزه دئمه میشم قانونان کانار ایشلری گورمه یین ؛گئده نی آرتیق قیسقانجا قویان کیمین لاپدان قایتدی اوزومه کی آی آتا باغیشلاهاااااااااااا آدام قانونان کانار ایشلر گورسه نه اولار باخخخخخخخ ؛دئدیم نه اولاجاق بیرینجی سی بودور کی آتاوی مال میدانی نین ایریسی لیگینن چیخاردیب ترس آوا کندینی تحریمات د اشینا باساللار  ؛ایکینجیسی بودورکی دانامیز بورولمامیش قالیب نئفتی ساتاریق پولون آلا بیلمه ریک؛اوچونجوسو بودور کی اولاغیمیزی ناللامازلارهئله هیچ قار ننه نن خبرگان مجلیسینه کاندید ماندید یازیلساق کوهنه قویوسونا کوسسویئریدیب بیله میزه قارا یاخارلار؛دوردونجوسو بودور قوروم قونشو ایچینده بیر آبیر اولوب موققدس اینقلابیمیزی باغیشلایین چاشدیم طیرررررررررررررگه ییمیزی شوشه قاریشیق کیلو کیلو صادیرائلییه بیلمریک ؛علاوه دن سوروشاندا کی داها نه اولا بیلر  عصبله شیب اوسدونه جومانداااااااااوجا سسینن دئدیم نه اولاجاق آدامی یاخالاییب زیندانا سالاندا آروادی گئدر............... قارشیمدا اوتوران ینی یئتمه قیز نوه م اللرین اوزونه قویوب دیقتینن دده بالا دانیشماقیمیزا قولاق آساندا لاپدان سوزه گلیب دئدی آتااااااااااااا بس قانونو یازیب اجرا ائله مه ینلری آروادی...................

گئچن هفته سفرده اولدوغوما گوره تونقال یازیسین تئزه له یه بیلمه دییمه گوره حورمتلی یولداشلاریمنان عوذر ایسده ییر

میللی مجلیس سئچگی لری قاباغدا اولماقینا گوره بیزیمده بو اورت باسدیر ماحالی نین آق بیرچکلر شوراسی نین مصلحتینه گوره  ترس آواد کندینه بویوک ساییلان کئفلی ایسگندر ده آد یازدیرمیشدی ؛منده کی قالایچی مورتوض اولاراق خالام ارینین اینتخابات سیتادین باش مودوری اولاراق گون آشیری ایشلرین ایزله یینده او گونلری شورای موحترم نگهبان ورینن ایسماریش گلدی کی کئفلی ایسگندرین صلاحییتی گَن گوز اَلَکدن یوخ سیغبیردن ایرداولوب ؛جان بی نفس اوزومو محضر موبارکه یئتریب قیشقیر باغیر سالیب دئیینده کی نییا بیزیم آداممیزی  ایرد ائله یبسیز ؛منی خفییه ایداره سینه آپاریب بیر گورونتویه باخاندا بئله معلوم اولدوکی بیزیم بو باشی بوش هاماش باجی اوغلو حوضه نین دووارینا ایشییر؛بو ایشین آلتیندان قاچماق ایسده ینده حوضه نین دامیندا قوراشدیریلمیش آپارات هر شئی آچیق آیدین گورستررک کسیله کسیله قالان آداملارکیمین باش کندین اوجو بیجاغیندا گوز آلتی ساخلادیقیم به صاحاب یئرلر اولوچوبیچیسیزقالارکن اووی الیندن چیخان آدام کیمین ائوه قاییداندا قونشوموز قدرت معلیم ماشینی ساخلاییب بویور قالایچی .....اوتوروب یول گئدنده حالیم پوزوقون گوروب ندن به کئف سن سوراندا اولوب قالان سوزو آچیقلادیم؛ یول اوزونو الله کریم هیچ ایراحاند اولما اولمه میشیک دئییه ائوه چاتاندا خاریجه ده یاشایان آدامی کل اوغلان جانابلارینا ایزنگ آچیب بو ایشین رسانه ای اولماقین ایسده ینده تاپشیریق وئردی کی بو خبری تئزلیگین لاس تئوه تلویزیاسیندا یاییملانسین؛بیزده کند آراسی چوخلو قال ماقالدان سونرا بیر گون آخشام چاغی ائل طایفانی یئیغیب آشیق ابالفضل گیله بو ایشین نه اولاجاغین آواراندا هَرَه نین آغزیندان بیر آواز گلیردی؛ منده گلن دورد ایلین عرضینده چکدیگیم نقش لریمی بر باد وضعییتده گورنده هردن مجلیسی ساکیت لشدیریب هاماشین آتا آناسینا دانلاریاراق بیزیم ضررل زییانیمیزی کیم وئره جک دئییه های کوی سالیردیم ؛جاماهات بیر بیرینه دئیمه سین دئییه مجلیسین اورتاسیندان باشی چارقاتلی اوزو یاشماقلی ایسگندرمعلیمین ایکینجی حیات یولداشی دیللی دیلاورخالا خانیم ال قالدیریب قیشقیر باغیر سالمایین کی هر ایشین بیر یولو وار دئییه ؛سوندا بئله قرار وئریلدی کی هاماش باجی اوغلونون آتاسی یئدی باش  قوینوندان ساتیب پولونو سیتاد اینتخاباتین باش جسینا وئریب  قالایچی مورتوض دا کئفلی ایسگندرینن بیرگه شهرده پارت گوجونه دوکتورجئری یه پول باسیب بیر کاغیذ آلسینلار کی هاماش باجی اوغلودووارا ایشینده عاقلی هوش یئرینده اولماییب .منیم کی گوزوم ایچمیر .سیزجه گوره سن دوکتور جئری کاغیذ وئره جک 

الله اوله نیزه ایرحمت ائله سین او گون قونشوموزون اوغلونو حرم محافیظی دئییه سوریه دن شهید گتیرنده طیییییییی دوره بر کندین جاماهاتی یغیشیب ثاوابیندان دالا قالماسین بو تشکیل جنازه ده ایشتراک ائله میشدیلر؛ بولگه میزین موحترم  شیخ آقاسی شییه لیک حوکمونده اولوم اولدوررم فیوضاتیندان دانیشیب سوریه ده لوبناندا عئراقدا ویاخود یمن ده دویوشوب شهید اولان بالالاریمیزین بیر باشا جننت گئتمک لرین موشدولوق وئرنده منیم ساق طرفیمده دوران ناخونگچی حمدواله  شیخ آقانین سوزلریندن باشی قیزیشاراق لاپدان اللرین قالدیریب مرک بر صدام یزید کافر درود بر ایستالین شوعارلارین سسلندیرنده کندیمیزین شوراباشجیسی تئز یتشیب اونون الیندن یاپیشیب صفدن اوزاقلاشدیراراق گوردوم دیل دوداقین گمیره گمیره اونا دئییرکی آی جانیم نییا هوش ائلیرمیسن باخخخخ بو شهیدیمیز  سوریه ده حرم محافیظه تینده .... یوخ باغیشلایین چاشدیم بششار اسده گوره شهید اولوب.سوزو تای دئشیک باشا دوشن حمداله سوروشانداکی قاشقار اسدبیزیم نه ییمیزدی ؛

 اوز اوزومه گولوب اینشاعاتچی (مهمار) بشیرین سوزو یادیما دوشدی دئییردی آنامین طایفاسیندان اولان آهیل بیرکارگریم واریدی بتر ایشله ین امما چوخ دانیشیب داوا سالانیدی. هر فهله ایشه گتیریردیم بیر جور باشین قاتیب ایشدن ائلمه ینه باخمایاراق قوئالیردی . علاوه ائلیردی گونلرین بیرینده ینی باشلادیقیم ایش اوسدونه اوش دورد فهله قویوب آییری ایشه باش چکیب ناهارا یوخون قایداندا گوردوم .ایش قاباغا گئتمه ییب هئله هیچ بو فامیل فهله لری یغیب باشینا اوشون فیلیمی نین ناغیلین بونلار اوچون دانیشیر .عصبله شیب اوزاقدان های باسانداکی آی سنین اوشونوون .............فیلا فیلان ندن ایشی یاتیردیب سان .اوندا گوردوم هوندور بویلو فامیل بئلی گوتوروب جومدی اوسدومه کی اوز ننه باجیوی................ اوشاقلارین بیری آراچیلیق ائله ینده گوردوم قیزاریمیش پازی کیمین اونا دئیر ؛آخیییییی اوشون منیم نامیسیمدیر ؟

ایکینجی دونیا ساواشیندا ایرانا آخین ائله یین الله سیز روس لارین قوشونو بوتون بولگه لریمیزی آلیب یئرین توتان سونرا دئیشلره گوره اردبیل شهریندده بیر ساخلو(پادگان)قورارکن دل دوزائله یین قازاق لارهرگون کوچه لری سومسونرک گاهدان ائولره سوخولوب ماخلوقا اذییت آزار ائلیردیلر . گونلرین بیرینده ایکی گامیش بویلو قازاق ینی دن اوزلرین شهره ویریب کوچه لرین بیرینده  آچیق قاپیا سوخولاندا ائو آدامی نین قیشقیر باغیرینا باخمایاراق چوخلو آخداریشدان سونرا  ماطباخدا یاغ بارداقینین آغزین آچیب اوندان بیر ایکی بارماق گوتوروب یولا دوشنده ائوده بیر زاد اله گتیرمه دیگلرینه گوره روسجا یامان یووز دئییه دئییه. اوز یاتاق خانالارینا اوز توتورلار . آخشام ائوینه گلن عایله باشچیسی  ایشی بئله گورنده آقام ابالفضل سیزه قنیم اولسون دئییه بو حادیثه نی شهرین شیخ آقاسینا چاتدیریب اوندان بو یاغی نه ائلییه بیلرم جاوابین ایسته ینده شیخ آقا جانابلاری آمان وئرمه دن ایرساله نی واراقلاییب امیر وئریر کی بارداقین یاغینا اوروس الی دئیبسه نجیس اولدوقونا گوره اونو چوله بوشالتمالی و بارداقیدا سیندیریب یئره قویلامالیسان

.آی قدرت معلیم او تلوزیانی باغلادا ؛.........نمنه........... اونه بیر اخواریدی ......اورسییتدن قوناق گلیب .......باخ سن هممشه منی چاش باش سالیرسان نه دئییردیم یادیمنان چیخدیدا هن هن یادیما دوشدو

ناغیل بئله دیر کی بیر گون تولکو آچی با سوسوز دولانیردی الله یئتیرن کیمین بیر دوه اولسونه راست گلیر .آغیزینین سویی آخرکن اوچ دورد یول الله هین مئسللی چئویریب لئشی اینسی له یه اینسی له یه باشینا دولانارکن اوز اوزونه دئییر یاخچی دئییل من یئییم حیات یولداشیم قالا اودورکی قویروغون دوه نین قویروغونا باغلاییب اوچ دورد آردیم سورویندن سونرا دوه یوخودان دوروب یولونا داوام ائله ینده تولکو ده دوه نین قویروغوندا توءلانیردی.بیر نئچه گوندن سونرا چول ائششگی تولکونو بو وضعییتده گورنده آغزینان کوره یین قاشییب بیر نئچه دفه شیللاق آتاندان سونرا تولکودن سوروشو هه قارداش خیر اولا بئله دوه ینن ؛تولکوده سوزو آغزیندا اولانلار کیمین حاضیر جاوابلیق ائله ییب دئییر. نه اولاجاق تئزه لیکجه بویوکلری نن   *قودا اولموشوقداااااااااااااااااااااااااااااا

*قودا -تورکجه اوغلان طرفیندن گلین طایفاسینا اولان فامیللیگه دئیلیر

هر شهرین اوزونه باغلی بیر تاننمیش دلی یووسون آدامی زادی اولورسا بیزیمده اینقلابدان سونرا باش کند هنده ورینده سالینان بو شهرجیکده بیر قوجا قادین وار اوز داشقاسینان قاپی قونشونون زیبیل قوطولارین دولانارکن دمیر خیرخیرداسینان توتموش شامپو قالیقلارینا قدر یغیب گونده لیک مایشینی چیخاردیب عومور سوروردی؛ اوزون ایللر بو پئشده چالیشماقین باخمیاراق هردن هردن خالقین قاباغیندالوغالیق  ائله ییب بئش اون تومن آلاردی باشیندا نئچه قات کالایی بئلینده آل قورشاق ایاقیندا ازون بوتو اولان بو ایزحمت کش آنا بئله عومور گون سورمه گی هردن جاماهاتی حیرته گتیریب قیشین سویوقوندا یایین قیزمار گونلرینده ایشیندن ال چکمزدی؛ کوکو قایناقلی عایله نین توره مه سینه اوخشایارکن کیمسه بیله سینن نه بیلیم یئرسیز...........ضارافات ائله سیدی آجیقی گلیب یولونا داوام ائلردی ؛گاهدان منی شاعیر گوروب درین معنالی سوزلردن بارلاندیراندا آجی گولوشلری یا الله دئییب آرابانی ایته له ییب کوهنه پال پالتاری اولان دئییه یولونا داوام ائلردی .بیر یول ایداره دن ائوه گلنده یاغیش آلتیندا چیم چیلیق سو اولموش بو حشرینه غارق قادینی یاردیم ائله ییم دئییه میندیریب ائوینه یئتیرنده جیرجیندیرین یغیب داشقاسین ماشیندان اندیریب ائوینه باش اوزاداندا گوردوم نئچه اوز گوزو توکلو گنج کیشی ائوین اورتاسیندا شوشه قلقلی قاباقلاریندا جورتلاییلار بو ایشدن اوتانیب تئزچوله چیخاندا محلیمیزده کوینه چی آدیلا تانینان قادین الینن اوشاقلارین گورسه دیب هممشه کی کیمین آجی گولوشلری دئدی اوغولوم تانری آدامی ایت ائله سین امما آتانا آناااااااااااااا ائله مه سین

یاش کوچوک

آی جانیم سیزده بیلمه سز قوروم قونشو بیلیرکی بیزیم بو ائوآدامی عمامه سیز موللادی ایلیمیز اون ایکی آیی اون یئدی کیلولوق قور
آن قولتونودا ائولری دولانیب هر جومه آخشامیدا ائویمیزده دوعای دووشان کبیر قویار هئله هیچ جانامازیدا یئردن یغیلماز ؛اوزوده ایندی کی دئییر هاااااا اوتوز ایلین آروادیدی .اصل ناغیل بوکی بیرگون آخشام چاغی آریقین یورقون ایشدن گلیب حییته وارید اولاندا بیر محببتی یاش کوچوک ال ایاقیما دولاشارکن قویروقون تولاییب گوزومه باخا باخا قوجاقیما گلمک ایسده ییردی ؛ایاقیمنان وئریب اوزاقلاشدیرماق ایسده یینده ونگیلتی سینه آرواد چیخدی آی ویرما الله حیوانیدیر ؛اوز اوزومه دوئوخان کیمین دئدیم آی خانیم سن کی یاخجی بیلرسن شیخ آقا ایرساله ده یازیب ایت مینداردی ؛دیلیشین سالان کیمین منی چاغیریب ایچری بیر ایستکان چای نان خوتومو آلا آلا علاوه دن ائله دی کی نییا هوش ائله میرسن باخ بو باهالی کوچوکدی باهالی؛ اوزده یارانه دن دالا قالماسین  شیناسنامه سی زادی وار ؛نه باشیزی آغریدیم اوچ دورد گون من ایت آرواد بوغلامالاشاندان سونرا بئللی اولدوکی بیزیم سون بئشیک اوغلان آناسینی قیسنایارکن 350000مین تومنه آلیبلار؛ اوزدوه اوغلان و عیال الینه گله نی بسته نیدن سوتدن توتموش توئوخ ات چولدن آلیب ایتی بئجردیلر؛ من ائوده اولمایاندا آرواد طایفاسی نین قوناقی کیمین مطبخ ده یئییب موبلون اوسدونده یاتیر  ؛اتی آجیلیقیمنان آروادینان کوچوک منی گورنده ائله بیل توربادا ایلانی گوروللر؛ اوسدونن بیر آی گئچندن سونرا بیلمیرم نه اوسده ائوده داوامیز توشنده هممشه کیمین اوغول دان توتموش نوه نتیجه یه کیمین آروادا هاوادوراندا گوردوم یاش کوچوکده آروادین اوردوسونا علاوه اولوب منه یوروش ائله ییر ؛ایندی قالمیشام گوره سن منده موزدا یئر کوکوسوئوندان اونا وئرسم منه هاوا دورار یا یوخ  

قالایچی مورتوض دِئییر .بیرگون آرواد منی ویریب ائودن چیخارداندا پولوسوز پارارسیز کددن آجیق ائله ییب هارا گئتمه ییمی بیلمییرکدن سفیل سرگردن دولانیردیم . تصادون اوزوندن  شهرلرین بیرینده آج سوسوزلوق منه گوج گتیرنده بیرقهوه خانا سوخولوب بیرآز چای چورک ییب گوزومو ایشیقا گلنده گوردوم .بیر نفر قهوه نین بیجاغیندا جاماهاتی یغیب باشینا دونیانی گوبه یی منم دِئییه هئی اوزونن دم وئریر. گاهدان منیم کیمین یازدیقی  جیزما قارالاردان اوخویوب دوره سینده اولانلارین فیشدیراق قاریشیق چپیک چالمالارینی قازانیر .سوزلرینه  قولاق آسا آسا منده بو توپلوما قاتیلیب .بیر اوچ دورد یول دانیشیقیا گیرنده .یئردن خبرسیز گوی عالمینه اوچ قیچلی کورپو قویان عالیم یاریم سوزو دئییشیب ایجازه وئرمیردی .گوجو پیس لیگینن سوز آراسینا سوخولوب سووال وئرنده کی سیز بو ماحالین عالمی سینیز. دوره ده کیلرین هَدَه قورخوسونونان سسیمی کسیردیم .چوخ گئچمه دن هَپیر چوپور سوزلردن آغیزی کوپوکله نن کیمسه الینن منه ایجازه وئرنده .قورخا قورخا دئدیم اگر سنین بو ماحالدا بیر بئله آلقیشلایین واردیسا بیرلیکده گئدیب شهرین میدانیندا  وئرلیش گئچیردک . گوروم بلکه ده سنین آلقیشلایین چوخ اولدو . عالیم لرین تورکونتوسو نامیس گیر اولوب سوزومه قول قویاندا شهرین میدانینا گلیب معرکه باشلایاندا چوخلو بیربیریمیزه تاریفاتدان سونرا. ایلک اونجه بیلمه یینلری اولکه سی نین باش بیله نینی بَزَه ییب میکروفون الینده وئرنده بیر ساهات قیرخ بئش دیقه دانیشیب قارشیدان گلیب گئچن ماخلوقودان بیر نفرده سوزونه قولاق آسمادان یوللارین داوام ائلیردیلر . منه نوبات چاتاندا کوینه گیمی چیخاریب شالواریمی پاچاسینا کیمین جیراندا بیر کوهنه چللک تاپیب چالماغا باشلایارکن. ماخلوق هجوم گتیریب بیر بیرین ایاقلاییب بیزیده سیخینتییا سالاندا یولداشیمین الین توتوب آراداندان چیخان کیمین جاماهاتدا بیزیم دالیمیزیجا قاچا ها قاچیردیلار چوخ قاچیب یورولداندان سونرا تویوشومو درمه اوچون علاوه دن دوستومون الین توتوب دایاناندا جاماهات بیزی گئریده قویوب باسا باسا قاچاندا .یولداشیما اوز توتاراق دئدیم آی قارداش هئله بو قاچانلاردان سوروش گور هارایا قاچیرلار و قاباقدا نه خبروار. یولداشیم بیر ایکی سین یانالییاندا واقت یوخدودئییه قاچاماقا توء وئرنده گوجو پیسلیگینن اوچونجوکیمسه نین قولوندان یاپیشیب سوروشانداکی هارا قاچیرسینیز یازیق بئچارا نفس ویرا ویرا جاواب وئردی کی من نه بیلیم آخییییی جاماهات قاچیر منده قاچیرامدااااااااااااااااا

ائله کی دئییرلر1330 اینجی گونش ایللرده بیزیم ترس آواد کندینده شاه ماموری گلیب بِئشکیت(مدرسه)تیکمه سینه امیر وئرنده . نه بیلیم هایاندانان کندین اربابی تاپیلیب گلیب مانع چیلیک توره تمیشدی کی یوخ اولماز بیرا منیم شخصی مولکومدور ایجازه وئرمرم ؛سوزلری آلچا اوجا گلنده آرادا چاشقینلیق اولماسین ایرحمتدیک ؛کاتا ایسم خان کندین جاماهاتینان بیرگه . دولت آدامین آپاریب اوز آتاسی نین قبیرین گوستررک ؛سوز وئریر کی منیم آتامین قبری اوسده بِشکیت؛(مدرسه) دوزلدین.

او ماجرانین اوسدونن اوتوز30 ایل گئچندن سونرا ایران عئراق دیفاع موققدس دویوشو باشلانارکن بیرینجی شهید کندیمیزه گلنده او آناسی آغلار قالانی باسدیریب فاتحه چئویرنده میرزالی کیشی بیر خیلک قبریستان بوش یئریندن آردیملاییب آیراندا اوز توتوب کندین جاماهاتینا دئدی کی بیرادا بیزیم شهیدلریمیز یئری . دوغروسون خبر آلساز  مِئشدی میرزه علی نین آییردیقی موققدس یئرده دولوب ؛

ایندی گوره سن سوریه دیفاع موققدیسینده شهید اولان بالالاریمیزی هارادا باسدیراجاییق

*کاتا—تورکو دیلینده بویوک دئمکدیر