تونقال

موغان بیله سووار کددلرینین بیرینده یاشاماغیمیزا باخمایاراق ائوین ایلک اوشاغی اولدوقوما گوره عسکرلیکدن قوتاران کیمین آتامین ایسده یی اولان بی بیم قیزینان ائوله نیب ؛ننه لیگیم اوز آدامیندان منی اوچون قیز سئچیدیگینه گلین گلندن سونرا تمام اوتوروشون دوروشون سوز ائله ییب آشیمیزا سو قاتیردی؛امما بیزده بی ادبچیلیک ائو آدامی عومورلوک یولداشی اولاراق سئویشیب دئییه گوله یاشاییردیق؛   اوچ دورد ایل اوول آغزیمیزین دادی سئویشمه یه قال اولاندا هیچ اوشاق زاد یادیمیزا دوشموردی؛گاهدان نوه ایسده ییرم دئیین آتامین سوزآتمالاری گاهدان حیات یولداشیما آغیر گلیب منیم نییا اوشاغیم اولمور ؛ مچیده منبر ییخینتی دوشوب محرم گونلرینده دسته قاباغینا یاییلیقین آتیردی اوشاغیمیز اولسون؛؛ منده ائله کد یئرینده گون آشیری باغ باغاتی بئجریب مالدارلیقینان باشیمی قاتیردیم؛چوخلو ایمامزادانی زادی دولانیب نذیر نییازدان ایش چیخمایاند ا یاواش یاواش قوهوم طایفانیندا سر صاداسی قوزانیردی؛علاجیمین یوخلوقوندان بیر ایکی قویونوندان کئچی ساتیب آروادیلا بیرگه  باش کنده یوللاندیق کی اوشاغیمیزین اولماماغی نین سببین آراشدیریب بلکه عایله نین الیندن یاخامیز قورتولوب اوزموزده اوشاق صاحابی اولاق ؛بئش آلتی خسته خانالارینی ویاخود کیلینیکالاری گزندن سونرا نتیجه آلمادان کنده قاییداندا بیر آهیل ایرانندیه داریش گلیب بیزی قاپی باغلاماگوتوروب یول اوزون دردلشنده الیمیزین بوش اولماغینا گوره داوا درمان پولوسونو تاپا بیلمیرم دئییه یولوموزا داوام ائله ییردیک؛امما کنده یوخوشاندا ایراننده اوزون توتوب منه کی اشی سن یولون باجارمیرساندااااااا گل من سیزه یاردیم ائله رم؛ائوه ییئتیشیب کیشی نین بالاخانادا قاباغینا چای چورک گتیرنده ایکیلی بیرلیکده اوزون منه توتدی کی  اگر ایسده ییرسن پول قازانیب داوا درمان یولوینان اوشاق صاحابی اولاسان؛  گل من سنه قارا قیزیل(تیرگک) وئریم سرحددن گئچیر اوتایا هر کیلوونا میلیون قازانج بیر ساهاتدا پیادا یولودی؛آتالار دئمیشکن تاماح عاغلی ضای ائلر چارامین یوخلوقوندان بو ایشه قول قویدوم ایرانندنن قارالاشیب گئدنده تئز قاییدجاغام دئییه حالالاشیب یولا سالدیم

بئش اون گون اوسدونن گئچندن سونرا بیر گون کیشی باشی باغی بیربالا چانتا قارا قیزیلی گتیریب تَس تویورنده منه اورگه دیکی اگر اوتایدا ماموز زاددا سنی توتوب ائله سه قورخمادان بیله لرینه یوروش ائله ؛منده اولان ایشی یئرینه یئتیریب یال یاماجینان اوزومو دمیر مفتیللره ویریب مرزین اوتایین یئتیرنده کیمین قارشی طرفردن آلتی یئدی الی آفداماتلی مامور بیلمه دوره له ییب هده قورخو ایلا نارکوتیک ماده نی هاردان گتیریب سن دئییه ویریب قول قابیرغامی ازندن سونرا قوللاریمی قاندالاییب باشیمدا بیر قارا توربا گئچیردیب یولا دوشدولر؛اوچ دورد آی عایله منن خبرسیز بازداشت خانادا قالان سونرا ؛بیر آندا آییلیب گوردوم کی محکمه قراریلا اون بئش ایل آزادلیقیندان محروم اولموشام؛عایله مه زنگ آچاندااااااکی  منی توتوبلار آتاملا دانیشیب بو ایشین آخیری نه اولاجاقسا دئییه؛ سونرادان حیات یولداشیمین اوشاغا قالماسین آغلایا آغلایا سویله یین باجیم  بئله ایضاح ائله دی کی سن توتولاندان بیز طیییی مال قارانی ساتیب وئرمیشیک او ایراننده یه کی ائله بیل اوتایدا تانیش  زادی وار سنی تئزلیگینن چیخارداجاق؛پولو آلاندان سونرا آرادان چیخیب؛ آمما کدده مچید پایگاه وریندن جوءسالیبلار کی اوتایین دولتی سیزین دوشمانیزدیر؛ گئدیب ائله سز  سیزی توتاجاقلا؛آی قارداش ایندی من بو تایدا دمیر قاپیلار آرخاسیندا ؛آرواددا اوتایدا ؛مال قارانینداکی پولون آهیل ایراننده آپاریب هئله پیچ ؛ بیردادا طییییی دویشدیریب سوروشورلار کی قارا قیزیلی کیم سنه وئریب؛قورخومنان دئییه بیلمیرم اییییییییییی

دئییرم لاپدان ایراننده خفییه ماموری زاد اولارهاااااااااااااااااااااااااا ......................

اوجورکی بیلیرسیزشیکوهمند اینقلابیمیزدان نئچه ایل گئدندن سونرا من ایت اوتارماق درسینی داوام ائله مه اوچون اجنبی اولکه سینده یاشاییب ایت اولوژی کورسونو باشا ویراندان دیلیم زادیمدا عوض اولموشدی اوچ دورد یول ایسده دیم اولکه یه قاییدیم یولداشلاریم اورادا نه ایش گورجکسن دئییه واز گئچیردیم؛ تا اینکه هشتادینجی ایللرینده  اولکه ده آیی اویناتماق ایشی یولا دوشندن منده علاوه بیر کورسگئچیریب آیی اویناتماق درسینده اوخویوب باشا ویراندان بیر آیی اوینادان موتخصصی کیمین اولکه یه قاییدیب باش کندین شهرجیکلرینین بیرینده دام دِئش آلیب خییری اوزگه یه وئرمرم اوممت خیزب الله خیدمتینده اولموشام؛بئله ایشمیزین یاخجی گئتمه یینه باخمایاراق؛محلده اوچ دورد نفر قاباغا دوشدولرکی نه وار نه وار محلده خانه خودادئدیگیمیز مچیددوزلتمک بهاسینه هردن جاماهاتدان پول ییغیب تا اینکه یاواش یاواش بینانی باشلاییب آلتی یئدی ایله کیمین باشا یتیردیلر؛مچیدده ماللا اولماز دئییه بیر یئکه باش شیخ آقا گتیریب اهالی نین شرعیات شککیاتی یئرده قالماسین ایشی قاباغا آپاریردیلار؛جانینا قوربان اولدوغوم شیخ آقا محل گلندن مامورلاریندا ایاغی محله آچیلیب هر گون بیر بهانینن ماخلوقون ائوینه سوخولوب آغیزین ائییله ییب ویاخود نمنه مصرف ائلیرسن دئییه ماهواره دم دسگاهین ییغاندان سونرا ائوه صاحابینیدا دادگاها چکیب اوچ دوردآی دولاندیراندا سونرا بئش اون میلیون آلیب بیراخیردیلار؛تا اینکه بیرگون بیزیم ائویده سیفارت خانا کیمین تسخیر ائله ییب چاخیر شوشه لرینی گوتورونده منی دادگاها چکیب بیر قالین پرونده دوزلدندن سونرا یئتمیش شاللاق بیلمه حوکم قطعی صادیر اولونوب شرعین بویوردوقوینان شاللاق ویریلان منیم باش ماشیمی قیخیب شهرین میدانیناگتیرنده اوز اوزومه گوله رک بیراحوالات یادیما دوشدی اودا بئله دیر کی؛

بیزیم کدده ائله قدیمنن بیر نئچه طایفا خان واریدی آدام اوله جک بیرینه اذییت آزارلاری دَئیمزدی؛اینقلابین یاپ او ویرها ویر واقتیندا بیرگون کمیته ماشینی دایانیب کندین اورتاسینا بویوک خانین ائوینه یوروش ائله ییب هده له یه هده له یه بیله سینی گوتوروب شهره آپاریب نئچه آی زینداندا زاددا ساخلایاندان سونرا بیر گون خبر گلدیگی خانا شاللاق چیخیب بیزده کددیگن توکولوب گئدنده؛مامورلارلاپدان یاشا اوتموش خانی چکه چکه گتیردیلر؛ گوردوم آرخالیقین سویوندوروب اونا شاللاق ویران شیخ آقا اوجا سسه سینن دوره دن تاماشا ائله ینلرین باشین قیشقیریب ویردیقجا دئییردی اولان سیزه دئمه میشم خان یوخودان دورمامیش تویوقلاری نیندن چیخارتمایین.......................................   

بیزیم ترس آوا کندینده قدیمنن بیر عنعنه وارمیش کی هر کیمسه  عتباتا عالیاتا آت اولاغینان گئدیسیدی کندین ارکک جاماهاتی زیاراتدان گلنن اوپوش گوروش ائله ییب دده ن احسانی اولسون دئییه گاهداندا اوزلرین اونا سورترمیشلر؛قادینلاردا کی کیشیلره ال دئیمه سین اللرین آت اولاغین اوزونه چکیب الله مسللی چئویریب؛قانیقلیق تاپمایان قادینلار اوزلرین آت اولاغا سورتوب زیاراتین قبول اولسون آتا بابالارینین گورونا سالاوات حواله ائلردیلر؛اینقلابدان سونرا گشت ایرشادین قورخوسوندان  زنن لر کیشی خایلاقی زیارتیندان گلنده آرخالیقینین اته یین یاپیشیب اوپه اوپه گوزلرینه زاددا سورتورلر

من گوره لی نئچه ایل بوندان قاباق ایختیار کیشی  یئنی مئهشده گئدیب اون اون بئش اوزون اورادا داش دمیر سورتونن سونرا بیر خیللک سر سوقاتیندان کنده قایینداندا یاری یولدا آرخالیقینین کوهنه اولماسین باشا دوشنده فیکیره گئدیر کی ؛اشی کندین زننلری منیم بو کوهنه کیرلی آرخالیقمی نئجور اوپه جکلر دئییه ؛شهرلرین بیریندن  اوزون اتکلی بیرآجار آرخالیق آلیب کوهنه نین اوسدونن چکیر ائینینه؛ماشین ایختیار کیشی نی گتیریب اوچ دورد آغاج کنده قالاندا شله کوله وارینان سالاندا؛ طیییییییی کندین جاماهاتی مه مه یئییندن په په یئیینه توکولوب مئشه ایختیارین قاباغیندا گئدنده کیشی لر ال وئریب گوروشنده قادینلاردا صیدیق دیلینن ایختیارین یاری یولدا آلیب گئیدیگی آرخالیقین اوجون توتوب آغلایا آغلایا شفا ایسده ییب زیاراتین قابول اولسون دئییه گوردوم مئشه ایخیارالینن شیمیلین گوستره گورستره دئییر آشاغینی یاپیشین آشاغینی یاپیشین

ایندی کی دئییرم شیخ آقا رهبرلیکدن ؛مئشه ایختیارکیشی داش دمیردن؛ کندین ارکک جاماهاتی مئشه ایختیاردان؛ دوره بر زنن لردنده آت اولاغدان یاپیشیب ؛بس من هاردان یاپیشیم .........................

صف قولوشف قولو  قارداشلاری

یایین قیزمارگونلری موغان چولونده بیر قیزمیش دوه بیزیم ماحالا گلیب کد بایردا اولان اکینجی لری الدن آمانا سالمیشدی؛اوشاق بویوگوگورنده قودوز آسلان کیمین اوست لرینه جوموب دال تپیکه توتوردی؛اوزونه آرخایین اولان دیزی گوجلو کیشلری بیزتوتاریق دئییه یوخولاشاندا دوه نین ال ایاغی آلتیندا دویولموش اَته دونوردولر؛شف قولو قارداشی نم هاردان ائشیدیرکی بینه کددن اینشاله بئ اللی50 کیله یوولی بوغدا وئره جه ییم کیم دوه نی چیخا بیلسه سوزون ائشیدن کیمین قارا میخدان کولوندان اوتولموش ال آغاجین چئی نن قویوب میل دوزونده دَوَه نی سوراقلاییب تاپارکن انیشه قووالاغا سالاندا یان وئریب دَوَه ایرد اولاندا دَءینه ینن ویریب؛ اوزاداندااوزون بینه کندینه چاتدیریب  اینشااله بئ دوه نی ویرمیشام یئدی قابیرقا سوموگو سینیب دئییه 50 کیله بوغدانی طلب ائدیر؛کندین جاماهاتی توکولوب دوه نین قارنین سوکنده یئدی قابیرغا سوموگون سینیقین گورنده اینشاله بئی ین قویدوغو شرطینن بوغدانی آلیر؛

بو اولای دان بیر خیلک سونرا بیر گون قاش قارالاندا ایکی قارداش کیمسه نین بوستانین تالاییب کنده قاییداندا؛صف قولو قارداشی شف قولونو سوزه توتور کی ایراق کدده هانپا کریمین آلتی ایللیک باغلانمیش قاراقوچونان یاخچی قاوورمالیق چیخاردئییب یاتاگیرنده ؛گئجه دن بیر آز گئچمه میش صف قولوقارداشی گوزدن یایینیب اوزون بیر مصافه اولماقینا باخمایاراق گئجه ینن هانپا کریمین قوروقوننان گئجه آی قارانلیقی اولدوغونا گوره سعف اولاراق قارا قوچون یئرینه دورد ایللیک سوپانی ال ایاغین باغلاییب کنده دوننده یاری یولدا ال سووا یتیریم دئییه شف قولوقارداشی گئجه نین بیر یاریسی هاراسان یوخودان اویانیب صف قولو قارداشی نین یئرین بوش گورنده؛ اولمایاکی مندن خبرسیز قارا قوچی یئمک ایستیرسن ته به ایاق  دورور دالیسیجان یاری یولدا سو قیراغینا اوتوران صف قولو قارداشینایتیشیب قیزمیش دوه نی ویران آغاجی کوره ینه اندیرنده شف قولوقارداشی چای قیراغیندا یانین یووا یووا دئییرباش قالدیریرکی؛دده ائوی ییخلسین ماززاقلیق ائلمه باخخخخخ گتیررم بیرلیکده ییریکدااااااا؛

سون یای اکین واقتی صف قولوبویوک قارداش اولاراق آتاسینا پیغام پسغام یوللور کی منه آرواد آل؛آتاسی اکینی یاریدا قالماسین سوزو قولاق آردینا ویران کیمین آلتیندان قاچماق ایسده ینده  اوچ دورد یول گئت گلدن سونرابیر گون سوز گتیرنده دئییرگئت صف قولویا دئنن کی هر زامان شئی..............ن گوتووه چاتسا اونداااا سنه آرواد آلاجاغام؛ایشه بئله گلنده صف قولوقارداشی اوزون دالدایا وئریب دم دسگاهین ......... اولچو بیچی دن گئچیردنن سونراسوزون جاوابین یوللورکی گئت ددم دئنن کی هه شئی یم..............گوتومه چاتیر؛آتانین قانی قارالان کیمین جاواب یوللورکی گئد صف قولویا دئنن بیر آز اوزینن........... مشغول اولسون ایندی باشیم سوریه ده قالدی؛ بیردان قوتارسام سنه آرواد آلاجاغام؛

ایندی سیز بویورون گورک صف قولوقارداشی ناواقتداجاق اوزون قاییرمالیدی کی سوریه دویوشوموز قورتارا.............................  

خالقیمیزین قارلی قادالی تاریخیندان اولان1325 اینجی ایللرینده آنامین دایی سی ایکی اوشاغین آتاسی اولماغینا باخمایاراق پیشه وری حرکاتیندا فدایی اوردو سرکرده سی اولدوقونا گوره ایکینجی قددار پهلوی شاهی نین الینن دارما داغین اولموش اولکه میزدن ایتگین لیگه معروض قالمیشدی؛اوزون ایللر قارداش دئییب آغلایان چیچه ننه م هر گلیب گئده نین اوسدونه گوز یاشی توکوب یانا یانا قارداشی نین سوراغین آلیردی؛دایی نین جووا نزن حیات یولداشی دا ارینین اولوم دریم حیاتیندان خبرسیز قالاراق اوز کورپه بالالاریناهم آنالیق همیده آتالیق ائدردی؛یادیمدادیر بویوک ننه م عورونون سون ایللرینده  انزلیده بیزه قوناق گلنده بیر گون الیندن یاپیشیب دنیز کانارینا آپاراندا گوردوم چوخ کدرله الینده کی چه لیگینن خزرین جوشقون سویونو گوستره گوستره دئییر آی ظالیم سن قارداشیمین یئرین بیلیرسن؛بو سفر ائله ایرحمتدیگین بیزیم له سون گوروشو اولموشدی؛بیلدیگیز کیمین 1369 اینجی تاریم رودبار زلزله سینده بوتون دونیادان آخین ائله ییب تاریم گیلانا گلن یاردیم چیلارین ایچینده قوزی آذاربایجانلی یاردیمچیلاریدا گلیمشدیلر تصادوف اوزنده عاکیف آدلی بیر یوک داشییان ماشین سوروجو سیله تانیش اولوب ائویمیزه آپاردیم؛آنام قوناغین کیم لیگین بیلندن سونرا دایی نین ایتگیسی حاقدا قوناقلا دانیشقلار آپاریب کیشی نین بویون بوخونون اوزونده کی نم نیشانین دئییب قوتاراندان سونرا آخریدا یالوار یاخار ائله دی کی اگر دمیر چپرلر آرخاسیندا بئله بیر کیمسه نی تاپا بیلسه خبر ائله سین؛ سحر تئزدن دوروب بیزینن ساغ اوللاشان قوناق بیر تلفن نمره سی مندن آلاراق یولداشلاریندان دالا قالماسین یولا دوشدی؛بو حکایه نین اوسدوندن اون اون بئش ایل گئچندن سونرا بیر گون منیم ایش یئریمه تلفون زنگی آچیلدی بیر آز سالاملاشیب سیز کیم سیز سوراندا قارشی طرفدن  جاواب گلدی باکی شهریندن سیزی نایراحاند ائله یین عاکیف کیشی دیر؛سئوینه جک نئجه سینیز خبر آلاندا دایانمادان سوزومو کسیب دئدی ایتگین دایی نیزی اوشاقلارینی باکی نین اوجقار قصبه لرینین بیرینده  تاپیب سیزه زنگ آچمیشام؛درست نم نیشانلارین آلاندان سونرا تئز ائوه گلیب بو شاد خبری ائل طایفا آراسیندا یاییدیم؛بو حادثه دن سونرادایی نین اوشاق لارینان آزچوق تلفون بالانتیلاریمیز اولوردی؛1992ایکینجی ایللرینده شوروی داغیلیب اوتایین باغلی یولاری آچیلاندا بو تایدان بیزیم آق ساققال طایفا باشچیلاری بیر نئچه نفر اوتایا گئچیب دایی نین اوشاقلاریلا گوروشوب قبرین زیارات ائله ییب گلنده چوخلو شکیللر گتیرمیشدلر؛اوسدوندن بیر نئچه واقت گئچندن سونرا آنام منه اوتایا گئتمه یی تکلیف وئرنده بیر زیارات سفری کیمی اوزومه بورج بیلیب گونلرین بیرینده بیر آز پای پوشک گوتوروب ننه بالا ایتگین دایی نین مزارین گورمه یه باکی یا یوللاندیق؛قارشیمیزا چیخان دایی نین اوشاقلاری آلقیشلا بیزی ائولرینه آپاریب  نئچه گون قوناقلیق ائله یندن سونرا بیر گون آجی بیر خبر ائولرینه چاتارکن گوردوم هامی تبریز دئییه اوزلرین بیرا اورا ویریب آغلاشیرلار؛ایشین سببینی سوروشاندا دایی نین اورتانجیل گلینی آنامین بوینون قوجاقلاییب آغلایاندا گوردوم دئییر کی نه اولاجاق تبریز یارالیدیر؛بو سوزو ائشیدنده تعجوبلنرک دئدیم تبریز کی بوتوی آذاربایجانین باش کندی دیر؛خیلاصه بیر نئچه نفرتانیشلارینان اوزموزو قاراباغ جهبه بولگه لرینه یوخون اولان خسته خانالارینا بیرینه یئترنده گوردوم دایی نین تبریز آدلی اوغلان نوه لریندن بیری ائرمنی داشناکلارینین گولله سینن یارالانیب؛
بیر آز سفریمیز یوبانارکن ائودن زنگ آچانداکی نییا گلمیرسیز آنام باش گوزونه ویرا ویرا گونئی ائل طایفایا یئتیردی کی نه اولاجاق تبریز یارالیردی ................................  

2016اینجی آپریل آییندا قاراباغدا شهید اولان ایگید اوغلان وقیز قوچاقلاریمیزا ایتحاق یازدیم 

او گونلری آخشام کددیمیز ایرمضانین دده سی اولموشدی؛میرده شیرخانامیزین ایرئیسی سیفعلی ماخلوقی ییغیب مچیده چوخلو سورقو سالاواتدان سونرا بئله تعبیر توکدوکی هاوانین قار قیش اولماغینا گوره تئزه قیراغین قاتلایانی بو گئجه میرده شیر خانادا ساخلاییب دوره بر کددلره خبر ائله یینن سونرا آشیری گون قوروم قونشو سو قیزدیریب مرحومو یومالییق سوزونون سونوندا علاوه ائله دی کی اولو نامازی یوبانماسین سحر تئزدن کیم ایسه شهره گئدیب بیر نیمداشت ماللا زاددان گتیرسین؛توکدوگی تعبیر یئرده قالماسین صوب آذانیندا خودا وئرن کیشی کوهله نین مینیب اوزون شهره وئرنده شیخ آقا قیتلیقینان اوزله شن کیمین بیر یئنی یئتمه طلبه گتیریب اولونو یویوب قوییلایاندان سونرا مچیده ییغیشان کندین جاماهاتی دئدی قودویا دوشموشلر کی عامماماسیز ماللانی اولویه قیلدیغی نامازی دوز اولماز ؛بو سوز کند آراسی یاییلاندا ایرمضان دده سی نین یئنی دن قبیردن چیخارتماغی نین شرینینده اوزونه قاپانیب یئره گو ی یه زنجیر آتیردی کی بو شر خاطا باشیندان نئجور سوواجاق؛قارما قاریشیقلیقدان سوزو سئچن ماللاچا پئنچک شالوارینان منبره چیخیب بو مرحومون نمنه گوناهلاری واریدی هاممسینا قلم عفو چکیب بهشت برینین اوتوبان قیراغی ایکی یوز مئتیرباغ باغچالی یئرین قورقوشومولو قباله سین صادیر ائله یندن سونرا؛ایروضه نین داوامیندا تئز تئز الین ساققالینا چکیب ماخلوقو باشا سالماق اوچون آچیقلاما وئریردی کی آی میللت قوم شیخ آقا باشچیلارین امرینن بوندان سونرا ماللالیق مقامینا چاتان طلب لر عبا قابا سیز اولماقینا باخمیاراق چوخ سایدا مللا باجیلاردا شرعییت قولقوچولارینا علاوه اولوب مومون موسلمان خالقیمیزین شرعییات شککیاتینا یئتیشه جکلر؛منبر گورمه میش طلبه ناشیلیقینا مجلیسی یاخجی آپارماییب ماللا باجیلاری رکلام ائله یینده  مچیدین آغیز بوغوز دولو اولماغینا باخمیاراق لوطو ایرجب مجلیسین اورتاسیندان  دوروب ایاغا اوجا سسینن ماخلوقا سووال وئردی کی آی آقا  گوره سن بو ماللاباجیلارین ساققالی هاراسیندا اولاجاق .........................

الله اوله نیزی ایرحمت ائله سین اورت باسدیرماحالی نین باش  اوستاسی قویی قازان صاحبعلی کیشی عورتی گول باهارننه ی  نین اوشاق موشاق لاری اولمادان ار آرواد بیرگه یاشاییب اوستاعومورون سیزه وئرندن سونرا قادینی تک قالیب آرالیقدا کورلاشاردی؛ هردن بیز کنداوشاقلارین دیله توتوب ایشین آشیرماق اوچون سنه گامیش یومورتاسی وئره جه ییم دئییه منه بیر قاب سو گتیراولومونه گور کفن فیکیرله شیب گونلرین ساییردی ؛هردندده بویون آلدیقی یومورتانین آلتیندان چیخاندا؛اوشاقلار گلن سفر سوزونه اینانماییب ایشین یئرده قویاندا نامیسیما آند اولسون دئییه به حئساب دانیشدیقی سوزه آل تومغا(موهور)ویراردی یانی کی بو سفر دوز دئییرم؛بیر یول منی یولداشلاریمنان قاپیدا گوروب آی قالایچی مورتوض گل بو ائیینه نی ساپلا دئیینده بئش آلتی نفری ایچری سوخولوب یوخ قاری ننه بویون آلدیقین تحریملری سیندیرمادین سوزو آغزیمدان چیخمامیش یئنی دن آغزین دولدوروب نامیسینا آندایچنده هاممی گولوشوب اوونان نان سونرا من اوزومو قیسا قیسا سوردوشوم آی گول باهارننه سنین کی قیزین گلینین یوخودی نامیسیوین  هاراسینا آند ایچیرسن باخخخخخ ؛منیم یئرسیز سووالیمنان تعجوبلنرک دونوب ساق الینن گوتونه ویراویرا دئدی بس بو نامیس دئییرعلاوه دن دورده کیلر پیققیلاییب گولمه یه باشلایاندا گول باهار ننه عصیله شیب های باسدی کی نیه هیریلیسیز باخخخ؛ بس موسلمانین نامیسی هاراسیندا اولار 
هن نه دئییردیم تانری گلن گونلریزی موبارک ائله سین بایرام تعطیلاتیندا چانتامی  گوتوروب داشکنده یولداشیم ایبر اهیما اوز توتاندا اوچ دوردگون دئییه گوله بیلاردا قالیب گئجه لرده گئدیب باغدا یاتیردیق؛آخی بیلیرسیز دوستوم وارلی کارلی اولدوقوندا نئچه گوز توکانی شهردن اوجقارباغیندادا بیر یاخچی بیناسی وار قوناق قاراسینی اورادا آواریر؛بیر گئجه یئییب ایچیب یورقان دوشه یه گیرنده گوردوم ایبراهیم جیب تلفونینان یورقان آلتی بیردیرناغی رگلینن لاسلاشیر؛بیر آز قولاق آساندا گوردوم بو اوندان سوروشورکی نئچه سی گئدیبسن اودا جاواب وئریرکی هئله سنین کیمین بیر شیرین دیللی اوزون خورتوملو تاپمامیشام اره گئدیم ؛خیلاصه نه باشیزی آغیریدیم سنین کالیبرین نئچه دی بی ادبچیلیکدی سنین کینن اوزونلوغون سوروشماق اولاردئیینده اوزون بیر میرتلاشما لاسلاشما کینووی(فیلمی) گئدنن سونرا گئجه نین یاریسی جانیما واهمااوتوران کیمین یورقانی بویوروب اوزومه ایاق یول بهاسینه چیخیب خیللک آرالیقدا دال دسگاهیمی دووارا سویکه ییب گوزومو اوتاق زیلله ییب تیرتیرتیتیره ینده صوبه یوخون ابراهیم چوله چیخیب منی گورنده تعجوبله نیب سوروشاندا کی بیردا نه ائلیرسن دالیمی محکم دووارا قیسیب دئدیم نه اولاجاق نامیس ساخلیرامدااااااااااااااااااااااااااااااااا   

1365اینجی گونش ایللرینده ایداره طرفینن کندیمیزه بیر تراکتورچیخمیشدی؛ائله اونا گوره کدده ایکی قالین طایفا بیربیرینین جانینا دوشوب یاریش گئچیردیلر کی وئریلن مالا صاحاب چیخسینلار؛بیر طایفادا پول واریدی تسلیقی اولان یوخودی؛ قارشی  طرفده پول یوخ سوروجو تسلیقی اولان واریدی؛ آخی بیلیرسیز ایداره آدامی تراختوری وئرنده شرط قویموشدی بو دسگاهی سوروجو تسلیقی اولان کیمسه یه وئرمه لیدیلر؛چوخلو چکیش برکیشدن سونرا بو طایفا قارشی سینا گوج گلیب وئریلن اکینه جک ماشینینا صاحاب چیخدیلار؛تراکتورون کنده گلمه ینن چاشقینلیق دوشوب گونن گونه کین کدورت آرتیردی؛آخیردا ایش اورا یتیشدی قارشی طرف کندی قویوب قونشو کددن تراکتور گتیریب یئرلرین شوملاییردیلار؛ایشین بئله قاباغاگئتمه سینه کنده آییری سئچگیلیک دوشوب ایکی طایفا بیربیرلرینن قیز آل وئریده ائله مینده نئچه یول قان توکمه داوا دوشوب ایشلری محکمه یه زاددا چکمیشدی؛اوچ دورد ایل بو گرگینلیده یاشایان کندین جاماهاتی بیربیرینین خییر شرینه ده گئتمیردیلر؛تراکتورون سوروجوسو صوبحان نیسه بئییم خانیمین اوغلو یئنی یئتمه اکبرینن  یولداشلیق ائله ییبپ کندین دارما دالاشینا باخمیاراق ایکیسی بیرلیکده تراختورو ایشله دیب دولتین بورجون اوده ییردیلر؛نیسه بئییمین حیات یولداشی واقتسیز  اولمه توش گلن کیمین گوزونون آغی قاراسی اوغلو اکبره اورک باغلاییب بیردان اوردان گلن نیمداشت ائلچی لرینی قایتاراندا اکبر همی اوغلوم همیده اریمدی دئییه گله جه ینه اومود باغلامیشدی؛فلک سایدیقینی عاقلینا گتیرمه ین آنانین چرخی دونن کیمین صوبحان تراکتورآشیریب اوزو برک یارالاندیقدا اکبر یازیقدا حیاتینی ایتیرمیشدی؛یارالی صوبحان خسته خانایا یئرله شیب داوا درمان اولدوقجا کندین بیر حیصصه سی اکبرین اولومون بهانه ائله ییب بو قانی یئرده قویمایاجاق دئییه قارشی طرفه آخین ائله ییب دهشتلی ویریش دویوش قوپاندان سونرا ایشی محکمه یه سالیب تراکتور سوروجوسو سه اورتاقی (بیمه) اولمادان یارالی یارالی حبس قراری لا زیندانا وئرمیشدیلر؛اوزون بیر محکمه سورندن سونرا صوبحانا یئدی میلیون قان پولو(دییه)اوده مک کسیلیب؛کند یئرینده کسیلن قرار یئرین آلا بیلمه ینده  سوروجوده پولو اوده مه ینجه زینداندا قالماق مجبوریتینده قالان کیمین هر گوروشونه گلن کیمسه یه یالوار یاخار ائله ییب نئجور قوتاراجاغام  دئییه گوزونون یاشین توکوردی؛بو نئچه ایلده قوروم قونشو کددن توکولوب ریضایت ایسده ینده نیسه بئییمی قیسقانجا قویان قارداشلاری ریضایت اولماز دئییه اوتونون اوسدونه یئنی دن اوت قویوردولار؛ایشین سونوندا بیر تراختورا گوره گوندن گونه کندین ایشینی دوگونه سالان باجاریقسیزکیشی لرین الیندن جانا گلن دیللی دیلاور نیسه بئییم صوبحانین ننه باجیسی نین گوزون یولدا گورنده ایل بایرامینا بئش اون گون قالمیش بیر قاب حالوا چالیب قبیر اوسده پایلایاندان سونرا کندین جاماهاتین ییغیب مچید قاباغینا بو ایشین کیمسه یه داخلی یوخ دئییه باشینداکی قارا یایلیقی گوستریب اوتانین کیشی لر اینسانا قیمت اولمازدئییه آشیری گون شهره یوللانیب صوبحانی حبسیدن قوتار ماغینان کندیمیزه یئنی بایرام................................ 

بئش اون ایل اولار قالایچی لیق ایشی کاساد اولدوقوناتوکانی تغییر کاربری وئریب قونشو کدده دللک خاناآچماقیما باخمیاراق  ؛بایرام قاباغی تکه اوینادیب یئری گلنده هردنده دانا زاد بوروب اوشاق ختنه ائلیرم ؛هردنده موشتریم آز اولاندا چانتا بئلیمده کد کسه یی دولانیب کوچه لرده های باساراق چاغیریرام کی آی دانا بورورام اوشاق کسیرم آت باسدیریرام موتال باسیرام ؛لاپدان یولوم باش کنده دوشنده میللی مجلیسین قاباغیندا دایانیب یئنی سئچیلن دپتادلاری بورنلارا سای گئچیب تجربه الده ائدیرم؛الله اوله نیزی ایرحمت ائله سین بو کندین هانپاسی حاجی مورشود آقا مککه مینا حادیثه سینده ایاق آلتدا قالیب ایتیر باتیر اولاندان سونرا اونون ضعیفه سی موشگه ناز خانیم دا دول قالمیشدی؛اوشاقلاری کوچوب تک باشینا کدده یاشایان حاللی باللی دول موشگه نازی یاغلی دیلینن دانیشدیرماقیما گوره هردن منه موراجییت ائله ییب آتین باسدیریب دانا بوراندا  امک حاققی زاددا طلب ائله ینده گوله گوله دئییر اشی یولووی گوررم داااااااا؛ گئچن ایل یایی تعطیلاتینا گلن اوغلان نوه لرین گتیریب توکانا باشلارین قیرخدیراندا بیله سینن میرتلاشیب دئدیم کی موشگه ناز خانیم ایرحمت لیک حاجی ایرحمتده گئدنن اوز قاش بیرچه ینده اوزانیب هاااااا  بیر آز لوغالیق ائله ییب سورتوشمه ییم آجیقینا گلن کیمین اوشاقلاری گوتوروب توکاننان چیخا چیخا گوردوم پول اوده مک عوضینه یئدی قات تومانی نین اته یین آشاغی ائلییه ائلییه دئییر آی دللک قارداش دئدیم کی یولووی گوررم؛ گوزونون اوجوینان منه باخا باخا اوشاقلارینی الیندن توتوب یولونا داوام ائله دی؛اووی الیندن چیخانلار کیمین منده کورو پئشمان توکانی سوپوره سوپوره اوزومه اوزومه فیکیرلشدیم کی هیچ خینانین یئریدی آخییییی ؛بیر ایکی آیدان سونرا بیر گون او بیری کددن  گلنده موشگه ناز خانیمی یول قیراغی باغلاریندا گورنده چپردن آشیب خوش دیلینن سالام وئرندن سونرا دئدیم آی خانیم آخی ...........چوخلو چکیش برکیشدن سونرا بیر دالدا یئرده اوزادیب یئدی قات تومانین قوزایاندا دم دسگاهینین قیل قزیلین گوروب دالا چکیلنده ؛  لاپدان باشین قوزادی کی نَیه گیج توخلو کیمین باشیوی توءلاییرسان؛   تیغ تاراشین گتیر قیرخدااااااااا ؛     الدن گئچیب آغاج خولاسینا آسلادیقیم چانتامنان اولگوجو گوتوروب ایتیلده ایتیلده ساق طرفیمیزدن آخان آرخدان بیر کاسا سو گتیریب اوچ دورد ایلین قیسیرلامیش کول کوسون  ایسلادیب اوکه له دیگجه قیرخیب قوتاردیم؛   گئچیب ور وسایلی یئرینه قویوب اللریمی یوواندا ؛ موشگه ناز خانیمدا دوروب اوسدو باشین سیله سیله یولونا دوزولنده  ؛دالدان یئییریب چاغیراندا کی آی خانیم ................آخییییی؛گوله گوله دئدی آی دللک قارداش تانری او آتاوا ایرحمت ائله سین منی کیشی نین یاسیندان چیخارتدین آآآآآآآآآآآآآآآآآآآآآآآآ

دونن یوخ ائیرلی گئجه ائوده اوزانمیشدیم لاپدان تلفونوما آچیلدی؛گوتوروب خیلک دانیشاندان سونرا بللی اولدوکی اوتایدان داش بیلاقلی دوستوموز مانصور اوفدور دیر؛تئز تئز سوروشاندا کی یئنی خبر مبر نه وار جاوابیندا دئدیم ساق لیقون امما تئزه لیک تونقال قالایچی مورتوض آدینا یئنی کیتابیم چیخیب؛ساغ اولاشیب دسته یی سوندورنن سونرا آرواد یئدی قونشو ساغدان یئدی قونشو سولدان کیشی لرین آد ائله ییب قادالارین منیم گوزلریمه ویرندان سونرا ال قات یاخاما کی او یئدیگین ایشدیگین بورنوون دلیگینن گلسین باخخخخخ ؛بس دئییردین پولوم یوخدور بس کیتابی هاردان چاپ ائله دین؛ال اله قالخیب قیشقیر باغیرمیزا نوه نتیجه ییغیشاندان سونرا بئش آلتی یاندان گوجوپیسلیگینن توخدادیب خوتون آلاندان سونرا دئدیم کی ایرحمتدیگین قیزی کیتابی من یوخ بو سفر دپتادلیقا آد یازدیران قاسیم اوغلو حیدرچیخاردیب؛ تبلیغات گونلرینده گوردون کی ائله  نئچه یول بیزیم کوچه ده سوخندانلیق ائله ییب ماخلوقا یئل وئریردی؛ منده کی بیله سینه قاچا قاچ ائله مه ییمه باخمیاراما جاماهات ییغیشیب شوعارلار سسلندیرنده بوینوما آلیب یئریمی شیرین ائله مه اوچون دولاندیریردیم؛سعفین باشا دوشن ائو آدامی قولاقلاری سالالانان کیمین بیر چای گتیریب قاباغیما قویاندا علاوه ائله دی کی نئچه دنه چاپ ائله ییب قیمتی ندیر ؛منده عصبله شیب دئیینه دئیینه آرتیردیم کی من بیلیم نئچه جیلد ائله ییب هر بیری 15000مین تومن ایکی یوزجلده منه یوللاییب؛امر ائله دی کی اونلاری گتیر قوی ائوده هاممسین قاپی قونشویا ساتیب کربلایا گئده جه ییم .....................

سوروجو ایسبندیار دئییرپاییزدان بیر آی گئتمیش ماشی نین یاغینا سوونا باخیب کومور گتیرمه یه گئده نده اوزمو قه فه یه وئردیم کی بیر نفر قولاق یولداشی گوتوروم.ماشینی اوروشده ساخلاییب اوچ دورد یول فیشقا بوق ویراندان سونرا باش گوزون قالیان توتونو توتموش.منیم های کویومه چوله چیخان خیپی قوربان الینن دانیشا دانیشا ماشینا چاتاندا ایراننده طرفینن قیشقیر باغیر سالدی کی هه خییر اولا ینه ساللاد خانایا قویون زاد آپاراجاییق.دئدیم یوخ قربان معللیم کوموره گئدیرم .دئدیم سنده یولداشلیق ائده سن.سوزومو ائشیدن کیمین یوخ یوخ دئییب دالییا چکیلینده تئزماشینان انیب بیر سیکاراتینن کونلون آلاندان سونرا.نئچه وئره جکسن سوروشاندا .گوجو پیسلیگینن آلتی باتمان کومور اوچ تومن پولا کستمک کسیب ناهاردان سونرا یولا دوشدوک.یولون داش کسه یینه باخمیاراق ماشینی قازلایاندا یول آغزی کددلرین بیرینده تورموزلاییب آخشام نامازی یوبانماسین دئییه وئریب قیراغا ال تورموزونو چکدیم.آز چوخ قیبله حاجاته دوردوممال ائله ییب قاییداندا گوردوم .کندین جاماهاتیندان بئش اون نفر ماشینی دوره له ییب خیپی قربان نان گئدیشیرلر . ییتیشیب سوزه قاتیلاندا بللی اولدی بو کده بیر کیشی الله ایرحمتینه گئدیب. اولو صاحاب قربانا اون تومن پول و بیر تلیس ده کومور بویون آلیر کی گئجه مچیده اولونون یانیندا قالسین.آخی بیلیرسیز اسگی چاغلاردا پاییز ویاخود قیش گونلرینده بیری اولسیدی اونو مچیده قویوب آشیری گون باسدیراردیلار.یول یولداشین یاریدا قویان قربانی طاماح آللادیب.گئجه قارانلوقوندا مچیده ساری موشاییت اولوناندا منده تک باشینا اوز یولوما داوام ائله دیم .خیلاصه جاماهاتین ال ایاغی چکیلنن سونرا یاواش یاواش قربانی فیکیر خییال گوتورور.گوزلری مچیدین اورتاسینا اوزانان اولوده اولسادا قولاقلاری در دوواردان گلن سسلری دریب هردن هردن خافلانیردی.اوچ دورد یول یاتیب بو شری باشیندان سووماق ایسده ینده جانی قاشینان کیمین  یوخوسو گلمه ییب. ناچارچیلیقدان منبری زادی شاققالاییب اوجاغا توکنده کوینک شالوارین چیخاردیب بیت بیره سینه اوجاغا سیلکه له یینده لاپدان اولو وریندن سس گلیرکی دوووووورررررروووووم .خیپی قربان اوزونو ایتیرنلر کیمین ایکینجی سسی ائشیدنده پال پالتاری اورادا قویوب لوممه لن لوت جانینا یئر آخداران کیمین دیرکدن شبستانا شبستاندان مچیدین دامینا چیخاندا دیلی توتار توتماز الین قولاغینا قویوب آذان وئرنده؛   گئجه یاریسی ناماز اولماز دئییه جاماهات توکولوب چوله بئله صحنه نی گورنده قرباننان سوروشورلار کی نه اولوب؛  جاماهاتی گوروب اورکله نن کیمین اوزون دامنان آرواد اوشاغین ایچینه  آتماق ایسدهینده الینن مچیدین ایچین گوستریب دیلی توتار توتماز دئییر اولللللللو ؛اولوووووووو  ؛دیررررررریلیب .......................

 قدار ایرضاخانین یوموروقو آلتیندا تاپدالانان تورک خالقی اوز وارلیقینی گوسترمه اوچون دیدیشیب حاققینا ال تاپانالار کیمین 1324اینجی گونش ایلینده گونئی آزاربایجان ینی دن اوز دولت چیلیگینه مالیک اولماقینان بولگه لره آراسی صدیر سئچیلنده سیید جعفر پیشه وری نین یاخینلاریندان اولان تانینمیش عم اوغلوسومیر حیدری ده خالخالین بولگه سی نین خورش روستم(قیزیل اوزون) ماحالینا صدیر سئچیلیرمیللی حوکومت گوندن گونه اولگه میزین چیچکلنمه یه دوغرو یول آپاران کیمین میر حیدر ده اوز ایشینه باشلاییر؛خالقین عار نامیسینا ال اوزادان اکبر خان عسکر خان آدلی گیزازخان لاری ایشلری چتینه دوشوب میللتین اینتیقامینا معروض قالان کیمین گئجه ینن قادین پالتاری گئیینیب اوزلرین کسه یولونان میرحیدره یئتیررکن جانلارینین قورخوسوندان باشلارینا قرآن آلیب اوندان آمان ایسته ییرلر؛ میرحیدر ده ایشی بئله گورنده اینانمیش بیر موسلمان شیعه کیمین الین موققدس اولان قرآنین اوسدونه قویوب آند ایچیر کی تا نَقَدرمن  وارام سیزه زوال اولماسین .دولت آدامی میرحیدر  دئدیگی کیمینده بیر ایل تامام بو ایکی قارداشین یئمه گینن توتموش یاتاجاقلارینه کیمین اوز جیبینین پولوینان تامین ائله ییر .بیر ایلدن سونرا ییرتیجی اویونبازلارین الینن میللی حوکومتیمیزه خطره دوشن کیمین میرحیدر جانین گوتوروب چوخلو داغ دره لرده آوارا گزندن سونرا ناچار چیلیقدان سوفراسینین باشیندا بیر ایل امن آمانلیقدا ساخلادیقی نانکور اکبر خان عسکر خانا پناه گتیریب عین سووالی بونلارا وئریرکی سیزده منیم دارما داغین گونوموده دادیما چاتین . گیزاز خانلاری بیر آز مودت یانلاریندا ساخلادیقی قوناغین اولوب قالانین  الیندن آلاندان سونرا بیزیم کدده آمان یوخ دئییه آپاریب خالخالین نیخرم کندینده خیرواله آدلی رعیتین سامان انباریندا گیزله دندن سونرا دولت آدامینا خبر وئریرلر کی میرحیدر بیزیم الیمیزده دیر ؛ نم نیشانین دوز گوتوروب گلن تولکو باشیجی لاری بو خالق فدایی سینی هَدَه قورخوایلا یاخالاییب شهره آپاراندا محکمه سیز اولوم جزاسی قرار وئرن محمد ریضا شاهین تپه گوز قولدورو بونو اولدورمک ایسدیینده میر حیدره سووال وئریر کی سون سوزون وارسا دِء یوخسا دون کوره یندن ویراجاغام بیر عومور غیرتله عومور سورن میرحیدر بئله خایینلیقی گورنده ال آتیب یاخاسینی آچاآچا دئییر من شرفلی اولومه دال چئویرمَرَم ویر اوره ییمین باشیندان...................

*گزاز -نیخرم -خالخالین (خان اندبیل) مرکزی بخشینه تابع اولان کددلرین آدیدیر

قونشوموز ایثبات دئییر ؛هردن یئری گلمیش کن ائوده زاددا قش بازلیق ائله ییب ایشمی آشیریرام؛آرواد چورک آل دئیینده قیچیم آغریر؛یاخچالی یاپیش چکک اویانا بئلیم آغرییر؛دور آلتیووی سوپوروم ناخوشلامیشام ؛هردنده باشیما قیشقیریب پول مول ایسده یینده الیمی آتیب دوشومه وای اوره ییم دئییه قادا بالادان قوتاریرام؛ علاوه ائلیر کی او گونلری گئجه ایشیم راست گلمه ینده قیشقیر باغیر سالدیم کی ؛ آی فیشاریم قالخدی منی خسته خانایا چاتدیرین؛بیر ماشین چاغیریب خسته خانانییا ساری گئجه یاری یوخوسو کال اولان ائو آدامی قارقوش ناله یینن دوروب منی موشاییت ائله یینده یول اوزونو بوغوشا بوغوشا خسته خانایا چاتیب سول قولومو چیرماییب دوکتورون قاباغیندا اوزاداندا خبر آلدی کی جانیم نه ییدی ؛ساق الیمینن آروادی گورسه دیب دئدیم ؛آقای دوکتور منیم قندیم وار بونون که کیره سی ...............

*که کیره - بیر آجی بیتگی دئمکدیر

شر شابانعلی دئییردی .بیزیم اوغلان کمیته ایمداد حئسابینامین نوصیبتینن درس اوخویوب آدام اولموشدی.اوزوده مومن موسلمان اولدوقونا گوره شهرین بویوک باشلاریناقوشولوب حکومت یانیندا اعتبار قازانمیشدی.آرواد آلماق عوضینه میللت وکیلی اولماق عشقینه دوشن گئده چه هر دورد ایلدن بیر قوهوم اقربه نی ییغیب کاندید اولماق ایسدییرم دئیینده طایفانین آق بیرچه یی قیز خانیم خالااونا ائولنمه میشدن قاباق بو ایشین ایمکانی یوخ دئییه  موخالفت چیلیک ائله ییبب آشینا سو قاتیردی.بو ایلده ینی دن اوچونجو دونه دپتاد اولماق ایسده ین نوکرچه ز قاباق کی ایللر  کیمین ائل طایفانی ییغیب سوزون باشین آچاندا قیز خانیم خالا ائولنمه ینه دپتادلیق یوخدی دئمه یینه گوره مجلیس ده ایشتیراک ائله یینلر اعتراض قالدیریب ایاغا دوراندا؛ الینن توخدالیق وئریب اوتورون یئره دئیینده  بئله بیر ناغیلین باشین آچدی .

اوول اینقلابدا مئشه یه هایی دوشور کی شهرده شیخ آقانین باشچی لیقینان ماخلوقا تویوق سهمیه سی وئریرلر تولکولر بو خبری ائشیدن کیمین خورلاییب تویوق سهمیه اولماز دئییه شهره یوروش ائله میشدیلر .شیخ آقا جانابلاری ایشی قارشیمیش گورنده امیر وئریرکی تولکولرده گلیب شهرده هالای(صفه)دوروب اوز تویوق سهمیه لرین آلا بیلرلر.قویدوقلاری قارال باشا چاتان کیمین گونلرین بیرینده تولکولرین عایله باشیچیلاری شخصییت وثیقیلره الینده  شهره آخین ائله ییب . هالای قوراندا .شیخ آقا نئچه ماموری بو ایشه ایرسیده چیلیک ائله مه اوچون اللرینه بیر پیچاق بیر مژمه وئرنده امیروئریر کی آمار توتماق اوچون گئدین تولکولرین خایالارین کسین گتیرین هر جوت خایا آی باشی بیر دنه تویوق اونلارا وئریلسین. دولت ماموری بیر باشدان گلیب تولکولری آخدا ائله ینده صفین اورتاسیندان بیرباشی توکسوز تولکو قوزانیب بو ایشه اعتراض اولاراق های باسیر کی آی آقااااا اولماز ائله اوول سایاسیز سونرا کسه سیز ..............آخداقچی مامور جاوابیندا علاوه ائلیرکی یوخ جانیم شیخ آقادان تاپشیریق وار کی بیز اوول کسیریک سونرا ساییریق ................