تونقال

+0 به یه ن

گئجه تونقالی

ایتمیش کاروانی یولا چاغریر آهای....

دئیرلی یولداشلار هر هفته شنبه گونلرینده تونقال یازیلاری ینی لنیرتشریف  بویوروب ایزلییه بیلرسیز

قلئی چی مورتوض

شیرین گولوش لریمه باخمایین

ایچه ریم آجی گوینرتی له رینن

دولودور دولو

www.tungal. arzublog.comتونقال آرزی بلاکدا

حورمتلی یولداشلار تونقال یازیلاری بوندان بئله آرزی بلاکدا ایزله یه بیلیرسیز

مصلحت نیظام ..........

+0 به یه ن

 اشی موسلمان چلیق قالماییب کی ددده ددلیگیم اولندن سونرا یئتیم

قالدیقیما های هار اییما سس وئرن یوخدورباخ ؛اشی دردیمی کیمه دئییم

 من کربلایی تیرامپین اؤرتانجیل قیزین ایسته ییرم ؛بیر بئله قوروم

قونشودان بیر الله آدامی تاپا بیلمیرم کی ائلچی لیگه گوندریم ؛

خالام اری:

 اشی اودا خالا خانیمی بوشایاندا کبین طالب ائله دیگیمیزه گوره؛

اوزوموزه گلن دویوشه حاضیرلیق ایشلری آپارارکن الن بیزه  قارشی

چیخیب منیم گله جک حورمتلی قایین آتامی هده له ییرک گونده

قادینلاری باشینا ییغیب طییییییی اولکه لرآراسی شهرو کدلرده  آکسییا

گئچیردیر؛

دئییرم دویوش توشسه

ائیه نه دویوش باخخخخخخخ: آداقلیمین ضربینن باشیما هاوا زادگلیب

 هاااااااااااااااااااااااااااا

سوزو یادیمنان چیخماسین قدیم زامان بیزیم بو اؤرت باسدیر ماحالی نین

مولکه داری آبیش خان ترس آواکند خیرشرینه گلنده؛ آراسیرا هم کددیمیز

صفی علی مچیدده اونون یئرینده اوتوروب چوله چیخاندادا ایاق قابیلارین

گئیمیشدیر؛گاهداندا تنگه باجادا اونون یانیندا الین شالوارین جیبینه  

حاجی آبیش آغیزین آچیب دانیشاندا سوزونه گیریب بیله سینن آغیز

کپی ائله ییردی؛لاپدان ایجاره سین زاددیندا کسیب ایلخی سوروسی

آتلارینا زیان ویریردی؛ایشین سونوندا هانپانین اوچونجوآروادینا موشتری

چیخیب بوشاددیریم آلماق ایسته ینده ایشلری عدلییه ایداره سینه

دوشرکن نئچه ایل بو محکمه اوزانان کیمین ؛سونونجو دفعه ایداره وریندن

صفی علی کیشی  محمکه یه جلب اولونوب نئچه گوندن سونرا کنده

قاییداندا قوهوم اقربه بیله سینن سوراندا کی ایشیز هارا چاتدی؛ صفی

علی معللیم یئنی دن سول الین شالوار جیبینه قویوب ساق الینن لبه دار

بورکون آلینینا چکیب جاواب وئریر کی والله ایداره منی محکوم؛ ائله دی

امما من محکوم اولمادیم................................

محی و تحی:قارداشلاری

+0 به یه ن

 

آخشام ائوینه دده لری اولوب اوزادیب ائوین اؤرتاسینا

تهی د.ئییر :محی قاغا اوی محی قاغا یوز یول دئدیم بو خارابا نوزول بانکیدان وامنان زاددان  گوتورک ایندی دده  اؤلدی پولوموز یوخ نه ائله جه ییک باخ؛محی:دیزلرین قوجاقلاییب جاواب وئریر؛نه بیلیم آخی دور کول قابین گتیربیرا

سوندان سیگارئتین آلیشدیریب؛ساغ الینن اولونی گوستریب دئییر؛بونا دئیین یوخدی ائوی ییخیلان سن کی گورورسن الیم بوشدورآخی ایندی اؤلمک واقتدیر؛

تهی ایاغ باش بارماغینداکی سینیق دیشینه سالا سالا محی یه های باسیر کی یاواش دانیش قونشولار ائشیدر

محی قاغا علاوه دن اوزون بالاجا قارداشا توتوب سوروشور؛ دئییرم گوره سن نقدر خرجیمیز چیخاجاق؛اودا الین قالدیریب جاواب وئریرکی  نه بیلیم آخی بیر چانتا

خولاصه ایکی قارداش اؤلو وسطده گئجه یاریسینا کیمین باش باشا چاتیب صالاحلاشاندا نه بیلیم بیری دئییر اوزموزه وئرک اوروشوت ایداره سینه بلکه؟

آخیردا بئله قراره گلیب هیچ کس بیلمه سین ائوین دال حیه تینده چالا قازماغا باشلاییرلار دده نی گوملاسینلار

صوبح آذان الله هکبر یوخونلاشیب قاپیدا وای شوئن دوشنده چیخیب گورورلرکی هاماش باج اوغلو مینی بوسی  ساخلاییب ماشینان دوشن باجیلار ال آتیب باش گوزونه کی آی گولو بورنوندا ددم ایوای؛

قونشولاردا هایا توکوب گللرکن: گون چیخیب چیخمازبیر دفعه گورورلر تعجیلی یاردیم ماشینی(آمبولانس)وپاسگاه مامورلاری قاپینی آلدیریبلار؛قونشولارین نئچه سی الله ایرحمت ائله سین اولونو یوباتمازلارگوتورون محی دئییر ناچارچیلیقدان بیزده دوشدوک بونلارین دالینجا خسته خانایا؛محی علاوه ائلیردی کی گئده گئده یول آغزی بیر ایکی یول اوزومووئردیم ماشینین قاباغینا کی آی جانیم اولونی خسته خانایا؟محمدی یه صالاوات حواله ائله یه ائله یه گیردیک دوکتورون اوتاغینا اوچ دؤردگون قاچا قاچ ائله ییب مراحیل قانونی طیییییی اولاندان سونرا؛حئساب کیتاب ائله ییب ناقابیلدی الله ایرحمت ائله سین خسته خانا پولو  18575000تومن 200000مین پزشک قانونی 300000مین شهرداری 160000ایداره اوقاپ 400000تومن آمبولانس کرایه اولو یووان کفن پولو ناماز پولی نان قبر پولوندا اورادا وئره جکسینیز ؛دئییردی هاماش باج اوغلو یانیمیزدا ایکی قارداش بیربیریمیزه باخیب ایشی بئله گؤرنده محی قاغا تهی نی یانالاییب دئییر؛گل ائله اولونو بیرادا قویوب بوروغو دونک ؛

تهی تعجوبلنه رک دئییر  یوخ بابا عایب ایشدیر جاماهاتدا قاپیدا؛اوزون چکیش برکیش دن سونرا تهی قارداشی خسته خانادا گیرو قویوب اولونی گوتورورلر میرده شور خانایا؛ زنن لرده اوزلرین دویه دویه جاماهاتین دالینجا  اوغونوب هامارا اوزانین  بوغازینا سو توکوب ماشینلارین بیرینه اوتوردولار؛

محی قاغا خسته خانانین حئسابین ائله گؤرنده اوره یندن آلینیب نه ائلمه ینده پیلان توکنده یول اوزونو هاماش باج اوغلونی یانینا آلیب قولاغینا نه ایسه پیچیلایاندا میرده شیر خاناچی اولویووان ایشین قوتاریب ایرحمتدیگین آدام نفرین چاغیراندا محی قاغا هاماش الیندن یاپیشیب تئز ایچری گئچنده دالدان قاپینی دارلاییب الدن سویونوب اولونون کفنین اوزونه بورمه له ییب تابوتا اوزاناندا قاپینین یانین آچیب دده نین اولوسونی دال قاپیدان هاماشین دالا وئریب یولا سالیر؛ ماخلوقدا خیلک گوزله یندن سونرا ایچری توکولوب آق ساققال لاردان بیری گلن ایاقلاریز آغریماسین اولونی یوباتماق اولماز سورقی سالاواتینان تابوتوگوتوروب گئنشلیگه قویاندا شیخ آقادا تویوش تویوش ویرا ویرا اوزون یئتیریب صفین قاباغی اولونون باشی اوسته عربدن عجم دن اوخویوب اففک اففک دئینده لاپدان محی قاغا تابوتون ایچنده دوروب اوتورور؛جاماهات توکولوب اولونی دویشدیرنده شیخ آقا اوزون یخیر تابوتون اوستونه کی آی جانیم ویرمایین کی منیم حاققیم باتار............................................       

*محبوب- مَحی قاغا

*طهماسیب-تهی

موشکول قانونی

+0 به یه ن

آلو آی آلوسن کیم سن جعفر آقا ائیه جعفر آقا کیمدی باخخخخ سعف توتوبسان دستکه یی یئره قویوب ایاق یولونا گئچنده یئنی دن آرواد های باسدی کی آلا  تلفونون زنگ چالیر؛منده ائله شالواریم آشاغیدا قالخیب  قاپی نین یانینان تلفون آلیب ایشیمه داوام ائله یه ائله یه سس سالدیم آلو آیییییی آاااااااالو سن کیم سن او طرفدن سس گلدی کی من سنین قارداش لیقین جعفر آقایامدا؛هن لاپدان یادیما دوشدی شیخ آقانین بیر اوغلو قاچیب یئنگه دونیادا یاشاییر ؛ایخیلاس زاد ائله مه ییب هااااا بیزدن اوجور ایشلر چیخماز؛

تانری عومور وئرسین بیزیم دددد دلیک شیخ آقایا محکمه چی اولدوقونا گوره طییییییی جاماهاتی یولونا قویوب بوشاننان قادینلاریندا ایشینه نوبات کانار باخیر؛هردنده ائله بیر یئره سفربر اولاندا من اونون تاخدینا چیخیب موشتری لری یولا سالیرام؛تانری سیزه قیسمت ائله سین بو ایلده حاجی اؤن اوچ دونه ماسکووا زیارتینه گئدنده لله شون یانی بنده محترمه اؤن گون لوک دددد  دلیگیم یئرینده قانون قضا ایشینن مشغول اولاندا هر گونده اوممت خیزب الله خیدمتینده اولوب جوره به جوره محکوم لاری حوضوروما گتیریب منده شرع موققدسین حوکمینن اونلاری جازالاندیریرام؛بئله باشیم شولوغدور هاااااااا واقت تاپیب نامازیمی قیلا بیلمیرم؛طیییییییی ماموردی محکوملارین قولاغیندا یاپیشیب هر اؤن دیقه دن بیر یانیما گتیریر

 هر گون اولدوقو کیمین بوگونده سحر تئزدن الله سنه توکل ایشه با شلاییریق؛

سیفته بسم الله  قاپی چالیناندا گورودوم بیر کل پئیسر مامور بیرین یاخلاییب گیردی اوتاغا؛اوزومو توتوب مامور ا دئدیم خیر اولا

تویوش ویرا ویرا دئدی آقای قاضی بوسابیقه داربیر اوغرودورهر گونده قونشولارین زیبیل قابی لارین آخداریر؛

امیر یازدیم  کی گوز آلتی ساخلایین گئچمیشین آراشدیریم

ایکینجی مامور:بیر قادین بیر کیشی نی گتیردی کی آقای قاضی بوایکی نفر نامشروب ایش گوررکن پارکدا بیر بیرلرینن دانیشر دیلار؛بیرکاغاذ یازیب زننی آزاد کیشینی هئله لیک حبس خانایا گوندردیم

اوچونجو مامور:قاپینی چالمامیش بیر یئنی یئتمه قیز اوشاغینی کوپک قاریشیق گیتیردی کی آقای قاضی بو خیاواندا ایت اوینادیردی؛اینظیباتی ایداره سینه کاغاذ یازدیم کی شهرین میدانیندا باهالی ایته اوتوز شاللاق ویراندان سونرا ایپین آچیب هامارا اوتورسن

دوردونجو مامور:بیر زننی گتیردی کی آقای قاضی بو کوچه ده ماتور مینیر؛قانون کسدیم کی ماتورون الیندن آلین اوزونوده گلن جوم آخشامی یانیما گتیرین

بئشینجی مامور: اؤن بئش اؤن آلتی نفر آرواد کیشی ایچری توکنده وورقولادی کی آقای قاضی بونلار تویدا اویناییردیلار؛امیر یازدیم کی کبین کاغاذین آلیب جیراندان سونرا اوینایانلارین هره سیندن 500000مین تومن نقدی جریمه آلیب حئسابیما توکون

آلتینجی مامور:ایکی نفری گتیردی نه بیلیم بیری آفدافا اوغروسو او بیریسیده عدالت خانانین دووارینا ایشییب؛ منده جاریه مملکدن قانون اوزرینده  اوغرونو بیراخیب دووارا ایشی ینه اؤن بئش ایل حبس جزاسی وئریب یولا سالدیم

یئدینجی مامور:بیرین دویه دویه ایچری سالاندا علاوه ائله دی کی آقای بو مورتد موحاریب شیل علی نین تویوغونا داش آتیب دئیینده هاس باسدیم آی اینگلیزین عاملی سنی امیرکه اورگه دیب امیر اوزونو داش قالاق ائله سینلر  

آذان الله هکبره یوخونلاشاندا سگیزینجی مامور:بیر آلتی نفرلیک عایله نی ایچری گتیریب های باسدی کی آقای قاضی بو دین سیزایمانسیزلار شرع موققدسین امریندن چیخیب اولمه میشدن قبیرده یاتیرلار؛منده عدالت برقرار اولماق اوچون امیر وئردیم کی هاممسین اولدورون موشکول شرعی و قانونی برطرف اولونسون....................  

تالانمیش فاطما

+0 به یه ن

 یئنی یئتمه  فاطمانین آتاسی ایسماییل آقا1325 آدلیم فیرقه چی اولدوقونا آییری قولداشلاری ایله بیرگه محمد ریضا شاهین زاوالینا تورش گلن کیمین یوخا چیخمیشدیر؛او چاغلار فیرقه چی عایله لریده حوکومت وریندن گوز آلتی نا آلیناندا ایسماییل آقانین اولوب قالان واری شاه و  شاهین یاشیل چیراق وئرمک عرفه سینده قددار خانلارین الینن تالانیب چتین وضییته دوشموشدولر؛بو قارما قاریشیقلیقین ایچینده یاشایان یئدی نفرلیک  باشیسیز عایله گونده یئمک ماییشی نا گوره الدن آمانا قالاندا دوققوز یاشی چاتمامیش  فاطمانی مجبورییت قارشسیندا اوزاق کدده بیر یاشلی کیشی یه اره وئریرلر؛آنا بالاسی نی چیراق سیز جئییزسیز ار ائوینه یولاسالاندا اوره یندن گئچن آرزیلارینی گوز یاشلاری لا تسلی وئریب گئد بالا خییر گوره سن دئییه قالان یئتیم اوشاقلاری نین قایقیسین چکمه اوچون اوز ائو ائشیگینه قاییدیر؛امما  فاطمانین گئدیگی عایله ده اونا یاد گلرکن آتاسی یاشدا بیر کیشی ایله باش یاستیقا قویماغی اونا اینانیلمازاولاراراق آلتی یئدی آیین گلینی اولماغینا باخمایاراق قارنینداکی اوشاق اونو ایکی جان آراسیندا ساخلامیشدیر؛اوچ دورد یول اوزون اولدورمک ایسته یین گلین بالا شیرین اولار دئییه  بو ایشدن واز گئچنده؛ سازاقلی داغلارین باشینا قار اوتوران چاغ؛ گونلرینین بیرینده اوزون هورکک دالغالارا تاپشیران گمیچی کیمین آخشام قاش قارالان واقتدا قارنینداکی بالاسی ایلا بیرگه بوقچاسین گوتوروب شاختالی قیرو لی پاییز گئجه سینده نه باشینا گلمه یی گوزونه آلاراق یئدی سگیز آغاجلیق کسه یوللارینان تالانمیش آتا سی نین یوردونا اوزتوتور؛

آخی بیلیرسیز اونون آناسی  یتیم اوشاقلارینین قارین دویورماق اوچونبیر آییری کیشی ایله یئنی دن عایله قورموشدی؛بو کیشی ده کند ایجتیماییتینده یئرلی اکینه جک ایشینه مالیک اولدوقونا گوره اونلارا پناه وئریب اوت اوجاغی نین باشینا ییغمیشدی؛امما آز یاشلی گلین خایلاقی گئجه قارانلیقیندا بوتون تهلوکه لری نظره آلارکن یئددی آغاجلیق مصافه نی کر کسسک یوللارینان بئله ؛قورخولی سحرین دانی یاریلاندا اوزونوعایله سینه یئتیریب آنا بالانی بئله دهشتلی هیجانلارایچینده گورنده دیزلرینه ویریب آنان اولسون بالاگئجه قارانلیقندا قورخولویوللاری نئجور گلدین دئییه جانین پاراسی ساییلان بالاسینین اللرینی الینین ایچینه آلیب یانار تندیرین باشیندا یئروئریر؛بیرنئچه هفته گئچمه دن گلین خسته دوشوب اوشاغینی اولو دونیایاگتیریر؛بو دهشتلی حادیثه دن تالانمیش فاطما اولمه دی امما؟؟؟

دئییرم گوره سن موسابیقه نین غلبی کیم اولاجاق.........................

+0 به یه ن

قالایچی مورتوض دئییر اوشاقلار هاممیسی ائوله نیب اوت اوجاق اولاندان سونرا منن بو خویلو خانیم ائوده تک قالیب داریخاندا هردن نوه لری زادی  اوروشوتیننده گتیریب ساخلایاندا شیللاق آتیب گئدیرلر؛اودورکی آروادینان ائوده چوخلو گوتورقوی ائله یندن سونرا بو قرارا گلدیک کی قولاغیمیز کار اولماسین یئنی دن بیر اوشاق گتیرک؛دوکتور جئری دورما گلدیم دئییه ؛آروادی سورویوب خسته خانایا مایناتدان گئچیرندن سونرا اوزادیب تاختدین اوستونه سوممه له ییب آچاندا سونرا میره خصت اولدوق؛یئنه بیر ایکی اوچ گوندن سونرا ار آروادینان دوروب خسته خانایا گئدیب دوکتور جئری سوروشاندا خیر اولا؛ باشیمنان پاچامین آراسین گوستریب دئدیم نه اولاجاق  منیم کیده ........... آخییییی ؛ ته به ایاق بیر نوسخه یازیب  بیزی نوباتسیز یولا سالدی؛یئنه بیر اوچ دورد گوندن سونرا  ارآرواد یانلاریمنیزی باسا باسا اوزوموزو خسته خانایا یئتیرنده دوکتور جئری ده جاهاتین ایچینده اوتاقیندا چیخیب سالونده بیزی گوروب سوروشاندا  دای ندیر؛یئری یه یئری یه گوبه ییمی قاباغا وئریب ساق گورستره گوستره دئدیم نه اولاجاق گل ایندی بونو یاتیرد باخخخخ؛

بیزیم بو خیرخواهانه ایشیمیز اوشاق چوخالماق جریانی باش کندین سیاستلرینه اویغون اولاراق ایقتصادموقاومتیدئییه ایداره لر طرفینن آلقیشلانیب ترس آواکندینده بیرقوسماق یاریش موسابیقه سی قویوبلار؛کندین آشاغی باشیندان ؛فهله میروت؛ کندیندن اورتاسیندان؛ قارینپا وکیل؛وکندین باش طرفیندن ؛کاتدا ایسلام؛ بو چنپیونا قاتیلاندا داورلرین  ایزحمت  محصوللار و کندین جاماهاتینین ایشتراکینان موسابیقه باشلاناندا اول باشدان فهله میروت باشین آشاغی ائییب هر نه اوزونه گوج وئرنده طییییی کوپوک قوسوب؛ نوباتین سوواندا قارینپاوکیل باشین ائییب دمیردن دکلدن نئفت گمی سیندن زاددان قوسوردی؛امما کاتداایسلام نوبات چاتاندا اطییییییییییی آدام باش قولاغی زادی قوسوردی باخ.......................    

گوره سن مجلیسده کیمین ایکی آروادی اولابیلر......

+0 به یه ن

 

گوره سن مجلیسده کیمین ایکی آروادی....................

ایبراهیم(ایبیش) نئچه ایل  آداقلی سینان نامزد قالاندان سونرا پول تاپیب آروادینی گتیره بیلمه ینده قیز باشقاسینان ائوله نیب اره گئتمیشدیر؛اوندان سونرا یازیق ایبیشین باشینا هاوا گلیب هردن اوز اوزونه ساناخلاییب یول گئده گئده دانیشیب ائله ییردی؛هردندنده اوزون کمیته ایمداددا زادا وئریب یالوار یاخارائله ییرکی اونا نیمداشت آرواد مارواد تاپیب الله یولوندا احسان ائله سینلر؛اوگون حضرت حجته السلام حاج آقا پوتینین دده سی نین اوچی گونو ماخلوق مچیده اولاندا ایبیشی باشی گیژگینلی ال ایاقی پالچیقلی ایچری سوخولوب  خیلک ماخلوقا سای گئچندن سونرا  لاپدان اوزون توتدی منبرین یانیندا اوتوران آق ساققالارا کی آی آقا بیرداکی کیمین ایکی آروادی وارسا بیرین ..........................دئییه نده هاممی  گوز آلتی شیخ آقایا باخیب گولنده  نه بیلیم اوشاقلارین بیری قولوندان یاپیشیب الله ائویندن کنارلاشدیرلار؛اوگونده گئجه یاریسی محلله مامور توکولنده های دوشدی کی نه بیلیم ایبیشی گئجه یاریسی بیرینین پنجره سینین شوشه سیندن  ایچری باخاندا باشی دمیر نرده لر آراسیندا گیره ائله ییب؛ چیخماغینا اره چککوش گتیرن پاسگاه ماموری چوخلو دویشدیریب باش قولاغین ازندن سونرا ؛ گورور لر کی عاقلی باشی یوخدور ائو صاحابینان ایرضایت آلیب بیراخیرلار؛نه بیلیم  هردن جوم آخشامیلار یورقان آلتینان دده سی ایله ننه سی نین گئجه  لاس تیوه کینوون ایزله یین ایبیشی نین بو عملی ایرسانه اولاندا جوم آخشامی گئجه لرین بیرینده دده سی اوجا سسینن چاغریب دئییرکی ایبیشی بالاما قوربان دور یات صاباحلاری تکرارینا باخارسان

بو سئگی احوالاتی.......................

+0 به یه ن

شافاقینان آفاق اورتا مکتب ایللریندن بیر بیرلرین سِئویردیلر؛اوشاقلار مکتبدن چیخیب داغیلاندا اونلار اوزلرین تر تئله سیک باغ باغچا گوللرینین آراسیندا گیزله دیب هیجانلابیربیرلرینن پایلاشاندا گله جک گونلرینه اومود باغلاییب قیزیل کورپولرقورارکن گاهداندا گوز یاشلاریلا بیر بیرلریندن آیریلاردیلار؛شافاق بیر یئنی یئتمه اوغلان اولاراق هئله اوزونه توک چیخمامیش سئوگی تامینی آفاق خانیمین گوبَه لک بویدا تئزه دیککه لن جوت ممه لرین و اوزون قارا ساچلارین ویاخود آل یاناقلارین گورنده گویون یئدینجی قاتیندا اوچان قارتال کیمین اوزونه سیخماییردی؛عومور آخساق دَوَه کیمین یاشایشین انیش یوققوشونو چیخاندااااا؛داها ایکی گنجین بیر بیرلرینه خوشدارلیقی آرتماقینان بو های هارای دا ائل اوبادادا یاییلمیشدی؛امما شافاقین گله جک یاشایش شیرینلیگینه آجی تام قاتان فلک بیر آغیرماشین یول قضاسیندا  اولومنن جان قوتارسا اوز گوزو یانیب نئچه آی خسته خانالاری دولانان سونرا ؛ ظاهیری گورونوشی یارارسیز حالا دوشوب بیر عیبه جر کیمسه یه چئویریلمیشدی؛امما آفاق خانیما اولان محببتی اوره ینده سونمه یین گنج قوردوقلاری ایلقار اساسیندا قیز قاپیسینا ائلچی گورنده آتا آناسی قیز آدینان یوخ گئدمه رم دئییه  ائلچی لری الی بوش قایتاراندا؛دونیا شافاقین باشین دولانان کیمین ایکی الین باشینا قویوب دیزلری اوسته یئره چوکور؛امما یئنی دن اوزونه اورک دیرک وئرن اوغلان اومودون تانریدان اوزمه ییب آفاق ایلا بیر بیرلرینه یئتیشمه یی اوره یینده دیری ساخلاییردی؛هفته لر آیلار گئچن کیمین شافاقا خبر گتیریرلر کی سئودیگین قیزی اره وئرمک ایسته ییرلر؛بو گوزله نیمز خبردن بالاسی ایلان آغزینا توش گلن گوئرچین کیمین اوزونو داغا داشا چیرپان شافاق یوخونداکی ایمامزادایا داخیل دوشوب اوزون باغلاماقلا دوغرو اینانج عرفه سینده بو مزار صاحابینا یالوار یاخار ائلیرکی بلکه اوز ایسته ینه نایل اولسون؛نئچه گون گئچمه دن داها بیر سارسیدیجی خبر گلنده کی قیزی آداقلاماق ایسته ییلر ؛الی الدن اوزولن شافاق ایمامزادایا اوت وئریب اورادان اوزاقلاشیر؛اوزاقدان اوت آلووی گورن یئرلی جاماهات توکولوب اوتو سوندورندن سونرا سببکاری داغ دره دن تاپیب دولت مامورینا وئرنده جازالاندیرماغینا قرار ایسته ییرلر؛بیر نئچه گون محکمه دن سونرا شافاق ویریقینلیقی نین قالان حیصصه سینی دمیر قانداللارین  قاتیندا قالماق قراری ایلا زیندانا یولانیر؛بو سئوگی قوشونا دونن گنج ایاغیندان باغلی اولدوقونا گوره قاناد چالا چالا اوچماق ایسته ینده قاپیلاری اوزونه باغلی گوروردی؛یئنی دن بو سئوگی احوالاتی بیر های کوی کیمین بولگه ده یاییلاندااااا دور اطراف خیر خواه آق ساققالارین یاردیمینان ایمامزادانین یئنی دن قورما ایشلری گئدنده شافاقیدا محبوسلوقدان قوتارماق اوچون عدلیه ایداره سینه موراجعیت ائله ییب اونون آزادلیقا بیراخیلماق کاغاذین آلیب گلن گون زیندانا موراجعیت ائله ینده گورورلر کی شافاق گئجه قارانلیقیندا دمیر مفتیللی دووار اوستوندن قاچماق ایسته ینده مامور گولله سینه توش گلمه ینن گله جک طمطراقلی تویونو یاسا چئویرمیشدی .......................

آخی بیز شهره کوچه لی................

+0 به یه ن

بوگون جوم آخشامیدی قارا تونقال گوی تونقال نه یازیم آخی؛دونن مامور گلمیشدی گازی قط ائله یه یالوار یاخار ائله ییب ایگی گون واقت آلمیشام؛کوپوی اوغلو بودولت بیزیم اوش دورد تومن یارانه نی وئرسیدی گازین برقین و سویون  پولون توکوب بیرآزدا ائوه ات دوگو و یئرآلما سوغان آلاردیم؛منه باخ آآآآآآآآآ هوشوم یوخدوکی قونشوموز کربلادان گلیب اونون یانینا هیچ گئتمه میشم؛بیر پرده ده یازدیرا بیلسیدیم یاخجی اولاردی؛والله هیچ بیلمیرم باشیما نه داش سالام ؛هرکسی چینده ایشلیرم پولومو وئرمیرلر؛دده مین الله ائوین ییخیب ایکینجی آروادی آلالی دای بیزی توته ینده سایمیر؛یئنه هردن اونون سیکارئتینن گوتوروب چکیردیم؛قال گوروم کیمدی چاغریرائله بیل ننه مدیر هه قادان آلیم ندیر گلدیم ؛چوره آلیم؛آخی اویی ییخیلمامیشین بو قاردا بو سوئوخدا گورموسن باشماقیم جیریلیب؛اوبیری چکمه لری گئییم اولاریدا سنین قالین قافا اوغلون گئییب؛ الن ایاق یالینام ؛هئله اوگون داییم زک ویریب های بیدریق سالمیشدی کد کددرایچینده آبیریمیزگئتدی ؛بو گلینی ناواق آپاراجاقسیز؛دئیین یوخدی آخی ایرحمتدیگین اوغلوبو بازاردا آرواد گتیریب ساخلاماق اولار؛گئتدیم بانگا وام ایزدیواجا دئدیلراوچ ضامین تاپ سورا گل؛ایشیمیز قالیب آقا ابلفظه ؛داخله تلوزیانیدا هر یئره ویریسان طیییی دسته چیخاردیبلار؛بیزیمده بشقابی یئل ائییب هیچ بی بی سی نی زادی یاخجی توتا بیلمیریک؛ بیر آز اللشدیردیم هن دئیه سن توتدی ؛امریکه دن دانیشیر؛سسین چوخالدیم گورک بو یئنگه دونیانین پرزدنتی نه ایش گوره جک؛او یاندان ننه م های باسیر؛آی دده سیز قالاسان او تلویزیانین سسین آز ائله باش بئیینیم گئتدی؛بالاجا قارداشیما اوز توتوب ؛ائده فرضی علی آلا بو یوزلوگومنه بیر ایکی جوت سیکارئت آل گتیر؛یوخ قاغا منیم درسیم  وارگئده بیلمه رم؛تراکتور چیخادانین اویی ییخیلیدی باخخخخ؛ بویوک کیچیک قالمییب کی هیچ کس هیچ کسین سوزونه باخمیر؛قالیب آقا ایمامیرزه یه آرا دوزلسیدی توی ائلییب دایی قیزینی گتیرردیم؛دئییرم آدامین بیر دنه پوللو دده سی اولا والله؛ننه مه اوز توتورام ؛آی ننه بو شوقریب سیخ سانجاقی قویموشدوم بیرا کیم گوتوروب؛ شالواریمیندا آغی جیریلیب هیچ اوزومون خبریم یوخ اوروسوای اولاسان خانم ایبتکاردره دولایی نین یاشیلاشماسین ایسده مه دیک منیم بو شالواریمین آغینا یئتیش قهبه؛دئییر حلبی ده آلدیلار یوخسا قوشولوب مدافعین حرمه سوریه یه گئتسیدیم اوول باشدا 15000000میلیون صاحابیدیم ؛اولسیدیمده جهنم داییم گیل خانواده شهید اولوب؛قیزلاریناجییزدن زاددان آلاردیلار؛اورتانجیل باجیمدیر؛تلفون زک ویریر گتیر گوروم کیمدیر حاجی ایبراهیم هن دئنن اویده ییم ؛ دسته یی وئرمنه ؛سالام حاجی نئجه سوز بویور قوللقوزدییام؛قونشونون باهالی ایتی دوشوب سیزین قویی یا ؛باش اوسته  بویورسان گلیب چیخادیم باخ؛بیزیم ائودن سووای کوچه میزده طییی نئچه مرتبه لی بینالاریدی؛کددن دوران قاچیب اهبر آبادا ؛ائله بیل ترس آوالیلارین یئنی دن اولوسو اولوب؛حاق قولودایی دا هرزامان کتدن گلنده گلینین قورخوسوندان داراشلیق نئچه مرتبه لی بینادا ایاق یولونا گئده بیلمیر؛نئینه سین آخیییی یازیق داغ آدامیدیدا؛یئنه گلدی دئیه سن آی قالایچی مورتوض بالا ائوده سن؛ ایستیرم بیر ایاق یولوزا گئچم؛بویور حاق قولو دایی بو نه سوزدی ایاق یولو اوزوزه راجع دی؛من حه یت قاپیسینی اورتنده زارت ائله بیل ایاق یولونا بمب قویدولا؛ اوزومده انبور دستینن سیخ دوزلده نه حاق قولو دایی چیخیب شالوارین زادین برکیدندن سورا الین چینمه قویوب دوعا سانا ائلییه ائلییه بیله می سوزه توتوب کی آی اوغول سن اوزون بیلیرسن هااااااا من سیزدن سورا هیچ کسین ایاق یولوسونا آفدافا گو گوتو تو تو.................................

گوره سن بیلاری کیم اوچوردوب...........................

+0 به یه ن

گئچن یول دئمیشدیم آخیییییی؛اوزوزدن ایراق کوپی اوشاغلاری منی گتیریبلر دلی خانایاکی نابامابا سن دلی سن؛

اشی دلی منم یا منیم بیراداکی هم تاخدیم دانا ترامپ؛

سیزه قیسمت اولسون امما قشک یئردی؛ گونده یولداشلارینان تپیک دویوشو اوینوروق قاپی پنچره شوشه سی سیندیریریق یئدیگیمیز قاجاغی تپیکله ییب ازیریک؛حامامدا بیربیریمیزی سورتوب قورآن خوانلیق ائلیریک ؛ هردنده دلی خانانین آقای دفتری یه کیتاب باشی آچدیریب گئچه جکدن گله چکدن باش چیخاردیق؛اوگونلری من یولداشیم  ماحمودباشیما بئش کیلولوق یاغ چلله یین سالیب دوممک ویراندا؛ قولاغین آغزیما سالیب چئینه دیگیمه  گوره ؛سوری یه سوری یه آپاردیلاراوسدا دفتری نین اوتاغینا کی  بو بیر تای قولاق چئی نه ییب

ایریئس منی بیر آز چوخ ازدیرندن سونرا ؛دئدیم  منه کیتاب  باشی آچارسان

بیرآز نوخود لب لبی جیبیبه توکندن سونرا تاخچادان کیتابین اندیریب واراقلایاندا؛ دئدی کیتابدا نه گورمک ایسته ییرسن

دئدیم نه گوره جه ییم ؛منی قایتار دالا اون بیرینجی بابامی گوروم

گوزلریوی یوم دئییه؛اوسدا شاییرد ال اله یاپیشاراق باشلادیق تاریخی اوزو آشاغی؛ چوخلو رکلی بزکلی آینالی سارایلاردان گئچیب آتا بابالارین غیرتین ارده مین گورمه ینن یام یاشیل باغ باغاتیدا سیر ائدیب بیر آخارلی گور چایین اوستونده اون بیر گوزلوکورپوقارشیمیزا چیخاندا؛گوردوک په آتانونان بو قیزیل کرپیچدن قورولموش کورپونون اون بیرین طاقین نان یئدی سگگیزینه بمب قویوب اوچوردوبلار؛کیتاب باشی آچان ایئریئسیمیزدن خبر آلاندا؛ ایضاحات وئردیکی بو کورپونون توکولن طاقلارینین بیرینجی سی  قاجارایکینجی سی ایکینجی نادیراووشار(افشار)؛اوچونجوسوصفوی؛دوردونجوسو کوره کن لر؛بئشینجی سی ائلخانلار؛آلتینجیسی سلجوقلار؛یئدینجیسی غزنویللردیر؛ائله آرادا بیر ایکی اوچ دنه ایسلام جمهوریتی و ایرضاشاه دان زندیدن زاددان ساه قالیب؛بیر بیریمیزین اوزونه باخاندا دئدیم ؛یولوموزا دوغرو گئده بیلمه ییجک هاااااااا

اوسدادفتری الین  چئینیمه قویوب دئدی؛ اوغلوم هر بیر خالق گئچمیشین اوچوردوبسا گله جه یینه دوغرو گئده بیلمه ییجک............................................

قویی یا آتیلان کاغاذ............................

+0 به یه ن

ایمامین قیرخی قاباقدا اولماقینا گوره طییییییی وارلی کارلی کربلایا نجفه گئدیب؛بیزده قوروم قونشودان دالا قالمایاق کندین یاریسی؛ طایفالیقان اوتوروب هاماش باج اوغلونون مینی بوسونا مئصمی قوما ساری بیر اوچ دورد گون هر گوندده اون یول قاداسین آلدیقیم مئصیمه خانیمین دردووارینا اوزوموزسورتوب باشینا فیرلانان سونرا دده مه حاجات آلیب سحر تئزدن ییغیشیب ماشینا تورسوزو باشین چئویردیک چمکارانا ساری؛اوردادا اولدوقو اولدوقو کیمین ماشینان اَنن اوزون گیردنه باش گونبذلره اوز توتوب سالام وئره وئره چاتدیق آقانین قویوسونا؛هاممی زیارات اوخویوب آغلاشما مراسیمین قورتاراندا گوردوم طیییییییی زووارلاراوزون قویون باشینا یئتیریب خیلک پول پاکات توکنن سونرا باش ائییب نسه قویویا دئییرلر؛منه نوبات چاتاندا باشیمی گوبه ییمه قدر قویویا ساللاییب آغلایا آغلایا دئدیم آقا آی آقا منم ایییییییی کابلا احداوغلو قالایچی مورتوض هه ابن مولجمین نوه سی  ترس آوا کندینن گلمیشم ائشیدیرسن؛به ناواقت گله جکسن ؛نم کیم باشی باغلی کاغاذ پاکاتین باشیمین اوستونن قویی یا آتاندا؛ دالدان گوتومه بیر تپیک ویریب دئدی سن سوزو دءآقا ائشیدر؛ساغ الیمنن گوزلریمین یاشین سیلیب دئدیم آقا تاپیشیر اوتایدا مرحوم باباما حوری وئرسینلر؛بیر ده کی محصولارکنده یول چکسینلر؛کئفلی ایسکندرده تاپشیریق وئرکی خالا خانیما اذییت ائلمه سین؛گلنده خبر ائله ایشرمنده اولمایاق ؛دوروب ایاغا شالواریمی زادیمی یوخاری چکندن سونراشیخ آقانین  ایراننده نین موسافیلرین سالاماتدیقینا صالاوات چئویرین دئییه؛بیر آز  اورادا  پایلانان ساندیس ساندیویج آلیب یئییندن سونرا؛لاپدان مامورلا توکولوب جاماهاتی اوزاقلاشدیرلار کی نه بیلیم گلن دوره پرزدنلیگه آدای(کاندید) اولان قویی یا یوخونلاشیر ؛گونون ائییلمه ینه باخمایاراق کروان باشی ماخلوقا های باسیب ماشینا ییغارکن سوروردوک تئهرانا آروادین دده لیگی ائوینه ؛خیلک یول گئدندن سونرا منه واجیب ایش ال وئرنده ماشین ساخلادیریب یول قیراغی توکانلارین دالی بیر آچیقیلیق یئره چاتاندا بیر الیمنن شالوارین باغین آچا آچا گوردوم بیرکیشی اته یین آچیب گویه نسه گوییدن بیر زاد گوزله ییر؛اوزومو قیسا قیسا دئدیم قارداش خییر اولا نه آغیزوی آچیبسان گویه؛دئده نه اولاجاق اته ییمی آچمیشام گویدن گئدن قوش یومورتداسین اته ییمه؛گولوب دئدیم اشی نه آخماق آدامسان؛دئدی هئله نه گوروبسن منن آخماق ائوده کی قارداشیمدیرکی اوتیانا یاغ توکوب پیشیره باخخخخخخخ.................................      

سیزیده آرواد ساری یئتییییییییییییم..........

+0 به یه ن

قالایچی مورتوض بیر ایکی ایل قاباق باشیزا گلمه سین آرواد طرفیندن یئتیم قالمیشدی کند یاشامیندا چتینلیگه دوشنده قونشو کدده بیر زامانلار قاب قاجاغین قالایلامیش سیید خلیلین دول آناسینا موشتری چیخیر؛چوخلوآدام نفر یوللایاندان سونرا سییدخلیل کوکو قایناقلی طایفا اولدوقلارینا گوره بو ایشدن باش قاچیردیب؛ تاپاقی قولتوغوندا بوینوم چئی نینده اولان قالایچی نین گلن ائلچی لرینین آغزین بوزا وئریردی؛امما قالایچی دا بو ایشین آخیری نه اولاجاقین گوزونه آلیب دایام دیره مینن اوزایسته یینه دوغرو چالیشیریدی؛هرایکی هفته دن بیر یئنی یئنی گلن ائلچی لرین طرفینن بئزیکن سیید خلیل اوزیانینداچوخلو اولچو بیچی ائله یندن سونرا؛بئله قارارا گلیر کی بو دونه قالایچی وریندن گلن کیمسه لره هه دئییب اون دوققوز بند جئییزقانونو یازارکن بو آغیرتوی صورتی نن خالام ارینین قاباغینا داش دییرتمک ایسته ییردی؛امما سگیزینجی دونه قالایچی وریندن گلن ائلچی لر الی بوش قاییتماییب؛آغیر ائللی طایفالی سییدخلیل قیسیر آناسی نین قالایچی نان ائولنمه یینه اوزو گولش لیگینن یاناشیب فیلان واقت گلرسیزدئییه بو ایشی بیر دفه لیک باشیندان ائله مک ایسته ییردی؛قویلان واقت وعده باشا گلیب ائلین قایدا قانونیان پیقومبرین شرینن جوم آخشامیلارین بیرینده قالایچی مورتوض گئئینیب گئچینیب باشی نین دسته سینن آخشام ناخیر داوار گلنده ائلچی کاروانینی تئزه گلینین قاپیسیندان اندیریر؛کنده چوء دوشن کیمین قیزائویده یوخون ائل طایفا آق ساققالارین چاغیریب شامنان سونرا دء دانیشیق باشلاناندا؛کوکولو قایناقلی سیید خلیل اون دوققوز بندیدن عیبارت اولان ایلکن یازیلمیش جئییز صورتینی میرزه دایی سی نین قاباغینا اوتورور؛تئزه گلین طرفینن گلن قوناقلار بیربیرینین اوزونه باخیب قیزاریب بوزارتیدان سونرا میرزه دایی ساپینان باغلانمیش گوزلوگونوتاخیب باشلادی سیید خلیل توتان جئییزصورتینی نین بندلرین بیر بیر اوخوماغا

1-ننه مین آدینا بیر باغ سالاسان

2-اونو هر ایل خوراسان مئسمی قوما آپاراسان

5- اونون دده سی نین قالمیش نامازین قیلاسان

6-بیزه فهرنگیستان وئره سن

8-ائوده چوره یی اوزون یاپاسان

11-سوریه یمن  دویوشلرینه سون قویاسان

13-ایخیلاس ائله یینلرین قولاغین ویراسان

15- تورکه؛ کورده؛ لورا؛ بلوچا؛ اوز دیلینده مدرسه وئره سن

17-اورمو گولون قوروداسان

19-آیدادا بیر یول ننه می آلیب دالیوا کندی دولاندیرسان

شیری شکلنمیش قالایچی طییییی یازی شرطلرینه هه دئییب آلتینا قول چکمه ینن  ننه نین کبین کسیب آپاریب ایشین آشیراندان بئله یازیلان بندلرین دال چئویرن ترامپ باغیشلایین چاشدیم قالایچی مورتوض سیید خلیل وریندن محکمه یه وئریلیب بیر ایکی ایل گد گَلدن سونرا محکمه نین سون قرارینا گلن قالایچی اوزینن بیر نردوواندا گتیریر؛واقتلاری چاتیب حاکیمین اوتاغینا نردوواننان گیرن قالایچی دایانیب محکمه چی سون قراری اوخویوب چککوشی تاخدایا ویراندااااااا پیلله کانی دووارا یئرلشدیریب بیرینجی پیلله سینه ایاق قویانداااااا محکمه کاتبه سی سوراندا کی جانیم نه دئمک ایسته ییرسن

قالایچی دایانمادان دئییرحوکوموتیمیزقویان پیلله کانا چیخماق ایسته ییرم  

هردنده پیادا..................

+0 به یه ن

اونا گوره کی

 ایاق قابیلاریمی تای دئشیک گئییرم

خالا جانیمین کوینه یین چپردن گوتوروب ائینیمه چکیرم

قویونلارا شرعییات شکییات درسی اورگه دیرم

ائششه یه یاسین اوخورام

دیشی گئچی لرین قویروقو اوستونه حیجاب قویورام

مایدان دیرناغی رکلیرم

قاریشقایا یومورتا یوکلورم

قاطیرین قولاقلارینا سیرقا تاخیرام

ایتینن قورد آراسیندا دانیشقلار آپاریرام

کانقیرو قولتوغونا قارپوز وئریرم

توسباغا دریسی ندن داغارچیق تیکیرم

ترس آوادان کربلا کوءشه نینه سو چکیرم

نئفت موقاوله لرین بوزا یازیرام

قارشیدا باش وئرن دویوشه دَئیَنک یونورام

گلن دوره جومهور باشقانی یازیلیرام

تولکونون باشینا جیققا(تاج)تیکیرم

خوروزلاری آخدا ائلیرم

گاهدان شالواریمی سیریب ایسلام اولکه سینه باغیشلایین چاشدیم سو قیراغینا......................

بئش اون گون اولار منی توتوب گتیربلر دلی خانایا هر یانیمی مایناتدان گئچیریب عاقلی هوشومویوخلاماق ایسته ییرلر؛هر گون اولدوقوکیمین بو گونده یئنی دن چاغیریبلارصینیفه بیرآق پالتارلی دوکتورقولاغیندا قیرادوز نئچه سووال سورقو مندن ائدرکن الین قویدی باشیما کی بیرا ندیر؛

دئدیم شیخ آقانین آشکال قابی سی

الین اوره ییمه قویوب سوروشدی بیرا ندیر

دئدیم خالا قیزیمین....................

گوبکدن آشاغی الین قویاندا

دئدیم آی آی اورا دئیمه کی دال قاباغیم مونکیراتا مربوطدور

الین اوزادیب قیچلاریمی گوسترنده         ا

دئدیم اونلارینان مچیده منبره ناماز جومعه یه هردنده پیاداااااااا.........................  

بس منی کیم گوزله سین

+0 به یه ن

کدده مچیدیمیزه اوغرودوشوب تالایاندان سونرا ترس آوا جاماهاتی ییغشیب نئچه آدای یین(کاندید) ایچیندن منی مچید آوان سئچدیلر کی تانری ائوین اوغرودان اوباشدان گوزله ییم؛واقت وعده گلیب چاتان گونو آنیم مراسیمینده(تحلیف) جاماهات توپلانیب سورقو سالاواتینان مچیدیمیزین آچار قیفیلین او بیری ایزحمت کش مومون و موسلمان اوغرو قارداش............ باغیشلایین چاشدیم گئچمیش مچید آواندان آلیب منه وئرنده اوغرولاری پیسله ینلر منی اویوردولر(تعریف ائدیردیلر) کی سیز ائله دده بابادان آماناتدار آدام سینیزنه بیلیم قورآن اوخوب ناماز قیلانسیز ............؛سوزو قوتاریب ماخلوق مچیدن چیخاندا قاپی کرگانیندا(آستانادا) ایماش دایی قارشیدان الین چیینمه قویوب تاپشیریق وئرنده کی آی قالایچی مورتوض مچیدی گوزله اول هااااااااااااااا

منده ائله دایانمادان جاماهاتین ایچینده  اوجا سه سینن دئدیم آی دایی من یازیق

قویونو قوردان گوزله ییم

قوردو ایتدن گوزله ییم

تویوقو تولکودن گوزله ییم

دنه نین تویوقدان گوزله ییم

جوجه نی پیشیکدن گوزله ییم

پئندیری سیجاندان گوزله

داغی دره دن گوزله ییم

باغچانی شاختادان گوزله ییم

بوستانی چاققالدان گوزله ییم

اوروپانی داعیش دن گوزله ییم

زنننی  حیجابدان گوزله ییم

اولکه نی تهاجوم فهرنگیدن گوزله ییم

 سوری یه یمنی بومباردیماندان گوزله ییم

تاخیل آممارین قاریشقادان گوزله ییم

مودورلری ایختیلاس دان گوزله ییم

سولو ساغدان گوزله ییم  

ایمام زادا پولون ماللادان گوزله ییم

بانگ لاری ایریئس لردن گوزله ییم

دنیزده دکلی گوزله ییم

نجومی فیش حقوق لاری گوزله ییم

ماخلوقو شیخ آقادان گوزله ییم

دونیانی یئنگه دونیادان گوزله ییم

جیبیمی آرواددان گوزله ییم  



  • [ 1 ][ 2 ][ 3 ][ 4 ][ 5 ][ 6 ][ 7 ]